ಟಿ20 ವಿಶ್ವಕಪ್ ಟೂರ್ನಿಗೆ ಅದ್ಧೂರಿ ತೆರೆ ಬಿದ್ದಿದೆ. ಹಲವು ರೋಚಕ ತಿರುವುಗಳು, ಆರ್ಭಟಗಳ ಮಧ್ಯೆ ಅಂತ್ಯಗೊಂಡಿದೆ. ಫೈನಲ್ನಲ್ಲಿ ನ್ಯೂಜಿಲೆಂಡ್ ತಂಡವನ್ನ ಮಣಿಸಿ ಆಸ್ಟ್ರೇಲಿಯಾ, ಚೊಚ್ಚಲ ಟಿ20 ವಿಶ್ವಕಪ್ ಟ್ರೋಫಿಗೆ ಮುತ್ತಿಕ್ಕಿದೆ. ಇದರ ಬೆನ್ನಲ್ಲೇ ಇಡೀ ಟೂರ್ನಿಯಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ 11 ಆಟಗಾರರ ತಂಡವನ್ನ ಐಸಿಸಿ ಪ್ರಕಟಿಸಿದೆ.
ಆದರೆ ಐಸಿಸಿ ಪ್ರಕಟಿಸಿದ ಈ ತಂಡದಲ್ಲಿ ಭಾರತದ ಆಟಗಾರರೇ ಇಲ್ಲದಿರೋದು ಅಚ್ಚರಿ ಮೂಡಿಸಿದೆ. ಇನ್ನು ಈ ತಂಡಕ್ಕೆ ಪಾಕಿಸ್ತಾನದ ನಾಯಕ ಬಾಬರ್ ಅಝಂ ಐಸಿಸಿ ರಚಿಸಿದ ತಂಡಕ್ಕೂ ಕ್ಯಾಪ್ಟನ್ ಆಗಿದ್ದಾರೆ. ಇನ್ನು ಈ ತಂಡದಲ್ಲಿ ಆಸ್ಟ್ರೇಲಿಯಾದ ಮೂವರು ಸ್ಥಾನ ಪಡೆದುಕೊಂಡಿದ್ದರೆ, ಇಂಗ್ಲೆಂಡ್ನ ಇಬ್ಬರು ಆಟಗಾರರು ತಂಡದಲ್ಲಿದ್ದಾರೆ.
ಹಾಗೇ ಶ್ರೀಲಂಕಾ, ದಕ್ಷಿಣಾ ಆಫ್ರಿಕಾದಿಂದ ತಲಾ ಇಬ್ಬರು, ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್ ತಂಡದಿಂದ ಒಬ್ಬರೊಬ್ಬರು ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಇನ್ನು ಪಾಕಿಸ್ತಾನ ಮತ್ತೊಬ್ಬ ಆಟಗಾರ ಶಾಹೀನ್ ಆಫ್ರಿದಿ 12ನೇ ಆಟಗಾರನಾಗಿ ಆಯ್ಕೆ ಆಗಿದ್ದಾರೆ. ಈ ತಂಡದಲ್ಲಿ ಡೇವಿಡ್ ವಾರ್ನರ್, ಜೋಸ್ ಬಟ್ಲರ್ ಆರಂಭಿಕರಾಗಿ ಕಣಕ್ಕಿಳಿಯಲಿದ್ದಾರೆ.
ಬಾಬರ್ ಅಝಂ, ಚರಿತ್ ಅಸಲಂಕಾ, ಆ್ಯಡಂ ಮಾರ್ಕರಮ್ ಮಧ್ಯಮ ಕ್ರಮಾಂಕದಲ್ಲಿ ಆಡಲಿದ್ದಾರೆ. ಇನ್ನು ಮೋಯಿನ್ ಅಲಿ, ವನಿಂದು ಹಸರಂಗ ಆಲ್ರೌಂಡರ್ ಕೋಟಾದಲ್ಲಿ ಸ್ಥಾನ ಪಡೆದಿದ್ರೆ, ಆ್ಯಡಂ ಜಂಪಾ ಸ್ಪಿನ್ನರ್ ಆಗಿದ್ದಾರೆ. ಜೋಶ್ ಹೇಜಲ್ವುಡ್, ಟ್ರೆಂಟ್ ಬೋಲ್ಟ್, ಆ್ಯನ್ರಿಚ್ ನೋಕಿಯಾ ವೇಗಿಗಳಾಗಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ.
ಭಾರತ ಯಾವೊಬ್ಬ ಆಟಗಾರರಿಗೆ ಅವಕಾಶ ನೀಡದಿರುವುದಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ನೆಟ್ಟಿಗರು ತೀವ್ರ ತರಾಟೆ ತೆಗೆದುಕೊಂಡಿದ್ದಾರೆ. ಟೂರ್ನಿಯಲ್ಲಿ ರಾಹುಲ್-ರೋಹಿತ್ ಅದ್ಭುತವಾಗಿ ಆಡಿದ್ರು. ಆದರೂ ಯಾಕೆ ಚಾನ್ಸ್ ನೀಡಿಲ್ಲ.? ಯಾವ ಆಧಾರದಲ್ಲಿ ತಂಡವನ್ನ ಆಯ್ಕೆ ಮಾಡಲಾಗಿದೆ ಎಂದು ಅಭಿಮಾನಿಗಳು ಪ್ರಶ್ನಿಸಿದ್ದಾರೆ.
The @upstox Most Valuable Team of the Tournament has been announced 🌟
Does your favourite player feature in the XI?
Read: https://t.co/J3iDmN976U pic.twitter.com/SlbuMw7blo
— ICC (@ICC) November 15, 2021