‘ರಾಮಾಚಾರಿ’ ಋಣವನ್ನ ಮಲ್ಲ ಸಿನಿಮಾ ಮೂಲಕ ತೀರಿಸಿದೆ-ರವಿಚಂದ್ರನ್​


ಸ್ಯಾಂಡಲ್​ವುಡ್​ನಲ್ಲಿ ಇದೇ ತಿಂಗಳ 31 ನೇ ತಾರೀಖು ಕೋಟಿ ನಿರ್ಮಾಪಕ ರಾಮು ನಿರ್ಮಾಣದ ಅರ್ಜುನ್​ ಗೌಡ ಸಿನಿಮಾ ಗ್ರ್ಯಾಂಡ್​ ರಿಲೀಸ್​ ಆಗುತ್ತಿದೆ. ಈ ಸಂದರ್ಭದಲ್ಲಿ ಅರ್ಜುನ್​ ಗೌಡ ಸಿನಿಮಾದ ಪ್ರೀ ರಿಲೀಸ್ ಇವೆಂಟ್​ ಅನ್ನು ನಗರದ ಖಾಸಗಿ ಹೋಟೆಲ್​ನಲ್ಲಿ ಆಯೋಜಿಸಲಾಗಿತ್ತು.

ಇದೇ ಸಂದರ್ಭದಲ್ಲಿ ಮಾತನಾಡಿದ ಕ್ರೇಜಿ ಸ್ಟಾರ್​ ರವಿ ಚಂದ್ರನ್​, ರಾಮು ನಾನು ಮೊದಲು ಸಿನಿಮಾ ಮಾಡಬೇಕು ಅಂದುಕೊಂಡಿದ್ದು ಶಕುನಿ ಸಿನಿಮಾವನ್ನ. ಶಕುನಿ ಸಿನಿಮಾ ಸುಮಾರು 40% ಕಂಪ್ಲೀಟ್​ ಆಗಿತ್ತು. ಆದರೆ ಒಂದು ದಿನ ಮನೆಗೆ ಬಂದ ರಾಮು ಸರ್​ ಶಕುನಿ ಸಿನಿಮಾದಲ್ಲಿ ನಿಮ್ಮ ಗೆಟಪ್​ ಚೆನ್ನಾಗಿಲ್ಲ ಅಂದ್ರು.  ಆಗ ನಾನು ಸಿನಿಮಾ ಅರ್ಧ ಕಂಪ್ಲೀಟ್​ ಆಗಿದೆ. ಈಗ ಚೆನ್ನಾಗಿಲ್ಲ ಅಂದ್ರೆ ಹೇಗೆ? ಅಂದೆ. ಅದಕ್ಕೆ ರಾಮು ಇಲ್ಲ ಸಾರ್​ ಶಕುನಿ ಸಿನಿಮಾ ಬೇಡ ಅಂದ್ರು.

ಆಗ ನಾನು ಸರಿ ಶಕುನಿ ಸಿನಿಮಾ ಬೇಡ. ನಿನಗೆ ಇಷ್ಟ ಆಗುವಂತೆ ಒಂದು ಸಿನಿಮಾ ಮಾಡ್ತೀನಿ ಅಂತ ಹೇಳಿ ಮಾಡಿದ ಸಿನಿಮಾನೇ ಮಲ್ಲ. ಆ ಸಿನಿಮಾ ಸೂಪರ್​ ಹಿಟ್​ ಆಯ್ತು. ನಾನು ಶಿವಣ್ಣ, ದೇವರಾಜ್​ ಉಪೇಂದ್ರ, ಗಣೇಶ್, ಪ್ರಜ್ವಲ್​​ ಎಲ್ಲರೂ ರಾಮು ಬ್ಯಾನರ್​ನಲ್ಲಿ ಸಿನಿಮಾ ಮಾಡಿದ್ದೀವಿ ಅಂತ ರಾಮು ಬಗೆಗಿನ ನೆನಪನ್ನು ಮೆಲುಕು ಹಾಕಿದ್ದಾರೆ.

ಮಾಲಾಶ್ರೀ ಅವರ ಬಗ್ಗೆ ಮಾತನಾಡಿದ ರವಿಚಂದ್ರನ್​, ನನಗೋಸ್ಕರ ಮಾಲಾಶ್ರೀ ರಾಮಾಚಾರಿ ಸಿನಿಮಾ ಮಾಡೋಕೆ ಒಪ್ಪಿಗೆ ನೀಡಿದ್ದರು. 18 ದಿನ ಹಗಲು ರಾತ್ರಿ ಸಿನಿಮಾ ಮಾಡಿ ಕಂಪ್ಲೀಟ್​ ಮಾಡಿಕೊಟ್ಟರು. ರಾಮಾಚಾರಿ ಮಾಡೋ ಟೈಮ್​ನಲ್ಲಿ ಮಾಲಾಶ್ರೀ ತುಂಬಾ ಬ್ಯುಸಿ​ ನಟಿ. ಆ ಸಿನಿಮಾ ಗೆದ್ದಾಗ ಸಾಕಷ್ಟು ಜನರ ಜೀವ ಮತ್ತು ಜೀವನ ಕಾಪಾಡಿದ್ರು ಅಂತ ಸಹಾಯದ ಋಣ ತೀರಿಸೋ ಅವಕಾಶ ಸಿಕ್ಕಿದ್ದು ಮಲ್ಲ ಸಿನಿಮಾದ ಮೂಲಕ. ನಾವು ಮಲ್ಲ-2 ಮಾಡೋಣಾ.? ನಾನು ನೀವು ಮಾಡೋಣಾ ಅಥವಾ ನಾನು ನಿಮ್ಮ ಮಗಳು ಮಾಡೋಣಾ? ಬೇಡ ನನ್ನ ಮಗ ನಿಮ್ಮ ಮಗಳು ಮಾಡಲಿ ಬಿಡಿ ಎಂದು ಮಾಲಾಶ್ರೀ ಅವರ ಮೊಗದಲ್ಲಿ ಮಂದಹಾಸ ಮೂಡಿಸಿದ್ದಾರೆ ರವಿ ಮಾಮ.

News First Live Kannada


Leave a Reply

Your email address will not be published. Required fields are marked *