ಸೆಲೆಬ್ರಿಟಿಗಳು ಅಂದ್ರೆ ದುಬಾರಿ ಮತ್ತು ಬ್ರ್ಯಾಂಡೆಡ್ ಬಟ್ಟೆಗಳನ್ನ ಧರಿಸೋದಕ್ಕೆ ಹೆಸರುವಾಸಿ. ಅದೇ ರೀತಿ ಟ್ರೆಂಡಿ ಔಟ್​ಫಿಟ್ಸ್ ಧರಿಸೋದು ಅವರ ವೃತ್ತಿ ಜೀವನಕ್ಕೆ ಅನಿವಾರ್ಯ ಕೂಡ. ಈ ವಿಚಾರದಲ್ಲಿ ಬಾಲಿವುಡ್ ಬೆಡಗಿ ಕತ್ರಿನಾ ಕೈಫ್ ಸಖತ್ ಸುದ್ದಿ ಮಾಡುತ್ತಾರೆ. ಇತ್ತೀಚೆಗೆ ಅವರು ಏರ್​ಪೋರ್ಟ್​ಗೆ ಧರಿಸಿದ ಬಂದ ಹಸಿರು ಪೈಜಾಮಾದ ಬೆಲೆ ಕೇಳಿ ಜನಸಾಮಾನ್ಯರಿಗೆ ಶಾಕ್ ಆಗಿದೆ.

ಇತ್ತೀಚೆಗೆ ಕತ್ರಿನಾ ಮುಂಬೈ ಏರ್​ಪೋರ್ಟ್​ಗೆ ವಿಕ್ಟೋರಿಯಾ ಬೇಕಮ್​ ಲೇಬಲ್ ಇರುವ ಹಸಿರು ಬಣ್ಣದ ಪೈಜಾಮಾ ಧರಿಸಿ ಬಂದಿದ್ದರು. ಇದು ಫ್ಯಾಶನ್ ಪ್ರಿಯರ ಗಮನಸೆಳೆದಿತ್ತು. ಇದೀಗ ಅದರ ಬೆಲೆಯಿಂದ ಮತ್ತೆ ಕತ್ರಿನಾ ಸುದ್ದಿಯಾಗಿದ್ದಾರೆ. ಕತ್ರಿನಾ ಧರಿಸಿದ್ದ ಪೈಜಾಮಾದ ಒಟ್ಟು ಬೆಲೆ ಬರೋಬ್ಬರಿ 1,07,600 ರೂಗಳು. ಇದನ್ನು ಗಮನಿಸಿದ ಫ್ಯಾಶನ್ ಪ್ರಿಯರು ಹುಬ್ಬೇರಿಸಿದ್ದಾರೆ.