ವರ್ಕೌಟ್​​ ಆಗ್ಲಿಲ್ಲ ಕೋಚ್​ ದ್ರಾವಿಡ್​ ತಂತ್ರ -ತಂಡದ ಸೋಲಿಗೆ ಕಾರಣವಾಯ್ತಾ ರಾಹುಲ್​​​ ನಾಯಕತ್ವ?


ಟೆಸ್ಟ್ ಸರಣಿ ಆಯ್ತು.. ಏಕದಿನ ಸರಣಿಯಲ್ಲೂ ಟೀಮ್ ಇಂಡಿಯಾ, ಮುಖಭಂಗ ಅನುಭವಿಸಿತು. ಟೂರ್ನಿ ಆರಂಭಕ್ಕೂ ಮುನ್ನ, ನಾವೇ ಫೇವರಿಟ್ಸ್​ ಅಂತಿದ್ದ ಟೀಮ್ ಇಂಡಿಯಾಕ್ಕೆ, ದಕ್ಷಿಣ ಆಫ್ರಿಕಾ ಸರಿಯಾಗೇ ತಿರುಗೇಟು ನೀಡ್ತು. ಆದ್ರೆ ಸೋಲಿಗೆ ಅಸಲಿ ಕಾರಣ ಏನು..? ಯಾರನ್ನ ಹೊಣೆ ಮಾಡಬೇಕು..? ಆ ಕಂಪ್ಲೀಟ್ ಡಿಟೇಲ್ಸ್​ ಇಲ್ಲಿದೆ.

ಕೋಚ್ ರಾಹುಲ್ ದ್ರಾವಿಡ್ ಗೇಮ್​ಪ್ಲಾನ್ ಉಲ್ಟಾ ಆಯ್ತಾ..?
ಏಕದಿನ ಸರಣಿ ಸೋಲಿಗೆ ಯಾರು ಹೊಣೆ..?

ಟೆಸ್ಟ್ ಸರಣಿ ಸೋತ ಬಳಿಕ ಏಕದಿನ ಸರಣಿಯಲ್ಲಿ ಟೀಮ್ ಇಂಡಿಯಾ ಕಮ್​ಬ್ಯಾಕ್ ಮಾಡುತ್ತೆ ಅಂತ, ಕೋಟ್ಯಾಂತರ ಕ್ರಿಕೆಟ್ ಅಭಿಮಾನಿಗಳು ನಿರೀಕ್ಷಿಸಿದ್ರು. ಆದ್ರೆ ಆ ನಿರೀಕ್ಷೆಗಳೆಲ್ಲಾ, ಸುಳ್ಳಾಗಿವೆ. ಏಕದಿನ ಸರಣಿಯನ್ನ ಕೈಚೆಲ್ಲಿರುವ ಟೀಮ್ ಇಂಡಿಯಾ, ದಕ್ಷಿಣ ಆಫ್ರಿಕಾ ವಿರುದ್ಧ ಮುಖಭಂಗ ಅನುಭವಿಸಿತು. ಆದ್ರೆ ಸರಣಿ ಸೋಲಿಗೆ ಕಾರಣ ಯಾರು..? ನಾಯಕ ಕೆ.ಎಲ್​.ರಾಹುಲ್​ ಆ..? ಅಥವಾ ಕೋಚ್ ರಾಹುಲ್ ದ್ರಾವಿಡ್​​ ಆ..? ಈ ಪ್ರಶ್ನೆಗೆ, ಟೀಮ್ ಮ್ಯಾನೇಜ್​ಮೆಂಟ್​​ ಉತ್ತರಿಸಬೇಕಿದೆ.

ಕೆ.ಎಲ್.ರಾಹುಲ್​​ಗೆ ನಾಯಕ ಪಟ್ಟ ನೀಡಿದ್ದೇ ತಪ್ಪಾಯ್ತಾ..?

ಮೊದಲೆರೆಡು ಏಕದಿನ ಪಂದ್ಯಗಳಲ್ಲಿ ಕೆ.ಎಲ್.ರಾಹುಲ್, ಅತ್ಯಂತ ಕಳಪೆಯಾಗಿ ತಂಡವನ್ನ ಮುನ್ನಡೆಸಿದ್ರು. ಬೌಲರ್​ಗಳ ರೊಟೇಶನ್, ಫೀಲ್ಡ್​ ಪ್ಲೇಸ್​ಮೆಂಟ್ ಅಪ್​ ಟು ಮಾರ್ಕ್​ ಇರಲಿಲ್ಲ..ಹಾಗೇ ಅಗ್ರೆಸಿವ್​​ ಕ್ಯಾಪ್ಟನ್ಸಿ ಜೊತೆಗೆ ಅಟ್ಯಾಕಿಂಗ್ ಮೈಂಡ್​ಸೆಟ್ ಕೂಡ​​ ಇರಲಿಲ್ಲ. ರಾಹುಲ್​ ಕ್ಯಾಪ್ಟನ್ಸಿಯಲ್ಲಿ ಪಾಸಿಟಿವ್​ಗಿಂತ ಹೆಚ್ಚು ನೆಗೆಟೀವ್ ಅಪ್ರೋಚೇ ಜಾಸ್ತಿಯಾಗಿತ್ತು. ಇನ್ನು ರಾಹುಲ್ ಉತ್ತಮ ಗೇಮ್ ರೀಡರ್ ಕೂಡ ಆಗಿರಲಿಲ್ಲ. ಹಾಗೇ ಕ್ಯಾಪ್ಟನ್ ರಾಹುಲ್ ಟ್ಯಾಕ್ಟಿಕ್ಸ್ ಸಹ, ಅತ್ಯಂತ ಕಳಪೆಯಾಗಿತ್ತು. ರಾಹುಲ್ ಪೊಟೆನ್ಶಿಯಲ್​​​​ ಅನ್ನ, ಈಗ ಪ್ರಶ್ನಿಸಲೇಬೇಕು..! ಇದೆಲ್ಲಾ ತಿಳಿದಿದ್ರು, ರಾಹುಲ್​ಗೆ ನಾಯಕ ಪಟ್ಟ ನೀಡಿದ್ದು ತಪ್ಪು. ಇದರ ಬದಲು ರಿಶಭ್​ ಪಂತ್​​ಗೆ ನಾಯಕಪಟ್ಟ ನೀಡಿದ್ರೆ, ಒಂದು ಒಳ್ಳೆ ಪ್ರಯೋಗವಾಗ್ತಿತ್ತು.

ಕೋಚ್ ದ್ರಾವಿಡ್​ಗೆ ಅತಿಯಾದ ಹೈಪ್ ನೀಡಲಾಯ್ತಾ..?

ರಾಹುಲ್ ದ್ರಾವಿಡ್ ಟೀಮ್ ಇಂಡಿಯಾ ಕೋಚ್​ ಆಗಿದ್ದೇ ತಡ. ಈ ಮಾಜಿ ಕ್ರಿಕೆಟಿಗನಿಗೆ, ಎಲ್ಲೆಡೆಯಿಂದ ಸಿಕ್ಕಾಪಟ್ಟೆ ಹೈಪ್ ನೀಡಲಾಯ್ತು. ಆದ್ರೆ ದ್ರಾವಿಡ್, ಮೊದಲ ಫಾರಿನ್ ಅಸೈನ್ಮೆಂಟ್​​​ನಲ್ಲೇ ಫೇಲ್ ಆಗಿದ್ದಾರೆ. ಅಪಾರ ಅನುಭವ, ಎಕ್ಸಲೆಂಟ್ ಮ್ಯಾನ್ ಮ್ಯಾನೇಜ್ಮೆಂಟ್​​ ಸ್ಕಿಲ್ಸ್​ ಹೊಂದಿರುವ ದ್ರಾವಿಡ್​​, ತಂಡದ ಸೋಲಿಗೆ ಕಾರಣರಾದ್ರಾ..? ದ್ರಾವಿಡ್ ಗೇಮ್​ಪ್ಲಾನ್ ವರ್ಕ್​ಔಟ್ ಆಗ್ಲಿಲ್ಲ. ಸ್ಟ್ರಾಟಜಿ ಕೂಡ ಕೈಹಿಡಿಯಲಿಲ್ಲ. ಬೆಸ್ಟ್ ಟೀಮ್ ಕೂಡ ಪಿಕ್ ಮಾಡಲಿಲ್ಲ.! ಒಬ್ಬ ಕೋಚ್, ಆಟಗಾರರಲ್ಲಿ ಆತ್ಮವಿಶ್ವಾಸ ಹೆಚ್ಚಿಸಬೇಕು. ಅವರಿಂದ ಪರ್ಫಾಮೆನ್ಸ್​ ಹೊರತೆಗೆಯಬೇಕು..! ಆದ್ರೆ ಏಕದಿನ ಸರಣಿಯಲ್ಲಿ ಟೀಮ್ ಇಂಡಿಯಾ ಆಟಗಾರರ ಬಾಡಿ ಲ್ಯಾಂಗ್ವೇಜ್, ಫುಲ್ ಡಲ್​ ಆಗಿತ್ತು. ಆಟಗಾರರಲ್ಲಿ ಕಾನ್ಫಿಡೆನ್ಸ್ ಕೂಡ ಮಾಯವಾಗಿತ್ತು.

ತಂಡದ ಆಟಗಾರರೂ ಸೋಲಿನ ಹೊಣೆ ಹೊರಬೇಕಾ..?

ಕ್ಯಾಪ್ಟನ್, ಕೋಚ್ ಅಷ್ಟೇ ಅಲ್ಲ. ತಂಡದ ಆಟಗಾರರೂ ಸೋಲಿನ ಹೊಣೆ ಹೊರೆ ಹೊರಬೇಕು..! ಯಾಕಂದ್ರೆ ಮೊದಲೆರೆಡು ಏಕದಿನ ಪಂದ್ಯಗಳಲ್ಲಿ ಮೂರು-ನಾಲ್ಕು ಮಂದಿ ಆಟಗಾರರು ಬಿಟ್ರೆ, ಉಳಿದ್ಯಾರು ಜವಾಬ್ದಾರಿಯುತ ಆಟ ಪ್ರದರ್ಶಿಸಲಿಲ್ಲ. ಕಳಪೆ ಬ್ಯಾಟಿಂಗ್, ಕಳಪೆ ಬೌಲಿಂಗ್, ಕೆಟ್ಟ ಫೀಲ್ಡಿಂಗ್​​, ಫೈಟಿಂಗ್ ಸ್ಪಿರಿಟ್.. ಇವೆಲ್ಲವೂ ತಂಡದ ಹಿನ್ನಡೆಗೆ ಕಾರಣವಾಯ್ತು.

ಒಟ್ಟಿನಲ್ಲಿ ಬಿಸಿಸಿಐ ಏಕದಿನ ಸರಣಿ ಸೋಲಿಗೆ ಕಾರಣ ಯಾರು ಅನ್ನೋದನ್ನ ನಿರ್ಧರಿಸಬೇಕಿದೆ. ಹಾಗೇ ಸೋಲಿಗೆ ಕಾರಣಗಳನ್ನ ಹುಡುಕಿ, ಅದಕ್ಕೆ ಪರಿಹಾರ ಕಂಡುಕೊಳ್ಳಬೇಕಿದೆ.

News First Live Kannada


Leave a Reply

Your email address will not be published. Required fields are marked *