ರಾಜಮೌಳಿ ಡೈರೆಕ್ಷನ್​​: ಮಹೇಶ್​​ ಬಾಬು ಎದುರು ಬಣ್ಣ ಹಚ್ತಾರಾ ತಮಿಳು ನಟ ವಿಕ್ರಮ್​​?


ಸೂಪರ್​ ಸ್ಟಾರ್​ ಮಹೇಶ್​ ಬಾಬು ಮತ್ತು ಇಂಡಿಯನ್​ ಮೋಸ್ಟ್​ ಟ್ಯಾಲೆಂಟೆಡ್​ ಡೈರೆಕ್ಟರ್ ರಾಜಮೌಳಿ ಜೊತೆ ಸಿನಿಮಾ ಮಾಡುತ್ತಿರುವ ವಿಚಾರ ಗೊತ್ತೇ ಇದೆ. ಆರ್​ಆರ್​ಆರ್​ ಸಿನಿಮಾ ಮುಗಿದ ನಂತರ ರಾಜಮೌಳಿ ಮತ್ತು ಮಹೆಶ್​ ಹೊಸ ಸಿನಿಮಾ ಸೆಟ್ಟೇರೋದು ಪಕ್ಕಾ ಆಗಿದೆ.

ಆ ವಿಚಾರ ಎಲ್ಲರಿಗೂ ಗೊತ್ತಿರೋದೆ. ಆದರೆ ಈಗ ಹೊಸದೊಂದು ಬಾಂಬ್​ ಟಾಲಿವುಡ್​ ಮತ್ತು ಕಾಲಿವುಡ್​ ಅಂಗಳದಲ್ಲಿ ಹಲ್​ಚಲ್​ ಎಬ್ಬಿಸಿದೆ. ಅದೇನಂದ್ರೆ ರಾಜಮೌಳಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಮಹೇಶ್​ ನಾಯಕನಟನಾಗಿ ಕಾಣಿಸಿಕೊಳ್ಳುತ್ತಿರುವ ಇನ್ನು ಹೆಸರಿಡದ ಸಿನಿಮಾದ ವಿಶೇಷ ಪಾತ್ರಕ್ಕೆ ತಮಿಳಿನ ಸ್ಟಾರ್​ ಹೀರೋ ಚಿಯಾನ್​ ವಿಕ್ರಮ್​ ಸಿನಿಮಾದ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಈ ವಿಚಾರವಾಗಿ ಮಾತನಾಡಲು ವಿಕ್ರಂ​ ಅತಿ ಶೀಘ್ರದಲ್ಲಿ ರಾಜಮೌಳಿಯನ್ನು ಭೇಟಿ ಕೂಡ ಮಾಡಲಿದ್ದಾರಂತೆ.

ಚಿತ್ರದ ಕಥೆ ಬಗ್ಗೆ ಯಾವುದೇ ಗುಟ್ಟು ಬಿಟ್ಟು ಕೊಡದೆ , ರಾಜಮೌಳಿ ತಂದೆ ಕಥೆ ಬರೆದಿದ್ದು ಖಾಸಗಿ ವಾಹಿನಿಯ ಸಂದರ್ಶನವೊಂದರಲ್ಲಿ ರಿವೀಲ್​ ಆಗಿದೆ. ಈ ಕಾಂಬಿನೇಷ​ನ್​ನಲ್ಲಿ ಮೂಡಿಬರುತ್ತಿರುವ ಸಿನಿಮಾ ಆಫ್ರಿಕಾದ ಕಾಡಿನ ಬಗ್ಗೆ ಇರಲಿದೆ ಎಂಬ ಸಣ್ಣ​ ಸುಳಿವನ್ನು ನೀಡಿದ್ದಾರೆ. ಆದರೆ ಸಿನಿಮಾದ ಬಗ್ಗೆ ಮತ್ತಷ್ಟು ಮಾಹಿತಿ ತಿಳಿದುಕೊಳ್ಳಬೇಕಾದರೆ ನಾವು ಇನ್ನಷ್ಟು ದಿನ ಕಾಯಲೇ ಬೇಕಿದೆ. ಒಂದು ವೇಳೆ ರಾಜಮೌಳಿ ಚಿತ್ರಕ್ಕೆ ವಿಕ್ರಮ್​ ಆಯ್ಕೆ ಆಗಿದ್ದೇ ಆದರೆ, ಹೊಸ ಇತಿಹಾಸ ಸೃಷ್ಟಿ ಮಾಡೋದರಲ್ಲಿ ಯಾವುದೇ ಅನುಮಾನವೇ ಇಲ್ಲ ಅಂತಿದ್ದಾರೆ ಸಿನಿ ಪಂಡಿತರು.

The post ರಾಜಮೌಳಿ ಡೈರೆಕ್ಷನ್​​: ಮಹೇಶ್​​ ಬಾಬು ಎದುರು ಬಣ್ಣ ಹಚ್ತಾರಾ ತಮಿಳು ನಟ ವಿಕ್ರಮ್​​? appeared first on News First Kannada.

News First Live Kannada


Leave a Reply

Your email address will not be published. Required fields are marked *