ರಾಹುಲ್, ರಶೀದ್​ ಖಾನ್​ಗೆ ಸಂಕಷ್ಟ; IPLನಿಂದ ಬ್ಯಾನ್ ಆಗುವ ಸಾಧ್ಯತೆ


ಆಟಗಾರರಿಗೆ ಆಮಿಷ ಒಡ್ಡಿದ ಆರೋಪದಡಿಯಲ್ಲಿ ಲಖನೌ ಫ್ರಾಂಚೈಸಿ ವಿರುದ್ಧ, ಬಿಸಿಸಿಐಗೆ ಹಳೆ ಫ್ರಾಂಚೈಸಿಗಳು ದೂರು ನೀಡಿದ್ದು ಹಳೆ ಸುದ್ದಿ. ಈಗ ಅದೇ ದೂರು ಇಬ್ಬರು ಆಟಗಾರರ ಪಾಲಿಗೆ ಉರುಳಾಗಿ ಪರಿಣಮಿಸಿದೆ. ಇದರಿಂದಾಗಿ ಈ ಸ್ಟಾರ್​ ಆಟಗಾರರು, ಐಪಿಎಲ್​ನಿಂದ ಕೆಲ ಕಾಲ ಬ್ಯಾನ್​ ಆದ್ರೂ ಅಚ್ಚರಿಯಿಲ್ಲ.

ಕೆಲ ದಿನಗಳಿಂದ ರಿಟೈನ್​ ಚರ್ಚೆಯ ಜೊತೆ ಜೊತೆಗೆ ಹೆಚ್ಚು ಸದ್ದು ಮಾಡಿದ್ದು, ಸನ್​ರೈಸರ್ಸ್​ ಹೈದ್ರಾಬಾದ್​ ಹಾಗೂ ಕಿಂಗ್ಸ್​ ಪಂಜಾಬ್​ ತಂಡ ಬಿಸಿಸಿಐಗೆ ನೀಡಿದ ದೂರು. ನೂತನ ಲಖನೌ ಫ್ರಾಂಚೈಸಿ ಆಟಗಾರರಿಗೆ ಆಮಿಷ ಒಡ್ಡುತ್ತಿದೆ ಎಂದು ಆರೋಪ ಮಾಡಿದ್ದ ಈ ಹಳೆ ಫ್ರಾಂಚೈಸಿಗಳು, ಬಿಗ್​ಬಾಸ್​ಗಳಿಗೆ ದೂರು ನೀಡಿದ್ರು. ಆ ದೂರಿನಲ್ಲಿ ರಶೀದ್​ ಖಾನ್, ಕೆಎಲ್​ ರಾಹುಲ್​ ಹೆಸರನ್ನೂ ಸೇರಿಸಲಾಗಿದ್ದು, ಇದೇ ಈಗ ಆಟಗಾರರಿಗೆ ಉರುಳಾಗಿ ಪರಿಣಮಿಸಿದೆ.

ಇದನ್ನೂ ಓದಿ: ಸ್ಟಾರ್​ ಆಟಗಾರರಿಗೆ ಲಖನೌ ಬಿಗ್ ಆಫರ್: ರಶೀದ್​ಗೆ 16 ಕೋಟಿ, ರಾಹುಲ್​ಗೆ ಎಷ್ಟು ಕೋಟಿ ಆಫರ್ ಗೊತ್ತಾ..?

ಕೆಎಲ್​ ರಾಹುಲ್​, ರಶೀದ್​​ ಖಾನ್​ಗೆ ಬ್ಯಾನ್​ ಭೀತಿ..?
ನಿಯಮ ಉಲ್ಲಂಘಿಸಿ ತಪ್ಪು ಮಾಡಿದ್ರಾ ಆಟಗಾರರು..?

ಹಳೆಯ ಫ್ರಾಂಚೈಸಿಗಳು ದೂರಿನಲ್ಲಿ ಉಲ್ಲೇಖ ಮಾಡಿರೋದು ಮಾತ್ರವಲ್ಲ. ರಾಹುಲ್​ ಹಾಗೂ ರಶೀದ್​​ ಖಾನ್​ ನೂತನ ಫ್ರಾಂಚೈಸಿಯ ಸಂಪರ್ಕ ಮಾಡಿದ್ದಾರೆ ಎಂಬ ಮಾಹಿತಿ, ಬಲವಾಗಿ ಕೇಳಿ ಬರ್ತಿದೆ. ಜೊತೆಗೆ ರಾಹುಲ್​ಗೆ 20, ರಶೀದ್​​ಗೆ 16 ಕೋಟಿಯ ಬೃಹತ್​ ಆಫರ್​​ ಕೂಡ ಸಿಕ್ಕಿತ್ತು ಎನ್ನಲಾಗ್ತಿದೆ. ಇದೇ ವಿಚಾರ ಈಗ ಇಬ್ಬರು ಸ್ಟಾರ್​ ಆಟಗಾರರಿಗೆ ಬ್ಯಾನ್​ ಭೀತಿಯನ್ನ ತಂದಿಟ್ಟಿದೆ. ಒಂದು ಫ್ರಾಂಚೈಸಿಯ ಒಪ್ಪಂದ​ ಅಂತ್ಯವಾಗದೇ ಇನ್ನೊಂದು ಫ್ರಾಂಚೈಸಿಯನ್ನ ಆಟಗಾರರು ಸಂಪರ್ಕಿಸ ಬಾರದು ಅನ್ನೋದು, ಬಿಸಿಸಿಐನ ನಿಯಮವಾಗಿದೆ. ಈ ನಿಯಮವನ್ನ ಉಲ್ಲಂಘಿಸಿದ್ದೇ, ಇದೀಗ ರಾಹುಲ್​ ಹಾಗೂ ರಶೀದ್​​ಗೆ ಸಂಕಷ್ಟ ತಂದಿಟ್ಟಿದೆ.

‘ಸೂಕ್ತ ಕ್ರಮ ತೆಗೆದುಕೊಳ್ಳಲಾಗುವುದು’
‘ನಮಗೆ ಲಿಖಿತ ಪತ್ರ ಸಿಕ್ಕಿಲ್ಲ. ಆದರೆ, ಲಖನೌ ತಂಡದಿಂದ ಆಟಗಾರರನ್ನ ಸೆಳೆಯಲಾಗುತ್ತಿರುವ ಬಗ್ಗೆ ಎರಡು ಫ್ರಾಂಚೈಸಿಗಳು ಮೌಖಿಕ ದೂರು ಕೊಟ್ಟಿವೆ. ಆ ದೂರನ್ನು ನಾವು ಪರಿಶೀಲಿಸುತ್ತಿದ್ದೇವೆ. ದೂರಿನಲ್ಲ ಸತ್ಯಾಂಶ ಇದ್ದರೆ ಸೂಕ್ತಕ್ರಮ ಕೈಗೊಳ್ಳಲಾಗುವುದು’
ಬಿಸಿಸಿಐ ಅಧಿಕಾರಿ

ಇದೇ ಕೇಸಲ್ಲಿ ಬ್ಯಾನ್​ ಆಗಿದ್ದು ರವೀಂದ್ರ ಜಡೇಜಾ..!
2010ರಲ್ಲಿ ಇಂತದ್ದೇ ಪ್ರಕರಣ ನಡೆದಿತ್ತು. ಆಗ ರಾಜಸ್ಥಾನ್ ರಾಯಲ್ಸ್ ತಂಡದಲ್ಲಿದ್ದ ರವೀಂದ್ರ ಜಡೇಜಾ, ಒಪ್ಪಂದ ಅಂತ್ಯಕ್ಕೂ ಮೊದಲೇ ಮುಂಬೈ ಇಂಡಿಯನ್ಸ್ ತಂಡ ಸಂಪರ್ಕಿಸಿದ್ರು. ಜೊತೆಗೆ ಮುಂಬೈ ಇಂಡಿಯನ್ಸ್​​​ ಖರೀದಿಗೂ ಪ್ಲಾನ್​ ರೆಡಿ ಮಾಡಿತ್ತು. ಇದು ಸಾಬೀತಾದ ಬೆನ್ನಲ್ಲೇ, ಜಡೇಜಾಗೆ ಒಂದು ವರ್ಷ ನಿಷೇಧ ಹೇರಲಾಗಿತ್ತು.

ಇದೀಗ ಕ್ರಿಕೆಟ್​ ವಲಯದಲ್ಲಿ ಕೂಡ ರಾಹುಲ್​, ರಶೀದ್​ ನಿಷೇಧ ಶಿಕ್ಷೆಗೆ ಗುರಿಯಾಗ್ತಾರೆ ಎಂಬ ಸುದ್ದಿ ಸದ್ದು ಮಾಡ್ತಿದೆ. ಫ್ರಾಂಚೈಸಿಗಳ ಕಡೆಯಿಂದ ರಿಟೇನ್​​​ ಪ್ರಕ್ರಿಯೆ ಪೂರ್ಣವಾಗುವುದರೊಳಗೆ ಬೇರೆ ಫ್ರಾಂಚೈಸಿಯನ್ನ ಸಂಪರ್ಕಿಸಿದ್ದು ತಪ್ಪು ಎಂಬ ಮಾತೂ ಕೇಳಿ ಬರ್ತಿದೆ. ಅಂತಿಮವಾಗಿ ರಾಹುಲ್​ -ರಶೀದ್​​ ಇಬ್ಬರ ಭವಿಷ್ಯ ಸಧ್ಯ ಬಿಸಿಸಿಐನ ನಡೆ ಮೇಲೆ ನಿಂತಿರೋದಂತೂ ಸುಳ್ಳಲ್ಲ.

ಇದನ್ನೂ ಓದಿ: ರಿಟೈನ್ ಪ್ರಕ್ರಿಯೆಯಲ್ಲಿ RCB ಉಳಿಸಿಕೊಂಡ ಆಟಗಾರರು ಯಾಱರು, ಯಾರೆಲ್ಲ ಮಿಸ್​..?

News First Live Kannada


Leave a Reply

Your email address will not be published. Required fields are marked *