ಪ್ರಭಾಸ್​ ಅಭಿಮಾನಿಗಳು ಅವರ ಮುಂಬರುವ ಸಿನಿಮಾ “ರಾಧೆ ಶ್ಯಾಮ್​ ” ಚಿತ್ರತಂಡದ ಮೇಲೆ ಕೋಪಿಸಿಕೊಂಡಿದ್ದಾರೆ. ಹೌದು “ರಾಧೆ ಶ್ಯಾಮ್​ ” ಪ್ರಭಾಸ್​ ನಟನೆಯ ಬಹುನಿರೀಕ್ಷಿತ ಪ್ಯಾನ್​ ಇಂಡಿಯನ್​ ಮೂವಿ. ನಿರ್ದೇಶಕ ರಾಧಾ ಕೃಷ್ಣ ಕುಮಾರ್ ಕಲ್ಪನೆಯಲ್ಲಿ ಮೂಡಿಬಂದಿರುವ ಈ ಚಿತ್ರಕ್ಕೆ ಯುವಿ ಕ್ರೆಯೆಷನ್ಸ್​ ಬಂಡವಾಳ ಹೂಡಿದೆ.

ಇನ್ನು “ರಾಧೆ ಶ್ಯಾಮ್​ ” ಚಿತ್ರತಂಡ ಇಂದು ಸಂಜೆ 5 ಗಂಟೆ ಚಿತ್ರದ ಮೊದಲ ಲಿರಿಕರ್​ ಹಾಡನ್ನು ಬಿಡುಗಡೆ ಮಾಡುವುದಾಗಿ ಹೇಳಿತ್ತು. ಆದ್ರೆ ತಾಂತ್ರಿಕ ಸಮಸ್ಯೆಯಿಂದ ಚಿತ್ರದ ಹಾಡು ಇನ್ನೂ ಕೂಡ ರಿಲೀಸ್​ ಆಗದೆ ಇರುವುದರಿಂದ ಪ್ರಭಾಸ್​ ಫ್ಯಾನ್ಸ್​ ಚಿತ್ರತಂಡದ ವಿರುದ್ಧ ಗರಂ ಆಗಿದ್ದಾರೆ.

“ರಾಧೆ ಶ್ಯಾಮ್​” ಚಿತ್ರತಂಡದ ಬಗ್ಗೆ ಪ್ರಭಾಸ್​ ಫ್ಯಾನ್ಸ್​ ಕೋಪಗೊಂಡಿರಿವುದು ಇದೇ ಮೊದಲ ಬಾರಿಯನ್ನಲ್ಲ ಈ ಹಿಂದೆ ಕೂಡ ಸಾಕಷ್ಟು ಬಾರಿ ಚಿತ್ರತಂಡ “ರಾಧೆ ಶ್ಯಾಮ್​” ಚಿತ್ರದ ಪ್ರಚಾರವನ್ನು ಮಾಡುತ್ತಿಲ್ಲವೆಂದು ಪ್ರಭಾಸ್​ ಅಭಿಮಾನಿಗಳು ಚಿತ್ರತಂಡದ ಮೇಲೆ ಗರಂ ಆಗಿದ್ದರು. ಮೊನ್ನೆಯಷ್ಟೇ ಪ್ರಭಾಸ್​ ಅಭಿಮಾನಿಯೊಬ್ಬ “ರಾಧೆ ಶ್ಯಾಮ್​” ಚಿತ್ರತಂಡ ಚಿತ್ರದ ಅಪ್​ಡೇಟ್ಸ್​ ಕೊಡದೇ ಹೊದರೆ ತಾನು ಸೂಸೈಡ್​ ಮಾಡಿಕೊಳ್ಳುವುದಾಗಿ ಡೆತ್​ನೋಟ್​ ಕೂಡ ಬರೆದಿದ್ದ.

ಇದನ್ನೂ ಓದಿ: ರಾಧೆ ಶ್ಯಾಮನಾಗಿ ಪ್ರಭಾಸ್ ಎಂಟ್ರಿ; ಫ್ಯಾನ್ಸ್​ ಫುಲ್ ಕ್ರೇಜಿ