ನವದೆಹಲಿ: ರಕ್ಷಣಾ ಕ್ಷೇತ್ರದಲ್ಲಿ ಮತ್ತಷ್ಟು ಸಹಕಾರ ಸಂಬಂಧ ಬೆಸೆಯಲು ಸ್ನೇಹ ರಾಷ್ಟ್ರಗಳಾದ ಭಾರತ ಮತ್ತು ಇಸ್ರೇಲ್ ಮಹತ್ವದ ನಿರ್ಧಾರಕ್ಕೆ ಬಂದಿವೆ. 10 ವರ್ಷಗಳ ಯೋಜನೆಯನ್ನ ರೂಪಿಸುವ ಟಾಸ್ಕ್​​ ಫೋರ್ಸ್​ ರಚಿಸಿವೆ.

ಟೆಲ್​ ಅವಿವ್​​ನಲ್ಲಿ ನಡೆದ ಭಾರತ ಮತ್ತು ಇಸ್ರೇಲ್ ಜೆಡಬ್ಲ್ಯೂಜಿ (Joint Working Group) ಸಭೆಯಲ್ಲಿ ಈ ಒಪ್ಪಂದಕ್ಕೆ ಬಂದಿವೆ. ಡಿಫೆನ್ಸ್​ ಸೆಕ್ರೆಟರಿ ಡಾ.ಅಜಯ್ ಕುಮಾರ್, ಇಸ್ರೇಲ್ ರಕ್ಷಣಾ ಸಚಿವಾಲಯದ ಡೈರೆಕ್ಟರ್ ಜನರಲ್ ಮಜ್ ಜೆ (Retd) ಅಮೀರ್ ಇಶೇಲ್ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ, ಎಸ್​ಡಬ್ಲ್ಯೂಜಿ (Sub Working Groups) ರಚನೆಗೆ ನಿರ್ಧರಿಸಿವೆ.​

ಇನ್ನು ಮೊನ್ನೆ ನಡೆದ ಸಭೆಯಲ್ಲಿ ಭಾರತ ಮತ್ತು ಇಸ್ರೇಲ್​ ನಡುವಿನ ರಕ್ಷಣಾ ಸಹಕಾರದ ಎಲ್ಲಾ ಅಂಶಗಳನ್ನ ಸಮಗ್ರವಾಗಿ ಪರಿಶೀಲಿಸಲಾಗಿದೆ. ಮತ್ತು ಮುಂದಿನ ಯೋಜನೆಗಳ ಬಗ್ಗೆ ಚರ್ಚೆ ಮಾಡಲಾಗಿದೆ. ಯುದ್ಧ ತಾಲೀಮು, ಇಂಡಸ್ಟ್ರಿ ಕೊ-ಅಪರೇಷನ್ ಕುರಿತು ಮಾತುಕತೆ ನಡೆದಿದೆ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.

ಡಿಫೆನ್ಸ್​​ ಪ್ರಕ್ಯೂರ್​​ಮೆಂಟ್, ಪ್ರೊಡೆಕ್ಷನ್, ಸಂಶೋಧನೆ ಮತ್ತು ಅಭಿವೃದ್ಧಿ ಬಗ್ಗೆಗೂ ಮೌಲ್ಯಮಾಪನ ಮಾಡಲಾಗಿದೆ. ​ನಂತರ ಎರಡೂ ದೇಶಗಳು ರಕ್ಷಣಾ ಕ್ಷೇತ್ರದಲ್ಲಿ ಮತ್ತಷ್ಟು ಪರಸ್ಪರ ಸಹಕಾರ ಪಡೆಯುವ ಉದ್ದೇಶದಿಂದ SWG ರಚಿಸಲು ಸಹಿ ಹಾಕಿವೆ. ಅಲ್ಲದೇ ಹತ್ತು ವರ್ಷಗಳ ರಕ್ಷಣಾ ಒಪ್ಪಂದಕ್ಕೂ ಸಹಿ ಹಾಕಲಿವೆ. ಈ SWG ರಚನೆಯು ದ್ವಿಪಕ್ಷೀಯ ಸಂಪನ್ಮೂಲಗಳ ಸಮರ್ಥ ಬಳಕೆ, ತಂತ್ರಜ್ಞಾನಗಳ ಪರಿಣಾಮಕಾರಿ ಬಳಕೆ ಮತ್ತು ಕೈಗಾರಿಕಾ ಸಾಮರ್ಥ್ಯಗಳನ್ನು ಹಂಚಿಕೊಳ್ಳಲು ಸಹಕಾರ ನೀಡಲಿದೆ. ಅಲ್ಲದೇ ಮುಂದಿನ ಬಾರಿ ಭಾರದಲ್ಲಿ JWG ಸಭೆ ನಡೆಸಲು ನಿರ್ಧರಿಸಲಾಗಿದೆ.