ಬೆಂಗಳೂರು; ಮಾರಕಾಸ್ತ್ರ ತೋರಿಸಿ ಫುಡ್ ಕೊಡಲು ಹೋಗ್ತಿದ್ದ ಡೆಲಿವರಿ ಬಾಯ್​​ನನ್ನು ಅಡ್ಡಗಟ್ಟಿ ದರೋಡೆ


ಬೆಂಗಳೂರು: ರಾಜಧಾನಿಯಲ್ಲಿ ಮತ್ತೆ ದುಷ್ಕರ್ಮಿಗಳ ಪುಂಡಾಟ ಶುರುವಾಗಿದ್ದು, ಮಧ್ಯರಾತ್ರಿ ಒಬ್ಬರೇ ಓಡಾಟ ಮಾಡುವ ಮುನ್ನ ಜನರು ಎಚ್ಚರ ವಹಿಸಿರುವ ಅಗತ್ಯವಿದೆ. ಏಕೆಂದರೆ ಫುಡ್​ ಡೆಲಿವರಿ ಕೊಡಲು ಹೋಗ್ತಿದ್ದ ಯುವಕನಿಗೆ ಲಾಂಗ್, ಮಚ್ಚು ತೋರಿಸಿ ರಾಬರಿ ಮಾಡಿರೋ ಘಟನೆ ಕೆಜಿ ಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಬೈಕ್​​ನಲ್ಲಿ ಫುಡ್ ಡೆಲಿವರಿ ಕೊಡಲು ಹೋಗ್ತಿದ್ದ ರಾಜು ಎಂಬ ಯುವಕನ ಮೇಲೆ ದುಷ್ಕರ್ಮಿಗಳು ಅಟ್ಯಾಕ್​ ಮಾಡಿದ್ದು, ನಡುರಾತ್ರಿ ರಸ್ತೆ ಮಧ್ಯೆ ಮಾರಕಾಸ್ತ್ರ ತೋರಿಸಿ ಬೆದರಿಕೆ ಹಾಕಿದ್ದಾರೆ. ಕುಟುಂಬದ ಪೋಷಣೆಗಾಗಿ ಮಧ್ಯ ರಾತ್ರಿಯಾದರೂ ಫುಡ್​ ಡೆಲಿವರಿ ಕೆಲಸ ಮಾಡುತ್ತಿದ್ದ ರಾಜು, ದುಷ್ಕರ್ಮಿಗಳ ಬಳಿ ಬೈಕ್​ ತೆಗೆದು ಹೋಗದಂತೆ ಬೇಡಿಕೊಂಡಿದ್ದಾರೆ. ಆದರೂ ಬಿಡದ ಆರೋಪಿಗಳು ರಾಜು ಬಳಿ ಇದ್ದ ಮೊಬೈಲ್, ಹಣ ಸೇರಿದಂತೆ ಬೈಕ್ ಸಮೇತ ಸ್ಥಳದಿಂದ ಎಸ್ಕೇಪ್ ಆಗಿದ್ದಾರೆ.

ಕೆಜಿ ಹಳ್ಳಿ ಠಾಣಾ ವ್ಯಾಪ್ತಿಯಲ್ಲಿ ಶನಿವಾರ ರಾತ್ರಿ 12 ಗಂಟೆ ವೇಳೆಗೆ ಘಟನೆ ನಡೆದಿದ್ದು, ಈ ಕುರಿತಂತೆ ಕೆಜಿ ಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿಕೊಳ್ಳಲಾಗಿದೆ. ದರೋಡೆಯ ದೃಶ್ಯಗಳನ್ನು ಸಾರ್ವಜನಿಕರೊಬ್ಬರು ತಮ್ಮ ಮಹಡಿಯ ಮೇಲಿಂದ ಮೊಬೈಲ್​ನಲ್ಲಿ ಸೆರೆ ಹಿಡಿದಿದ್ದಾರೆ.

News First Live Kannada


Leave a Reply

Your email address will not be published. Required fields are marked *