ಬೆಂಗಳೂರು: ರಾಜಧಾನಿ ಬೆಂಗಳೂರಲ್ಲಿ ಎರಡು ಒಮಿಕ್ರಾನ್ ವೈರಸ್ ಪತ್ತೆ ಆಗಿದೆ. 66 ವರ್ಷದ ವೃದ್ಧನಲ್ಲಿ ಒಮಿಕ್ರಾನ್ ವೈರಸ್ ಪತ್ತೆಯಾಗಿದೆ. 20ರಂದು ಸೌತ್ ಆಫ್ರಿಕಾದಿಂದ ಬಂದಿದ್ದ ವೃದ್ಧನ ಸ್ಯಾಂಪಲ್ ಏರ್ಪೋರ್ಟ್ನಲ್ಲಿ ತೆಗೆದುಕೊಳ್ಳಲಾಯ್ತು. ಪಾಸಿಟಿವ್ ಬಂತು, ತಕ್ಷಣ ಜಿನೋಮ್ ಸೀಕ್ವೆನ್ಸ್ ರವಾನೆ ಮಾಡಿದೆವು. ಜಿನೋಮ್ ಸೀಕ್ವೆನ್ಸ್ನಲ್ಲಿ ಒಮಿಕ್ರಾನ್ ಅನ್ನೋದು ದೃಢ ಆಗಿತ್ತು ಎಂದು ಬಿಬಿಎಂಪಿ ಆಯುಕ್ತ ಗೌರವ್ ಗುಪ್ತಾ ಹೇಳಿದರು.
ಈ ಸಂಬಂಧ ಮಾತಾಡಿದ ಗೌರವ್ ಗುಪ್ತಾ, ಹೋಟೆಲ್ನಲ್ಲಿ ಅವರನ್ನ ಐಸೊಲೇಟ್ ಮಾಡಲಾಗಿತ್ತು. 24 ಪ್ರಾಥಮಿಕ ಸಂಪರ್ಕಿತರು, 240 ಸೆಕೆಂಡರಿ ಕಾಂಟ್ಯಾಕ್ಟ್ ಪತ್ತೆಯಾಗಿದೆ. ಎಲ್ಲರ ಸ್ಯಾಂಪಲ್ ಪಡೆದ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರ ಕಳಿಸಿದ್ದೇವೆ. ಸಂಪರ್ಕದಲ್ಲಿದ್ದವರಿದ್ದೆಲ್ಲಾ ನೆಗೆಟಿವ್ ರಿಪೋರ್ಟ್ ಬಂದಿದೆ. ಆ ವ್ಯಕ್ತಿಗೆ ಇನ್ನೊಂದು ಲ್ಯಾಬ್ನಲ್ಲಿ ಟೆಸ್ಟ್ ಮಾಡಿಸಲಾಗಿದೆ. ಅವರ ಸ್ಯಾಂಪಲ್ ಟೆಸ್ಟ್ನಲ್ಲಿ ನೆಗೆಟಿವ್ ರಿಪೋರ್ಟ್ ಬಂದಿದೆ. 27ರಂದು ಆ ವ್ಯಕ್ತಿ ಏರ್ಪೋರ್ಟ್ ಮೂಲಕ ದುಬೈಗೆ ಹೋಗಿದ್ದಾರೆ ಎಂದರು.
ಎರಡನೇ ಸೋಂಕಿತ 46 ವರ್ಷದ ವ್ಯಕ್ತಿ. 22ರಂದು ಸ್ಯಾಂಪಲ್ ಪಡೆದಿದ್ದು, ಪಾಸಿಟಿವ್ ಬಂದಿತ್ತು. ಬಳಿಕ ಸ್ಯಾಂಪಲ್ ಅನ್ನ ಎನ್ಸಿಬಿಎಸ್ ಲ್ಯಾಬ್ಗೆ ರವಾನೆ ಮಾಡಲಾಗಿತ್ತು. ಇವತ್ತು ಆ ವ್ಯಕ್ತಿಯಲ್ಲೂ ಒಮಿಕ್ರಾನ್ ಪಾಸಿಟಿವ್ ಬಂದಿದೆ. ಆ ವ್ಯಕ್ತಿಯನ್ನೂ ಹೋಮ್ ಐಸೊಲೇಷನ್ನಲ್ಲಿರಸಲಾಗಿತ್ತು. ಬಳಿಕ ಅವರಿಗೆ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿತ್ತು. 13 ಪ್ರಾಥಮಿಕ ಸಂಪರ್ಕಿತರು, 205 ಸೆಕೆಂಡರಿ ಕಾಂಟ್ಯಾಕ್ಟ್ ಪತ್ತೆಯಾಗಿವೆ ಎಂದು ತಿಳಿಸಿದರು.