ಉತ್ತರ ಕನ್ನಡ: ಆಳ ಸಮುದ್ರದಲ್ಲಿ ಮೀನುಗಾರಿಕೆಗೆ ತೆರಳಿದ್ದ ವೇಳೆ ಬೃಹತ್ ಗಾತ್ರದ ತಿಮಿಂಗಿಲ ಮೀನು ಬೋಟ್ ಸಮೀಪವೇ ಕಾಣಿಸಿಕೊಂಡಿದೆ. ಭಟ್ಕಳ ಸಮೀಪದ ಅರಬ್ಬಿ ಸಮುದ್ರದಲ್ಲಿ ಮೀನುಗಾರಿಕೆಗೆ ತೆರಳಿದ್ದ ವೇಳೆ ಪ್ರತ್ಯಕ್ಷವಾಗಿದೆ.
ಜಿಲ್ಲೆಯ ಭಟ್ಕಳದ ಅರಬ್ಬಿ ಸಮುದ್ರದಲ್ಲಿ ಸ್ಥಳಿಯ ಮೀನುಗಾರರು ನಿತ್ಯದಂತೆ ಬಲೆಯನ್ನು ಹೊತ್ತು ಮೀನಿಗಾರಿಗೆ ಬೋಟ್ನಲ್ಲಿ ಸಮುದ್ರಕ್ಕೆ ಇಳಿದಿದ್ದಾರೆ. ಈ ವೇಳೆ ದೊಡ್ಡ ತಿಮಿಂಗಿಲವೊಂದು ಮೀನುಗಾರರಿದ್ದ ಬೋಟ್ನ ಕಣ್ಣಳತೆಯ ದೂರದಲ್ಲಿ ಕಾಣಿಸಿಕೊಂಡಿದ್ದು ಮೀನುಗಾರರಲ್ಲಿ ಆತಂಕ ಸೃಷ್ಟಿಸಿದೆ. ಕಾಣಿಸಿಕೊಂಡ ತಿಮಿಂಗಿಲವನ್ನು ಮೀನುಗಾರರು ಮೊಬೈಲ್ನಲ್ಲಿ ಸೆರೆ ಹಿಡಿದಿದ್ದು ಸಾಕಷ್ಟು ವೈರಲ್ ಆಗಿದೆ.