ಬಿಗ್​ಬಾಸ್​​; ಆ್ಯಂಕರ್​​ ಆಗಿ ದೊಡ್ಮನೆ ಜವಾಬ್ದಾರಿ ಹೊತ್ತುಕೊಂಡ ನಟಿ ರಮ್ಯಾಕೃಷ್ಣ


ಕಿರುತೆರೆ ಪ್ರೇಕ್ಷಕರಿಗೆ ಬಿಗ್ ಬಾಸ್ ರಿಯಾಲಿಟಿ ಶೋ ಬಗ್ಗೆ  ಸಖತ್  ಕ್ರೇಜ್ ಇದೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ, ಹಿಂದಿ ಮುಂತಾದ ಭಾಷೆಗಳಲ್ಲಿ ಈ ಕಾರ್ಯಕ್ರಮ ಫೇಮಸ್ ಆಗಿ, ಸೀಸನ್​​ಗಳ ಮೇಲೆ ಸೀಸನ್ ನಡೆಯುತ್ತಲೇ ಇದೆ . ಕನ್ನಡ ಬಿಗ್ ಬಾಸ್ನಲ್ಲಿ  ಕಿಚ್ಚ ಸುದೀಪ್  ಫಿಕ್ಸ್ ಆಗಿದ್ದು, ಸುದೀಪ್ ಬಿಟ್ರೆ ಮತ್ಯಾರು  ಆ ಜಾಗಕ್ಕೆ ಸೂಟ್ ಆಗಲ್ಲ ಅನ್ನೋವಷ್ಟು ಫೇಮಸ್ ಆಗಿದ್ದಾರೆ.

ಹಿಂದಿಯಲ್ಲಿ ಸಲ್ಮಾನ್ ಖಾನ್ ಅವರು ಈ ಜವಾಬ್ದಾರಿಯನ್ನು ಯಶಸ್ವಿಯಾಗಿ ನಿಭಾಯಿಸಿಕೊಂಡು ಬರುತ್ತಿದ್ದಾರೆ. ಆದರೆ ತೆಲುಗು ಮತ್ತು ತಮಿಳಿನಲ್ಲಿ ಬದಲಾವಣೆಗಳು  ಆಗಾಗ ಆಗುತ್ತಲೇ ಇರುತ್ತವೆ. ತೆಲುಗಿನಲ್ಲಿ ಮೊದಲು ಜ್ಯೂ. ಎನ್ಟಿಆರ್, ನಂತರ ನಾನಿ , ಈಗ ಅಕ್ಕಿನೇನಿ ನಾಗಾರ್ಜುನ ಬಿಗ್ ಬಾಸ್ನಲ್ಲಿ ಕಾಣಿಸಿಕೊಂಡಿದ್ದಾರೆ.ಇನ್ನು ತಮಿಳು ಬಿಗ್ ಬಾಸ್ 5  ನಿರೂಪಣೆ ಮಾಡುತ್ತಿದ್ದ ಕಮಲ್ ಹಾಸನ್  ಅವರಿಗೆ ಕೊರೊನಾ ಪಾಸಿಟಿವ್ ಆಗಿದೆ. ಈ ಹಿನ್ನೆಲೆಯಲ್ಲಿ ಅವರ ಸ್ಥಾನಕ್ಕೆ ಯಾವ ಸ್ಟಾರ್ ನಟ ಬರುತ್ತಿದ್ದಾರೆ ಅಂತ ಕಾಯುತ್ತಿದ್ದರು ಬಿಗ್ ಬಾಸ್ ಫ್ಯಾನ್ಸ್.

ಆದರೆ ಆ ಸ್ಥಾನಕ್ಕೆ ಸ್ಟಾರ್ ನಟನ ಬದಲು ಸ್ಟಾರ್ ನಟಿಯೊಬ್ಬರು ಬರೋದು ಪಕ್ಕಾ ಆಗಿದೆ. ಈ ಹಿಂದೆ ಕಮಲ್ ಹಾಸನ್ ಪುತ್ರಿ ಶೃತಿ ಹಾಸನ್ ನಿರೂಪಕರಾಗಿ ಬರುತ್ತಾರೆ ಎಂದು ಸುದ್ದಿಯಾಗಿತ್ತು. ಸದ್ಯ ಈ ಎಲ್ಲಾ ಊಹಾ ಪೋಹಗಳಿಗೆ ಫುಲ್ ಸ್ಟಾಪ್ ಇಟ್ಟಿದ್ದು, ತಮಿಳು ಬಿಗ್ ಬಾಸ್ ನಿರೂಪಕರಾಗಿ ಬಹುಭಾಷಾ  ಬೇಡಿಕೆಯ ನಟಿ ರಮ್ಯಕೃಷ್ಣ ಎಂಟ್ರಿಕೊಟ್ಟಿದ್ದಾರೆ. ಎಲ್ಲ ಅಂದುಕೊಂಡಂತೆ ಆದರೆ ಅದಷ್ಟು ಬೇಗ ರಮ್ಯಕೃಷ್ಣ ಅವರನ್ನು ತಮಿಳು ಬಿಗ್  ಬಾಸ್ ವೇದಿಕೆಯಲ್ಲಿ ನೋಡಬಹುದಾಗಿದೆ..

News First Live Kannada


Leave a Reply

Your email address will not be published. Required fields are marked *