ಮ್ಯಾಕ್ಸ್​ವೆಲ್​​ಗ್ಯಾಕೆ​​ RCB ನಾಯಕನ ಪಟ್ಟ ಕೊಡಬೇಕು?- ಕಾರಣ ಬಿಚ್ಚಿಟ್ಟ ಗವಾಸ್ಕರ್​​..!


ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಐಪಿಎಲ್​ನಲ್ಲಿ ಒಮ್ಮೆಯೂ ಕಪ್​ ಗೆಲ್ಲದ ಈ ತಂಡ. ಆದ್ರೂ ಈ ತಂಡಕ್ಕಿರೋ ಕ್ರೇಜ್, ನಾಲ್ಕೈದು ಬಾರಿ ಟ್ರೋಪಿ ಮುಡಿಗೇರಿಸಿಕೊಂಡ ತಂಡಕ್ಕಿಂತ ಕಡಿಮೆ ಇಲ್ಲ. ಇದಕ್ಕೆ ಪ್ರಮುಖ ಕಾರಣ ವಿರಾಟ್ ಕೊಹ್ಲಿ. ಆದ್ರೆ, ಕಳೆದ 10 ಸೀಸನ್​ಗಳಲ್ಲಿ ಆರ್​ಸಿಬಿಯನ್ನ ಮುನ್ನಡೆಸಿದ್ದ ಕೊಹ್ಲಿ, ಈಗಾಗ್ಲೇ ನಾಯಕತ್ವಕ್ಕೆ ಗುಡ್​ಬೈ ಹೇಳುವುದಾಗಿ ಘೋಷಿಸಿದ್ದಾರೆ. ಇದರಿಂದ ಆರ್​ಸಿಬಿ ಫ್ರಾಂಚೈಸಿಗೆ ತಂಡದ ನಾಯಕನ ಆಯ್ಕೆ ದೊಡ್ಡ ಪ್ರಶ್ನೆಯಾಗಿದೆ.

ಯಾರಿಗೆ ನಾಯಕನ ಪಟ್ಟ ಕಟ್ಟಿದ್ರೆ, ಉತ್ತಮ ಅಂತಾ ಆರ್​ಸಿಬಿ ಟೀಮ್ ಮ್ಯಾನೇಜ್​ಮೆಂಟ್ ಸಿಕ್ಕಾಪಟ್ಟೆ ತಲೆಕೆಡಿಸಿಕೊಂಡಿದೆ. ಆದ್ರೆ, ಲೆಜೆಂಡ್​ ಸುನಿಲ್​ ಗವಾಸ್ಕರ್​ ಮ್ಯಾಕ್ಸ್​ವೆಲ್​ರನ್ನ ತಂಡದ ನಾಯಕರನ್ನಾಗಿ ಮಾಡುವಂತೆ ಸಲಹೆ ನೀಡಿದ್ದಾರೆ.

ಮ್ಯಾಕ್ಸ್​ವೆಲ್​ ನಾಯಕನ ಸ್ಥಾನ ನೀಡಿದ್ರೆ, ಈ ಬಾರಿಯ ಐಪಿಎಲ್​ನಲ್ಲಿ ನಾವು ಬೇರೆ ರೀತಿಯ ಮಾಕ್ಸ್​ವೆಲ್​ರನ್ನ ನೋಡಲಿದ್ದೇವೆ. ಕೆಲ ಆಟಗಾರರು ಚೆನ್ನಾಗಿ ಆಡ್ತಿರ್ತಾರೆ…ಆದ್ರೆ, 30, 40 ರನ್​ ಗಳಿಸುತ್ತಿದ್ದಂತೆ ನಮ್ ಕೆಲಸ ಮುಗೀತು ಎನ್ನುವಂತೆ ಔಟಾಗಿ ಹೋಗ್ತಾರೆ. ಆದ್ರೆ, ಅದೇ ಆಟಗಾರರಿಗೆ ಪ್ರಮುಖ ಜವಬ್ದಾರಿ ನೀಡಿದಾಗ ಕೊನೆವರೆಗೂ ಕ್ರೀಸ್​​ನಲ್ಲಿ ನಿಂತು ಆಡಿ ಮಿಂಚ್ತಾರೆ. ಮ್ಯಾಕ್ಸ್​ವೆಲ್ ಕೂಡ ಅಂತಹ ಆಟಗಾರರ ಪೈಕಿ ಒಬ್ಬರಾಗಿದ್ದಾರೆ ಎಂದು ಗವಾಸ್ಕರ್ ಅಭಿಪ್ರಾಯಪಟ್ಟಿದ್ದಾರೆ.

News First Live Kannada


Leave a Reply

Your email address will not be published. Required fields are marked *