ಮುಂಬೈನಲ್ಲಿ ಟೀಮ್ ಇಂಡಿಯಾ ಗೆಲುವು ಖಚಿತ- ವಾಖೆಂಡೆಯಲ್ಲಿ ಕಿವೀಸ್​ಗೆ ಕಾದಿಗೆ ಮಾರಿಹಬ್ಬ


ಕಾನ್ಪುರ ಟೆಸ್ಟ್ ಬೆನ್ನಲ್ಲೇ, ಇದೀಗ ಕ್ರಿಕೆಟ್​ ಪ್ರಿಯರ ಚಿತ್ತ ಮುಂಬೈ ಟೆಸ್ಟ್​ನತ್ತ ನೆಟ್ಟಿದೆ. ಮೊದಲ ಟೆಸ್ಟ್​ನಲ್ಲಿ ಟೀಮ್ ಇಂಡಿಯಾಕ್ಕೆ ಸರಿಸಮನಾಗಿ ಹೋರಾಡಿದ್ದ ಕಿವೀಸ್​ಗೆ, ವಾಂಖೆಡೆ ಮೈದಾನದಲ್ಲಿ ಆಘಾತ ಕಾದಿರೋದು ಸುಳ್ಳಲ್ಲ.! ಅಷ್ಟೇ ಅಲ್ಲ..! ಈ ಪಂದ್ಯದಲ್ಲಿ ಟೀಮ್ ಇಂಡಿಯಾಕ್ಕೆ ಗೆಲುವು 100ರಷ್ಟು ಶತಸಿದ್ಧ ಕೂಡ..ಅದ್ಯಾಕೆ ಈ ರಿಪೋರ್ಟ್​ ನೋಡಿ..

‘ಇಲ್ಲಿನ ಪಿಚ್‌, ಸ್ಲೋ ಆ್ಯಂಡ್ ಲೋ ಆಗಿತ್ತು. ಹೇಳಿಕೊಳ್ಳುವಂಥಾ ಬೌನ್ಸ್, ಟರ್ನ್‌ ಕೂಡ ಇರಲಿಲ್ಲ. ಭಾರತದಂತಹ ಪರಿಸ್ಥಿತಿಗಳಲ್ಲಿ 5ನೇ ದಿನ ಪಿಚ್‌ಗಳಲ್ಲಿ ಸವೆತ ನಿರೀಕ್ಷಿಸಬಹುದು. ಆದರೆ, ಇಲ್ಲಿನ ವಿಕೆಟ್‌ನಲ್ಲಿ ಈ ರೀತಿ ಆಗಲಿಲ್ಲ.’

ರಾಹುಲ್ ದ್ರಾವಿಡ್, ಹೆಡ್​ಕೋಚ್

‘ಪಿಚ್‌ಗಳ ಬಗ್ಗೆ ಕೇಳಿದಾಗಲೆಲ್ಲಾ ಅದು ವಿವಾದಕ್ಕೆ ತಿರುಗುತ್ತದೆ. ಆದ್ದರಿಂದ ನಾನು ಇದರ ಬಗ್ಗೆ ಮಾತನಾಡದೆ ಸುಮ್ಮನಿರುತ್ತೇನೆ.’

ಆರ್​​.ಅಶ್ವಿನ್, ಆಫ್​ ಸ್ಪಿನ್ನರ್

ಕಾನ್ಪುರ ಪಿಚ್ ಸ್ಪೋರ್ಟೀವ್ ಪಿಚ್ ಅನ್ನೋದ್ರಲ್ಲಿ ಅನುಮಾನ ಇಲ್ಲ. ಆದ್ರೆ ಇದೇ ಗ್ರೀನ್​ ಪಾರ್ಕ್​ ಪಿಚ್, ಟೀಮ್ ಇಂಡಿಯಾ ಗೆಲುವಿಗೆ ಮುಳುವಾಗಿದ್ದು, ಸುಳ್ಳಲ್ಲ. ಸೆಷನ್ ಟು ಸೆಷನ್ ಪಿಚ್, ವಿಭಿನ್ನವಾಗಿ ವರ್ತಿಸುತ್ತಿತ್ತು. ನಾಲ್ಕನೇ ಹಾಗೂ 5ನೇ ದಿನಾ ಬಾಲ್ ಟರ್ನ್ ಆಗುತ್ತೆ ಅಂತಾನೇ ನಿರೀಕ್ಷಿಸಲಾಗಿತ್ತು.. ಆದ್ರೆ ಆಗಿದ್ದೇ ಬೇರೆ. ಮಹತ್ವದ ಎರಡು ದಿನ ಬಾಲ್ ಸ್ಲೋ & ಲೋ ಆಗಿದ್ದು ಬಿಟ್ಟರೆ, ಈ ಪಿಚ್​ನಿಂದ ಟೀಮ್ ಇಂಡಿಯಾಕ್ಕೆ ಲಾಭವಾಗಲಿಲ್ಲ.

ವಾಂಖೆಡೆಯಲ್ಲಿ ಟರ್ನಿಂಗ್ ಟ್ರ್ಯಾಕ್ ರೆಡಿ..
ಯೆಸ್..! ಮುಂಬೈನಲ್ಲಿ ನಡೆಯಲಿರುವ ಅಂತಿಮ ಟೆಸ್ಟ್​, ಉಭಯ ತಂಡಗಳಿಗೂ ಪ್ರತಿಷ್ಠಿತ ಪಂದ್ಯವಾಗಿದೆ. ಸರಣಿ ಗೆಲುವಿನ ದೃಷ್ಟಿಯಲ್ಲಿ, ಮಾಡು ಇಲ್ಲವೇ ಮಡಿ ಪಂದ್ಯವೇ ಆಗಿದೆ. ಹಾಗಾಗಿ ಇಲ್ಲಿನ ಪಿಚ್ ಯಾವ ರೀತಿ ಇರಲಿದೆ ಅನ್ನೋದು ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ. ಆದ್ರೆ, ಕಾನ್ಪುರಕ್ಕೆ ಹೋಲಿಸಿದ್ರೆ, ವಾಂಖೆಡೆ ಪಿಚ್​, ಸಂಪೂರ್ಣ ಡಿಫರೆಂಟ್ ಆಗಿರುತ್ತೆ ಅಂತಾನೇ ಹೇಳಲಾಗ್ತಿದೆ. ವಾಖೆಂಡೆಯಲ್ಲಿ ಟರ್ನಿಂಗ್ ಟ್ರ್ಯಾಕ್​ ಪಿಚ್ ಅನ್ನ, ಕ್ಯುರೇಟರ್ ರೆಡಿ ಮಾಡ್ತಿದ್ದಾರೆ.

3-4 ದಿನಗಳಲ್ಲೇ ಮುಕ್ತಾಯವಾಗುತ್ತಾ ಮುಂಬೈ ಟೆಸ್ಟ್​..?
ಮುಂಬೈನ ವಾಂಖೆಡೆಯಲ್ಲಿ ಸ್ಪಿನ್​ ದರ್ಬಾರ್​ ನಡೆದರೆ, ಅಂತಿಮ ಪಂದ್ಯ ಮೂರ್ನಾಲ್ಕು ದಿನಗಳಲ್ಲೇ ಅಂತ್ಯ ಕಾಣೋದು ಗ್ಯಾರಂಟಿ. ಯಾಕಂದ್ರೆ, ಈಗಾಗಲೇ ಟೀಮ್ ಇಂಡಿಯಾ ಸ್ಪಿನ್ನರ್​ಗಳಾದ ಅಕ್ಷರ್ ಪಟೇಲ್, ಆರ್​.ಅಶ್ವಿನ್, ಜಡೇಜಾ, ಉತ್ತಮ ಲಯದಲ್ಲಿದ್ದಾರೆ. ಇಂಥದ್ರಲ್ಲಿ ಕೊಂಚ ಟರ್ನ್​ ಸಿಕ್ಕಿದರೂ ತ್ರಿಮೂರ್ತಿ ಜೋಡಿ, ಎದುರಾಳಿಯನ್ನ ಗಿರಗಿಟ್ಲೆ ಆಡಿಸ್ತಾರೆ.

2ನೇ ಟೆಸ್ಟ್​ನಲ್ಲಿ ನ್ಯೂಜಿಲೆಂಡ್​​ಗೆ ಕಾದಿದೆ ಮಾರಿಹಬ್ಬ..!
ಕಾನ್ಪುರದಲ್ಲಿ ಕಿವೀಸ್​, ಟೀಮ್ ಇಂಡಿಯಾಕ್ಕೆ ಟಫ್ ಫೈಟ್ ನೀಡಿದೆ ನಿಜ.! ಪ್ರಮುಖವಾಗಿ ಆರಂಭಿಕ ಟಾಮ್ ಲಾಥಮ್, ಚೊಚ್ಚಲ ಭಾರತ ಪ್ರವಾಸ ಕೈಗೊಂಡಿರುವ ವಿಲ್ ಯಂಗ್, ಸ್ಪಿನ್ನರ್​ಗಳನ್ನ ಸಮರ್ಥವಾಗಿ ಎದುರಿಸಿದ್ದಾರೆ. ಇನ್ನು ರಚಿನ್ ರವೀಂದ್ರ, ಇಂಡಿಯನ್​ ಸ್ಪಿನ್ನರ್​ಗಳ ಬಗ್ಗೆ ಕಿಂಚಿತ್ತು ಟೆನ್ಶನ್​ ಇಲ್ಲದೆ ಬ್ಯಾಟ್​​ ಬೀಸಿದ್ದರು.. ಅಷ್ಟೇ ಯಾಕೆ, ನೈಟ್​ ವಾಚ್​ಮನ್ ಆಗಿ ಬಂದಿದ್ದ ಸೋಮರ್​ವಿಲ್ಲೆ ಕೂಡ, ಟೀಮ್ ಇಂಡಿಯಾ ಸ್ಪಿನ್ನರ್​ಗಳನ್ನ ಕಾಡಿದ್ರು. ಇದಕ್ಕೆ ಕಾರಣ, ಕಾನ್ಪುರ ಪಿಚ್​​​​..

ಆದ್ರೆ, ಮುಂಬೈ ಪಿಚ್​ ಟರ್ನಿಂಗ್ ಟ್ರ್ಯಾಕ್ ಆಗಿರಲಿದೆ. ಹೀಗಾಗಿ ಕಿವೀಸ್​​ ಬ್ಯಾಟ್ಸ್​ಮನ್​ಗಳಿಗೆ ಒಂದೊಂದು ಎಸೆತವೂ ಅಗ್ನಿಪರೀಕ್ಷೆಯೇ ಅಗಿರಲಿದೆ. ಇದರಾರ್ಥ ಮುಂಬೈನಲ್ಲಿ ಕಿವೀಸ್​ಗೆ ಮಾರಿಹಬ್ಬ ಕಾದಿದೆ.. ಟೀಮ್ ಇಂಡಿಯಾದ ಗೆಲುವು ಖಚಿತ ಅನ್ನೋದರಲ್ಲಿ ನೋ ಡೌಟ್​.

News First Live Kannada


Leave a Reply

Your email address will not be published. Required fields are marked *