ಭಾರತದಲ್ಲಿ ನಿಷೇಧಿತ ಪಬ್-​ಜಿ ಗೇಮ್​ ಮಾಡುತ್ತಿರುವ ಅವಾಂತರಗಳು ಒಂದೆರಡಲ್ಲ. ಈ ಗೇಮ್​ನ ಚಟಕ್ಕೆ ಬಿದ್ದರುವ ಹಲವಾರು ಯುವಕರು ತಮ್ಮ ಪ್ರಾಣವನ್ನೇ ಕಳೆದುಕೊಳ್ಳುತ್ತಿದ್ದಾರೆ. ಹಳಿಯ ಮೇಲೆ  ಪಬ್​ಜಿ ಗೇಮ್​ನಲ್ಲಿ ತಲ್ಲೀನರಾಗಿದ್ದ ಇಬ್ಬರು ಬಾಲಕರ ಮೇಲೆ ರೈಲು ಹರಿದು ಇಬ್ಬರು  ಸಾವನ್ನಪ್ಪಿದ ದುರ್ಟಘನೆ ಮಥುರಾ-ಕಸ್​ಗಂಜ್​ನ ರೈಲು ಹಳಿಯ ಮೇಲೆ ಸಂಭವಿಸಿದೆ..

ಬಾಲಕರು ಪಬ್​ಜಿ ಗೇಮ್​ ಆಡುತ್ತಾ ರೈಲು ಹಳಿಯ ಮೇಲೆ ಕುಳಿತಿದ್ದಾರೆ. ಈ ವೇಳೆ ಆಗಮಿಸಿದ ಗೂಡ್ಸ್​ ಟ್ರೈನ್​ ಇಬ್ಬರ ಮೇಲೆ ಹರಿದಿದ್ದು ಬಾಲಕರು ಸಾವನ್ನಪ್ಪಿದ್ದಾರೆ. ಇನ್ನು ಯುವಕರ ಮೋಬೈಲ್​ಗಳನ್ನು ಪರಿಶಿಲನೆ ನಡೆಸಿದಾಗ ಮೊಬೈಲ್​ಗಳಲ್ಲಿ ಪಬ್​ಜಿ  ಗೇಮ್​ ಆಡುತ್ತಿದ್ದಾಗಿ ಕಂಡು ಬಂದಿದೆ ಎಂದು ಜಮನಾಪುರ ಠಾಣೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಇನ್ನು ಮೃತ ಬಾಲಕರನ್ನು ಗೌರವ್​ ಮತ್ತು ಕಪಿಲ್​ ಕುಮಾರ್​ ಎಂದು ಗುರುತಿಸಲಾಗಿದೆ. ಇಬ್ಬರು 10 ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದರು ಎಂದು ತಿಳಿದು ಬಂದಿದ್ದು ಮಕ್ಕಳು ಈ ಗೇಮ್​ಗೆ ಅಡಿಕ್ಟ್​ ಆಗಿರುವ ಕುರಿತು ಯಾವುದೇ ಮಾಹಿತಿಯಿರಲಿಲ್ಲ ಎಂದು ಪೋಷಕರು ಹೇಳಿದ್ದಾರೆ. ದೇಶದಲ್ಲಿ ಈ ಗೇಮ್​ನ್ನು ಕೇಂದ್ರ ಸಕಾ್ರ ನಿಷೇಧಿದೆಯಾದರು ಹಲವಾರು  ಅನಧಿಕೃತ  ವೆಬ್​​ಸೈಟ್​ಗಳ ಮೂಲಕ ಇದನ್ನು ಡೌನ್​ಲೋಡ್​ ಮಾಡಿಕೊಳ್ಳಲಾಗುತ್ತಿದೆ.

ಇದನ್ನೂ ಓದಿ:ತಂಗಿ ಗಂಡನೊಂದಿಗೆ ಅಕ್ರಮ ಸಂಬಂಧ: ಪತಿ ಕೊಲೆಗೆ ಹೆಂಡತಿ ಸ್ಕೆಚ್​​; ಮುಂದೇನಾಯ್ತು?