ಬೆಂಗಳೂರು: ನಗರದಲ್ಲಿ ಕೊರೊನಾ ನಿಯಂತ್ರಣಕ್ಕೆ ಬರಲಿದೆ ಹೊಸ ಅಸ್ತ್ರ.. ಬಿಬಿಎಂಪಿ ಸಹಯೋಗದಲ್ಲಿ ಏರಿಯಲ್ ವರ್ಕ್ಸ್ ಏರೋ ವತಿಯಿಂದ ಮೂರು ದಿನಗಳ ಕಾಲ ಲಘು ವಿಮಾನ ಹಾರಾಟ ನಡೆಯಲಿದೆ. ಹೌದು, ಲಘು ವಿಮಾನದ ಮೂಲಕ ಸಾವಯವ ಔಷಧ ಸಿಂಪಡಿಸಿ, ಕೊರೊನಾ ವೈರಸ್​ನ್ನ ಹತೋಟಿಗೆ ತರೋ ಪ್ರಯತ್ನಕ್ಕೆ ಮೊಟ್ಟ ಮೊದಲ ಬಾರಿಗೆ ರಾಜಧಾನಿಯಲ್ಲಿ ಪೈಲೆಟ್ ಪ್ರಾಜೆಕ್ಟ್ ಶುರುವಾಗಲಿದೆ. ಲಘು ವಿಮಾನ ಹಾರಾಟದ ಮೂಲಕ ಬೆಂಗಳೂರಿನ ಗಲ್ಲಿ ಗಲ್ಲಿಗೂ ಎಟ್ರಿಕೊಟ್ಟು, ಮೂರು ದಿನಗಳ ಕಾಲ ನಗರದ ವಿವಿಧೆಡೆ ಔಷಧಿ ಸ್ಪ್ರೇ ಮಾಡಲಿದೆ.  ಕೇವಲ 8 ನಿಮಿಷಗಳಲ್ಲಿ ವೈರಸ್ ಫಿನಿಶ್ ಮಾಡುವ ಸಾಮರ್ಥ್ಯ ಹೊಂದಿರುವ ಈ ಆರ್ಗ್ಯಾನಿಕ್ ಸ್ಪ್ರೆಯನ್ನ, ಇದೇ ಮೊದಲ ಬಾರಿಗೆ ಬೆಂಗಳೂರಿನಲ್ಲಿ ಪ್ರಯೋಗ ಮಾಡಲಾಗ್ತಿದೆ.

ಸಚಿವ ಆರ್​. ಅಶೋಕ್​ರಿಂದ ಚಾಲನೆ

ಈ ಲಘು ವಿಮಾನ ಕೇವಲ 1 ಗಂಟೆಯಲ್ಲಿ 300 ಹೆಕ್ಟೇರ್ ಕವರ್ ಮಾಡುವ ಸಾಮರ್ಥ್ಯ ಹೊಂದಿದೆ. ಡ್ರೋನ್​ಗಿಂತಲೂ ಹೆಚ್ಚು ವೇಗವಾಗಿ, ಔಷಧಿ ಸಿಂಪಡಿಸುವ ಸಾಮರ್ಥ್ಯ ಈ ಲಘು ವಿಮಾನ ಹೊಂದಿದೆ. ಈ ಸಾವಯಾವ, ಔಷಧಿ ಸಿಂಪಡಿಸಿದರೆ ಶೇಕಡಾ 88 ರಷ್ಟು ವೈರಸ್ ಹರಡುವಿಕೆ ತಡೆಗಟ್ಟುವ ಸಾಧ್ಯತೆಯಿದ್ದು, ಇದನ್ನ ಇಡೀ ಬೆಂಗಳೂರಿಗೆ ಔಷಧಿ ಸಿಂಪಡಿಸಬಹುದಾಗಿದೆ ಎನ್ನಲಾಗಿದೆ. ಇಂದು ಈ ವೈಮಾನಿಕ ಸ್ಯಾನಿಟೈಸ್​ ಸರ್ವೇಗೆ ಸಚಿವ ಆರ್​.ಅಶೋಕ್​ ಚಾಲನೆ ನೀಡಿದ್ದಾರೆ.

300 ಲೀಟರ್​ ಭಾರ ಹೊರುವ ಸಾಮರ್ಥ್ಯ

ಖಾಸಗಿ ಕಂಪನಿಯೊಂದಿಗೆ ಮಾತುಕತೆ ನಡೆಸಿ ವೈಮಾನಿಕ ಸಿಂಪಡಣೆಗೆ ಅಮೆರಿಕನ್ ಚಾಂಪಿಯನ್ ಸ್ಕಾಟ್ ವಿಮಾನವನ್ನ ಬಳಕೆ ಮಾಡಲಾಗ್ತಿದೆ. 300 ಲೀಟರ್​ಗಳಷ್ಟು ಭಾರ ಹೊತ್ತೊಯ್ಯಬಲ್ಲ ಈ ಸ್ಕಾಟ್ ವಿಮಾನ,ಕಡಿಮೆ ಎತ್ತರದಲ್ಲಿ ಹಾರಾಟ ನಡೆಸಿ ಗಂಟೆಗೆ 300 ಹೆಕ್ಟೇರ್ ನಷ್ಟು ಪ್ರದೇಶದಲ್ಲಿ ಸ್ಯಾನಿಟೈಸರ್​ ಸಿಂಪಡಣೆಯ ಸಾಮರ್ಥ್ಯವನ್ನ ಹೊಂದಿದೆ. ಇನ್ನೂ ಸ್ಯಾನಿಟೈಸೇಷನ್​ಗೆ ಎರಡು ರೀತಿಯ ಜೈವಿಕ ಸೋಂಕು ನಿವಾರಕ ದ್ರಾವಣ ಬಳಕೆ ಮಾಡಲಾಗುತ್ತೆ

1. ಏರ್ ಲೆನ್ಸ್ ಮೈನಸ್ ಕೊರೊನಾ- ಇದು ರಾಸಾಯನಿಕ ರಹಿತ, ಮಾನವ ಸ್ನೇಹಿ ಸ್ಯಾನಿಟೈಸೇಷನ್ ಸಿಸ್ಟಮ್ ಹೊಂದಿದೆ
2. ಶುಗಾರಧಾನ ಜೈವಿಕ ಆಂಟಿಮೈಕ್ರೋಬಿಯನ್ ಕಾನ್​ಸನ್​ಟ್ರೇಟ್​-  ಇದು ಆರ್ಯುವೇದ ಅಂಶಗಳನ್ನು ಬಳಸಿಕೊಂಡು ನಿರ್ಮಾಣ ಮಾಡಲಾಗಿದ್ದು, ಬ್ಯಾಕ್ಟೀರಿಯಾ, ಫಂಗಸ್ ಮತ್ತು ವೈರಾಣುಗಳ ವಿರುದ್ಧ ಹೆಚ್ಚು ಪರಿಣಾಮಕಾರಿಯಾಗಿದೆ.

The post ಬೆಂಗಳೂರಿನ ಗಲ್ಲಿಗಲ್ಲಿಯ ಮೇಲೂ ಹಾರಾಡಲಿದೆ ಈ ವಿಮಾನ.. ಯಾಕೆ ಗೊತ್ತಾ..? appeared first on News First Kannada.

Source: newsfirstlive.com

Source link