‘ರೋಹಿತ್​​ ಟೆಸ್ಟ್​​ ಕ್ಯಾಪ್ಟನ್​​ ಆಗಲಿ..’ ಹಿಟ್​​ಮ್ಯಾನ್​​ಗೆ ಟೀಂ ಇಂಡಿಯಾ ಮಾಜಿ ನಾಯಕ ಫುಲ್​ ಸಪೋರ್ಟ್​


ವಿರಾಟ್‌ ಕೊಹ್ಲಿಯಿಂದ ಖಾಲಿಯಾಗಿರೋ ಭಾರತ ಟೆಸ್ಟ್‌ ತಂಡದ ನಾಯಕತ್ವ ಯಾರಿಗೆ ನೀಡಬೇಕು ಎಂಬ ಚರ್ಚೆ ಜೋರಾಗಿದೆ. ಇದರ ನಡುವೆ ಹಲವರು ರೋಹಿತ್‌ ಶರ್ಮಾಗೆ ಟೆಸ್ಟ್‌ ತಂಡದ ನಾಯಕತ್ವ ನೀಡಬೇಕೆಂದು ಆಗ್ರಹಿಸಿದ್ದಾರೆ. ಈ ಸಾಲಿಗೆ ಮೊಹಮ್ಮದ್‌ ಅಝರುದ್ದೀನ್ ಸೇರ್ಪಡೆಯಾಗಿದ್ದಾರೆ.

ಹೌದು, ಕೊಹ್ಲಿ ರಾಜೀನಾಮೆ ಬಳಿಕ ತೆರವಾಗಿರೋ ಟೀಂ ಇಂಡಿಯಾ ಟೆಸ್ಟ್​​ ಕ್ಯಾಪ್ಟನ್​​ ಸ್ಥಾನಕ್ಕೆ ರೋಹಿತ್​​ ಶರ್ಮಾ ಆಯ್ಕೆಯಾಗಲಿ ಎಂದು ಮಾಜಿ ನಾಯಕ ಮೊಹಮ್ಮದ್‌ ಅಝರುದ್ದೀನ್ ಸಲಹೆ ನೀಡಿದ್ದಾರೆ. ಈ ಸಂಬಂಧ ಮಾತಾಡಿದ ಅಝರುದ್ದೀನ್​​, ಎಲ್ಲಾ ಮಾದರಿ ಕ್ರಿಕೆಟ್​​ನಲ್ಲೂ ರೋಹಿತ್​​ ನಂ.1 ಆಟಗಾರ. ಯಾವುದೇ ಕಾರಣಕ್ಕೂ ಅನುಭವ ಇಲ್ಲದ ಆಟಗಾರರನ್ನು ಆಯ್ಕೆ ಮಾಡಬೇಡಿ. ಬದಲಿಗೆ 5-6 ವರ್ಷ ಅನುಭವ ಇರೋ ರೋಹಿತ್​​ಗೆ ಈ ಸ್ಥಾನ ಕೊಡಿ ಎಂದಿದ್ದಾರೆ.

ರೋಹಿತ್‌ ಶರ್ಮಾ ಅತ್ಯುತ್ತಮ ಆಟಗಾರ. ಅವರು ಅತ್ಯುತ್ತಮ ನಾಯಕ ಕೂಡ ಆಗಬಲ್ಲರು. ಮುಂದಿನ ಎರಡು ಅಥವಾ ಮೂರು ವರ್ಷಗಳ ಕಾಲ ರೋಹಿತ್​​ ಕ್ರಿಕೆಟ್‌ ಆಡಬಹುದು. ಇದಕ್ಕಿಂತಲೂ ಹೆಚ್ಚಿನ ಸಮಯ ಕ್ರಿಕೆಟ್​ ಆಡೋದಾದ್ರೆ ರೋಹಿತ್​​ಗೆ ಫಿಟ್​​ನೆಸ್​​ ಅವಶ್ಯಕ ಎಂದರು.

News First Live Kannada


Leave a Reply

Your email address will not be published. Required fields are marked *