ಕಿರಿಯ ವಯಸ್ಸಿನಲ್ಲಿ  ಪ್ರತಿಷ್ಠಿತ ನೋಬೆಲ್​ ಪ್ರಶಸ್ತಿ ಬಾಚಿಕೊಂಡ ಮಕ್ಕಳು ಹಕ್ಕುಗಳ ಹೋರಾಟಗಾರ್ತಿ ಮಲಾಲ ಯೂಸೂಫ್​ ತಮ್ಮ  24 ನೇ ಪ್ರಾಯದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಮದುವೆಯಾಗಿರುವುದರ ಕುರಿತು ತಮ್ಮ ಟ್ವಿಟರ್ ಖಾತೆಯಲ್ಲಿ ಸಂತಸ ಹಂಚಿಕೊಂಡ ಅವರು  ಇಂದು ನನ್ನ ಜೀವನದಲ್ಲಿ ಅತ್ಯಮೂಲ್ಯವಾದ ದಿನಕ್ಕೆ ನಾವು ಸಾಕ್ಷಿಯಾದೆವು. ಅಸ್ಸ​ರ್ ಹೊತೆ ನಾನು ವೈವಾಹಿಕ ಗಂಟಿನ ಪಾಲುದಾರೆಯಾಗುವ ಮೂಲಕ ಹೊಸ ಜೀವನಕ್ಕೆ ಕಾಲಿಟ್ಟೆವು. ಮದುವೆ ನಿಮಿತ್ತ ಬರ್ಮಿಂಗ್‌ಹ್ಯಾಮ್‌ನಲ್ಲಿರುವ ಮನೆಯಲ್ಲಿ ಸಣ್ಣದಾಗಿ ನಿಖಾ  ಮಾಡಿಕೊಂಡೆವು. ನಿಮ್ಮೆಲ್ಲರ ಹಾರೈಕೆಗಳು ನಮ್ಮ ಮೇಲಿರಲಿ ಮುಂದಿನ ಪ್ರಯಾಣಕ್ಕಾಗಿ ನಾವು ಉತ್ಸುಕರಾಗಿದ್ದೇವೆ ಎಂದಿದ್ದಾರೆ.

ಮಲಾಲ ಕೈಹಿಡಿದ ಅಸ್ಸರ್​ ಮಲ್ಲಿಕ್​ ಅವರು ಪಾಕಿಸ್ತಾನದ ಲಾಹೋರ್​ ಯಿನಿವರ್ಸಿಟಿಯಿಂದ ನಿರ್ವಹಣಾ ವಿಜ್ಞಾನದಲ್ಲಿ ಪದವಿಯನ್ನು ಪಡೆದಿದ್ದಾರೆ. ಸದ್ಯ ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​ನ  ಮ್ಯಾನೇಜರ್​ ಆಗಿ ಕಾರ್ಯ ನಿರ್ವಹಿಸುತ್ತದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

ಮಹಿಳೆಯರಿಗೆ ಶಿಕ್ಷಣವನ್ನು ನೀಡಲು ಒತ್ತಾಯಿಸಿ ಪಾಕಿಸ್ತಾನದಲ್ಲಿ ಹೋರಾಟ ನಡೆಸಿದಾಗ ತಾಲಿಬಾನಿ ಉಗ್ರರ ಗುಂಡು ದೇಹವನ್ನು ಹೊಕ್ಕಿದರು ಛಲ ಬಿಡದ ಮಲಾಲ ಹೋರಾಟ ನಡೆಸಿ ಮಕ್ಕಳಿಗೆ ಶಿಕ್ಷಣವನ್ನು ಕೊಡಿಸಲು ಶ್ರಮಪಟ್ಟಿದ್ದರು.

Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
📸: @malinfezehai pic.twitter.com/SNRgm3ufWP

— Malala (@Malala) November 9, 2021