ಹಾಲಿ ಟೆಸ್ಟ್ ಚಾಂಪಿಯನ್ಸ್ ಎದುರು ಇಂದು ಅಖಾಡಕ್ಕಿಳಿಯಲು ರಹಾನೆ ನೇತೃತ್ವದ ಯಂಗ್ ಇಂಡಿಯಾ ಸಜ್ಜಾಗಿದೆ. ಸ್ಟಾರ್ಗಳ ಅಲಭ್ಯತೆಯಲ್ಲಿ ಕಣಕ್ಕಿಳಿತಾ ಇರೋ ಇಡೀ ತಂಡಕ್ಕೆ, ಗಾಬಾ ಟೆಸ್ಟ್ ಇನ್ಸ್ಪಿರೇಷನ್..! ಅದು ಹೇಗೆ..? ಪಂದ್ಯದ ಮೇಲೆ ಈ ಪಾಸಿಟಿವ್ ಅಂಶ ಎಷ್ಟು ಪರಿಣಾಮ ಬೀರುತ್ತೆ.? ಇಲ್ಲಿದೆ ಡಿಟೇಲ್ಸ್
YES..! ತುಂಬಾ ಹಿಂದಲ್ಲ.. ಸುಮಾರು 10 ತಿಂಗಳ ಹಿಂದಿನ ಈ ದೃಶ್ಯ, ನಿಮಗೆ ಕಣ್ಣಿಗೆ ಕಟ್ಟಿದಂತಿರಬೇಕು. ಟೀಮ್ ಇಂಡಿಯಾ ಕಾಂಗರೂ ನಾಡಲ್ಲಿ ಇತಿಹಾಸ ಬರೆದ ಕ್ಷಣ ಇದು. 1988ರ ಬಳಿಕ ಗಾಬಾ ಅಂಗಳದಲ್ಲಿ ಸೋಲೆ ಕಂಡಿಲ್ಲ ಎಂಬ ಅಹಂನಲ್ಲಿದ್ದ ಆಸಿಸ್ಗೆ ಅಂದು ಅಂಜಿಕ್ಯಾ ರಹಾನೆ ನೇತೃತ್ವದ ಯಂಗ್ ಇಂಡಿಯಾ ಸೋಲಿನ ರುಚಿ ತೋರಿಸಿತ್ತು.!
A moment to cherish for @ShreyasIyer15 as he receives his #TeamIndia Test cap from Sunil Gavaskar – one of the best to have ever graced the game.
— BCCI (@BCCI) November 25, 2021
ಅಂದು ಆಸ್ಟ್ರೇಲಿಯಾ, ಇಂದು ನ್ಯೂಜಿಲೆಂಡ್, ಸನ್ನಿವೇಶ ಒಂದೇ..!
ಹೌದು..! ಅಂದು ಗಾಬಾ ಅಂಗಳದಲ್ಲಿ ಮೈದಾನಕ್ಕಿಳಿಯೋಕೆ ಮುನ್ನವೇ ಟೀಮ್ ಇಂಡಿಯಾ, ಹಿನ್ನಡೆ ಅನುಭವಿಸಿತ್ತು. ಇಂಜುರಿ ಕಾರಣದಿಂದ ಸ್ಟಾರ್ಗಳ ಸೇವೆ ಕಳೆದುಕೊಂಡಿದ್ದ ಭಾರತ, ಅನಾನುಭವಿ ಆಟಗಾರರೊಂದಿಗೆ ಕಣಕ್ಕಿಳಿದಿತ್ತು. ಇದೀಗ ಇಂದೂ ಅಂತದ್ದೇ ಸನ್ನಿವೇಶ ಎದುರಾಗಿದೆ. ಸ್ಟಾರ್ಗಳ ಅಲಭ್ಯತೆಯಲ್ಲಿ ಹಾಲಿ ಟೆಸ್ಟ್ ಚಾಂಪಿಯನ್ ಬಲಿಷ್ಠ ನ್ಯೂಜಿಲೆಂಡ್ ಪಡೆಯನ್ನ ಭಾರತ ಎದುರಿಸಬೇಕಿದೆ.
ರೋಹಿತ್, ರಾಹುಲ್, ವಿರಾಟ್, ಪಂತ್, ಬೂಮ್ರಾ, ಶಮಿ… ಟೀಮ್ ಇಂಡಿಯಾದ ಈ ಟ್ರಂಪ್ ಕಾರ್ಡ್ ಆಟಗಾರರೇ ಕಿವೀಸ್ ವಿರುದ್ಧ ಕದನಕ್ಕೆ ಅಲಭ್ಯರಾಗಿದ್ದಾರೆ. ಹೀಗಾಗಿ ಅನಿವಾರ್ಯವಾಗಿ ಯುವ ಆಟಗಾರರೊಂದಿಗೆ ರಹಾನೆ ಟೀಮ್ ಕಣಕ್ಕಿಳಿಯಬೇಕಿದೆ. ಈಗಾಗಲೇ ದೇಶಿ ಕ್ರಿಕೆಟ್ ಹಾಗೂ ವೈಟ್ ಬಾಲ್ ಫಾರ್ಮೆಟ್ನಲ್ಲಿ ಯುವ ಆಟಗಾರರು, ಸಾಮರ್ಥ್ಯ ಮೆರೆದಿದ್ರೂ ಕೂಡ… ಟೆಸ್ಟ್ ಮಾದರಿಯಲ್ಲಿ, ಅದೂ ನ್ಯೂಜಿಲೆಂಡ್ ವಿರುದ್ಧ ಆಡೋದು ನಿಜಕ್ಕೂ ಸವಾಲೇ ಎಂದು ಕ್ರಿಕೆಟ್ ಲೋಕ ಅಭಿಪ್ರಾಯಪಡ್ತಿದೆ. ಆದ್ರೆ, ತಂಡ ಮಾತ್ರ ಆತ್ಮವಿಶ್ವಾಸದ ಅಲೆಯಲ್ಲಿದೆ.
What does the pitch have in store?
Captain @ajinkyarahane88 & Head Coach Rahul Dravid have a close look at the wicket. #TeamIndia #INDvNZ @Paytm pic.twitter.com/cZWJ3BGtFo
— BCCI (@BCCI) November 25, 2021
ಅಂದು ಗಬಾ ಮೈದಾನದಲ್ಲಿ ಆಸ್ಟ್ರೇಲಿಯಾಗೆ ಸೋಲಿನ ರುಚಿ ತೋರಿಸಿದ್ದೇ, ಇಂದು ರಹಾನೆ ಬಳಗದ ಆತ್ಮವಿಶ್ವಾಸಕ್ಕೆ ಕಾರಣವಾಗಿದೆ. ಇಷ್ಟೇ ಅಲ್ಲ.. ಆ ಐತಿಹಾಸಿಕ ಗೆಲುವನ್ನೇ ಸ್ಪೂರ್ತಿಯಾಗಿಸಿಕೊಂಡು, ಇಂದು ಕಿವೀಸ್ ಪಡೆಯನ್ನ ಎದುರಿಸಲು ಸಜ್ಜಾಗಿದೆ. ಅಂದು ಕಾಂಗರೂ ನಾಡಲ್ಲಿ ವರ್ಕೌಟ್ ಆದ ಗೇಮ್ಪ್ಲಾನ್, ಇದೀಗ ಕಾನ್ಪುರದ ಅಂಗಳದಲ್ಲಿ ವರ್ಕೌಟ್ ಆಗುತ್ತಾ.? ಅನ್ನೋದೇ, ಈಗ ಹುಟ್ಟಿರುವ ಕುತೂಹಲಭರಿತ ಪ್ರಶ್ನೆಯಾಗಿದೆ.
Hello & good morning from Kanpur for Day 1 of the first #INDvNZ Test!
#TeamIndia @Paytm pic.twitter.com/Bz8pr0EDuh
— BCCI (@BCCI) November 25, 2021
The post ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾಗೆ ಅಗ್ನಿಪರೀಕ್ಷೆ -ಮರುಕಳಿಸುತ್ತಾ ಗಾಬಾ ಮೈದಾನದ ಇತಿಹಾಸ? appeared first on News First Kannada.