ಬೆಂಬಲ ಕೋರಿ BJP ಬೆನ್ನಲ್ಲೇ ಸುಮಲತಾ ಭೇಟಿಯಾದ ಕಾಂಗ್ರೆಸ್​ ಅಭ್ಯರ್ಥಿ


ಬೆಂಗಳೂರು: ಮಂಡ್ಯ ವಿಧಾನ ಪರಿಷತ್​​​ ಚುನಾವಣೆಗೆ ರಂಗೇರಿದೆ. ಕಾಂಗ್ರೆಸ್​, ಜೆಡಿಎಸ್​ ಮತ್ತು ಬಿಜೆಪಿ ತಮ್ಮ ಅಧ್ಯರ್ಥಿಯನ್ನು ಘೋಷಿಸಿವೆ. ಇಂದು ಬೆಳಿಗ್ಗೆ ಬಿಜೆಪಿ ಎಂಎಲ್​​ಸಿ ಅಭ್ಯರ್ಥಿ ಬೂಕನಕೆರೆ ಮಂಜು ಮಂಡ್ಯ ಸಂಸದೆ ಸುಮಲತಾ ಅಂಬರೀಶ್​​ ಅವರನ್ನು ಭೇಟಿಯಾಗಿ ಬೆಂಬಲ ಕೋರಿದ್ದರು. ಈಗ ಕಾಂಗ್ರೆಸ್​ ಅಭ್ಯರ್ಥಿ ದಿನೇಶ್​​​ ಗೂಳಿಗೌಡ ಸುಮಲತಾ ಅಂಬರೀಶ್​​ ಬೆಂಬಲ ಕೋರಿದರು.

ಇಂದು ಜೆಪಿ ನಗರದ ಅಂಬರೀಶ್​​ ನಿವಾಸದಲ್ಲಿ ಭೇಟಿಯಾದ ಕಾಂಗ್ರೆಸ್​ ಅಭ್ಯರ್ಥಿ ದಿನೇಶ್​​​ ಗೂಳಿಗೌಡ, ಸುಮಲತಾರನ್ನು ಭೇಟಿಯಾಗಿ ಬೆಂಬಲ ಕೋರಿದರು. ಸುಮಲತಾ ಮಂಡ್ಯ ಸಂಸದೆ, ಹೀಗಾಗಿ ಇವರಿಗೆ ಕ್ಷೇತ್ರದ ಮೇಲೆ ಭಾರೀ ಹಿಡಿತ ಇದೆ. ಆದ್ದರಿಂದ ತನಗೆ ಬೆಂಬಲ ನೀಡಿದಲ್ಲಿ ಗೆಲುವು ಸುಲಭ ಎಂದು ಭಾವಿಸಿದ್ದಾರೆ ದಿನೇಶ್​​​ ಗೂಳಿಗೌಡ.

ಕಳೆದ ಲೋಕಸಭಾ ಚುನಾವಣೆ ಸಂದರ್ಭದಲ್ಲಿ ಪರೋಕ್ಷವಾಗಿ ಬೆಂಬಲಿಸಿದ್ದೇವೆ. ಇದರ ಫಲವಾಗಿ ನೀವು ಗೆದ್ದಿರಿ. ಈಗ ನಮಗೂ ಬೆಂಬಲ ನೀಡಿ ಎಂದು ಸುಮಲತಾ ಮುಂದೆ ಮನವಿ ಮಾಡಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: MLC ಎಲೆಕ್ಷನ್​​; ಸುಮಲತಾ, ಕಾಂಗ್ರೆಸ್​​ಗೆ ತಕ್ಕ ಪಾಠ ಕಲಿಸಲು ಮುಂದಾದ HDK

News First Live Kannada


Leave a Reply

Your email address will not be published. Required fields are marked *