ಟಿ20 ಫಾರ್ಮೆಟ್ನ ಟೀಮ್ ಇಂಡಿಯಾ ಬೌಲಿಂಗ್ ವಿಭಾಗಕ್ಕೆ ಹೊಸ ರೂಪಬೇಕಿದೆ. ಪ್ರಮುಖವಾಗಿ ಇಬ್ಬರು ಬೌಲರ್ಗಳ ಸ್ಥಾನಕ್ಕೆ ಸರ್ಜರಿ ಮಾಡಬೇಕಿದೆ. ಅಷ್ಟೇ ಅಲ್ಲ, ಇದು ಸಕಾಲ ಕೂಡ. ಹಾಗಾದ್ರೆ, ಟಿ20 ಫಾರ್ಮೆಟ್ನಿಂದ ದೂರ ಉಳಿಯಬೇಕಿರುವ ಆ ಇಬ್ಬರು ಯಾರು..? ಆ ಸ್ಥಾನಗಳಿಗೆ ಕಣ್ಣಿಟ್ಟಿರೋದ್ಯಾರು..?
ಟೀಮ್ ಇಂಡಿಯಾ ವಿಶ್ವ ಕ್ರಿಕೆಟ್ನ ಶ್ರೇಷ್ಠ ತಂಡ. ಪ್ರತಿಯೊಂದು ಫಾರ್ಮೆಟ್ನಲ್ಲಿ ಅಪಾಯಕಾರಿಯಾಗಿ ಕಾಣ್ತಿದೆ. ಟೆಸ್ಟ್ ಫಾರ್ಮೆಟ್ನಲ್ಲಿ ಶ್ರೇಷ್ಠ ಬೌಲಿಂಗ್ ಅಟ್ಯಾಕ್ ಹೊಂದಿರುವ ಪ್ರಖ್ಯಾತಿಯನ್ನೂ ಟೀಮ್ ಇಂಡಿಯಾ ಗಳಿಸಿದೆ. ಆದ್ರೆ, ವಿಶ್ವಕಪ್ ಪ್ರದರ್ಶನ ಟಿ20 ಫಾರ್ಮೆಟ್ನ ಬೌಲಿಂಗ್ ಡಿಪಾರ್ಟ್ಮೆಂಟ್ ಪ್ರಶ್ನಿಸುವಂತೆ ಮಾಡಿದೆ. ಅಷ್ಟೇ ಅಲ್ಲ, ಇಬ್ಬರು ಎಕ್ಸ್ಪೀರಿಯನ್ಸ್ ವೇಗಿಗಳ ಅವಶ್ಯಕತೆ, ಟಿ20 ಫಾರ್ಮೆಟ್ಗೆ ಇದ್ಯಾ ಎಂದು ಪ್ರಶ್ನಿಸುವಂತಿದೆ.
ಟಿ20 ಫಾರ್ಮೆಟ್ಗಿಲ್ವಾ ಭುವನೇಶ್ವರ್, ಮಹಮ್ಮದ್ ಅವಶ್ಯಕತೆ..?
ಟೀಮ್ ಇಂಡಿಯಾದ ಸ್ಪೀಡ್ಸ್ಟರ್ಸ್ ಮಹಮ್ಮದ್ ಶಮಿ ಮತ್ತು ಭುವನೇಶ್ವರ್ ಕುಮಾರ್, ಇಬ್ಬರೂ ಶ್ರೇಷ್ಠ ಬೌಲರ್ಗಳು ಎಂಬುವುದರಲ್ಲಿ ಎರಡು ಮಾತಿಲ್ಲ. ಆದರೆ ಈ ಇಬ್ಬರ ಅವಶ್ಯಕತೆ ಟಿ20 ಫಾರ್ಮೆಟ್ನಲ್ಲಿ ಎಷ್ಟಿದೆ ಅನ್ನೋದು ಪ್ರಶ್ನೆಯಾಗಿದೆ. ಯಾಕಂದ್ರೆ, ಟೆಸ್ಟ್, ಏಕದಿನ ಫಾರ್ಮೆಟ್ನಲ್ಲಿ ಶಮಿ ಅನುಭವಿಯೇ ಆಗಿದ್ದರೂ, ಟಿ20 ಫಾರ್ಮೆಟ್ನಲ್ಲಿ ಹೇಳಿಕೊಳ್ಳುವಂತ ಪ್ರದರ್ಶನ ನೀಡಿಲ್ಲ. ಟಿ-20 ಎಂಬ ಫಾಸ್ಟ್ ಗೇಮ್ನಲ್ಲಿ ಮೊದಲೆರಡು ಓವರ್ಗಳ ಸ್ಥಿರತೆ ಕಾಯ್ದುಕೊಳ್ಳಲು 31ರ ಶಮಿಗೆ ಹರಸಾಹಸವನ್ನೇ ಪಡ್ತಿದ್ದಾರೆ.
ಮಹಮ್ಮದ್ ಶಮಿಗೆ ಮಾತ್ರವೇ ಅಲ್ಲ, ಸ್ವಿಂಗ್ ಮಾಸ್ಟರ್ ಭುವನೇಶ್ವರ್ ಕುಮಾರ್ಗೂ ಅನ್ವಯವಾಗುತ್ತದೆ. ಹೀಗಾಗಿ ಈ ಇಬ್ಬರ ಟಿ20 ತಂಡದ ಸ್ಥಾನ ಸಂಕಷ್ಟಕ್ಕೆ ಸಿಲುಕಿದೆ. ಇನ್ನು ಈ ಇಬ್ಬರ ಸೇವೆ ಏಕದಿನ ಕ್ರಿಕೆಟ್ ಆ್ಯಂಡ್ ಟೆಸ್ಟ್ಗೆ ಸೀಮಿತಗೊಂಡರೆ ಬೆಸ್ಟ್ ಎಂಬ ವಿಶ್ಲೇಷಣೆಗಳು, ಕ್ರಿಕೆಟ್ ವಲಯದಲ್ಲಿ ಕೇಳಿ ಬರ್ತಿವೆ.
ಇದು ಹೊಸ ಆಟಗಾರರನ್ನ ಕಾಣುವ ಸಮಯ..!
‘T20 ಫಾರ್ಮೆಟ್ನಲ್ಲಿ ಕೆಲ ಹೊಸ ಆಟಗಾರರನ್ನ ಕಾಣುವ ಸಮಯ ಬಂದಿದೆ. ಹೀಗಾಗಿ ಈ ಆಟಗಾರರು, ಅವರಿಗೆ ಸೂಕ್ತವಾಗೋ ಫಾರ್ಮೆಟ್ನಲ್ಲಿ ಆಡಿದರೆ ಉತ್ತಮ. ಇದರಿಂದಾಗಿ T20 ಫಾರ್ಮೆಟ್ನ ಮೌಲ್ಯ ಹೊಂದಿರುವ ಆಟಗಾರರು ಸೇರ್ಪಡೆಗೊಳ್ಳಬಹುದಾಗಿದೆ. ಈ ವಿಚಾರದಲ್ಲಿ ನಾನು ಮೊಹಮ್ಮದ್ ಶಮಿ ಹಾಗೂ ಭುವನೇಶ್ವರ್ ಬಗ್ಗೆಯೇ ಯೋಚಿಸುತ್ತಿದ್ದೇನೆ.’
ಸಂಜಯ್ ಮಂಜ್ರೇಕರ್, ಮಾಜಿ ಕ್ರಿಕೆಟರ್
ಸಂಜಯ್ ಮಂಜ್ರೇಕರ್ ಹೇಳಿದಂತೆ ಮೊಹಮ್ಮದ್ ಶಮಿ ಹಾಗೂ ಭುವನೇಶ್ವರ್ ಕುಮಾರ್, ಟಿ20 ಫಾರ್ಮೆಟ್ ಬದಲಿಗೆ ಏಕದಿನ, ಟೆಸ್ಟ್ ಫಾರ್ಮೆಟ್ಗೆ ಸೀಮಿತಗೊಳ್ಳುವುದು ಬೆಸ್ಟ್ ಆಗಿದೆ. ಯಾಕಂದ್ರೆ ಇದು ಟೀಮ್ ಇಂಡಿಯಾದ ಭವಿಷ್ಯದ ದೃಷ್ಟಿಯಿಂದ ಹಾಗೂ ಬೆಳವಣಿಗೆ ದೃಷ್ಟಿಯಿಂದ ಉತ್ತಮವೇ ಆಗಿದೆ.
ಶಮಿ, ಭುವಿ ಸ್ಥಾನ ತುಂಬಲು ಕಾಯ್ತಿದ್ದಾರೆ ಯಂಗ್ ಸ್ಟಾರ್ಸ್..!
ಅನುಭವಿಗಳಾದ ಮೊಹಮ್ಮದ್ ಶಮಿ, ಭುವನೇಶ್ವರ್ ಸ್ಥಾನವನ್ನ ತುಂಬಲು ಬಹುತೇಕ ಮಂದಿ ಸಾಲುಗಟ್ಟಿ ನಿಂತಿದ್ದಾರೆ. ಈ ಪೈಕಿ 13 ಮಂದಿ ಮುಂಚೂಣಿಯಲ್ಲಿ ನಿಲ್ಲುತ್ತಾರೆ ಅನ್ನೋದು ವಿಶೇಷ. ಅದರಲ್ಲೂ ಪ್ರಮುಖವಾಗಿ ದೀಪಕ್ ಚಹರ್, ಶಾರ್ದೂಲ್ ಠಾಕೂರ್, ಮಹಮ್ಮದ್ ಸಿರಾಜ್, ನವದೀಪ್ ಸೈನಿ, ನಟರಾಜನ್, ಉಮೇಶ್ ಯಾದವ್ ಒಂದೆಡೆಯಾದ್ರೆ ಮತ್ತೊಂದೆಡೆ ಐಪಿಎಲ್ನಲ್ಲಿ ಮಿಂಚಿರುವ ಹರ್ಷಲ್ ಪಟೇಲ್, ಉಮ್ರಾನ್ ಮಲ್ಲಿಕ್, ಅವೇಶ್ ಖಾನ್, ಶಿವಂ ಮಾವಿ, ಕಮಲೇಶ್ ನಾಗರಕೋಟಿ, ಹರ್ಷ್ದೀಪ್ ಸಿಂಗ್, ಚೇತನ್ ಸಕಾರಿಯಾ ಇದ್ದಾರೆ. ಈ ಎಲ್ಲಾ ವೇಗಿಗಳು ಈಗಾಗಲೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹಾಗೂ ಸಿಕ್ಕ ಅವಕಾಶದಲ್ಲಿ ತಾವೇಷ್ಟು ಪರಿಣಾಮಕಾರಿ ಬೌಲರ್ಗಳು ಅನ್ನೋದನ್ನ, ಫ್ರೂವ್ ಮಾಡಿದ್ದಾರೆ.