ನವದೆಹಲಿ: ಸ್ಥಳೀಯ ಸಂಸ್ಕೃತಿ ಮತ್ತು ಸಂಪ್ರದಾಯಕ್ಕೆ ಮೆರುಗು ನೀಡುವ ಕೋಣಗಳ ಸದರ್ ಉತ್ಸವ ಹೈದರಾಬಾದ್​​​​ನಲ್ಲಿ ಅದ್ಧೂರಿಯಿಂದ ನಡೆಯಿತು.

ಉತ್ಸವದಲ್ಲಿ ಬಾಹುಬಲಿ ಹೆಸರಿನ ಕೋಣ ಹೆಚ್ಚು ಗಮನ ಸೆಳೆದಿದೆ. ಹರಿಯಾಣದ ಬಲ್ವೀರ್ ಸಿಂಗ್ ತಂದಿದ್ದ ಬಾಹುಬಲಿ ಕೋಣಕ್ಕೆ ಹೈದರಾಬಾದ್​ನ ಚಾಪೆಲ್ ಬಜಾರ್​ನ ಲಡ್ಡು ಯಾದವ್ ಎಂಬ ವ್ಯಕ್ತಿ ಸುಮಾರು 3 ಕೆ.ಜಿ ತೂಕವಿರುವ, ಮೂರು ಕೋಟಿ ಬೆಲೆ ಬಾಳುವ ಚಿನ್ನದ ಸರವನ್ನು ತೊಡಿಸಿ ಸುದ್ದಿಯಾಗಿದ್ದಾರೆ.

ಸಂಸ್ಕೃತಿ, ಸಂಪ್ರದಾಯವನ್ನು ಬಿಂಬಿಸುವ ಸದರ ಸಂಭ್ರಮಕ್ಕೆ ನಿನ್ನೆ ಹೈದರಾಬಾದ್​ ಸಜ್ಜಾಗಿತ್ತು. ತಾಳಮದ್ದಳೆ, ರಸಮಂಜರಿಗಳಿಂದ ಕೂಡಿದ ಮೆರವಣಿಗೆಗಳು ನಡೆದವು. ಈ ಉತ್ಸವದಲ್ಲಿ ಈ ಕೋಣ ನಿನ್ನೆಯ ದಿನ ಪ್ರಮುಖ ಆಕರ್ಷಣೆಯಾಗಿತ್ತು. ಇದನ್ನ ನೋಡಲು ಜನ ಮುಗಿಬಿದ್ದರು. ಕಳೆದ ವರ್ಷ ಕೋವಿಡ್‌ನಿಂದಾಗಿ ಸದರ್ ಆಚರಣೆ ಸರಳವಾಗಿ ನಡೆದಿತ್ತು.