ಬೆಂಗಳೂರು: ಕೊರೋನಾ ಹಿನ್ನಲೆ ಐಟಿ-ಬಿಟಿ ಕಂಪನಿಗಳಲ್ಲಿ ಶೇ.50 ರಷ್ಟು ಸಿಬ್ಬಂದಿ ಮಾತ್ರ ಕೆಲಸ ನಿರ್ವಹಿಸಲು ಅವಕಾಶ ಎಂದಿದ್ದ ಬಿಬಿಎಂಪಿ ತನ್ನ ಆದೇಶ ಹಿಂಪಡೆದಿದೆ. ಅಲ್ಲದೇ ಇನ್ಮುಂದೆ ಶೇ.100 ರಷ್ಟು ಸಿಬ್ಬಂದಿ ಸಾಮರ್ಥ್ಯದೊಂದಿಗೆ ಕಾರ್ಯ ನಿರ್ವಹಿಸಬಹುದು ಎಂದಿದೆ.

ಕೊರೊನಾ ಕೇಸ್​ಗಳ ಇಳಿಮುಖ ಹಿನ್ನೆಲೆ ಈ ಕ್ರಮ ಕೈಗೊಳ್ಳಲಾಗಿದ್ದು ಬೆಂಗಳೂರು ವ್ಯಾಪ್ತಿಯಲ್ಲಿನ ಐಟಿ-ಬಿಟಿ, ಎಂಎನ್​ಸಿಗಳಿಗೆ ಬಿಬಿಎಂಪಿ ಪೂರ್ಣ ಸ್ವಾತಂತ್ರ್ಯ ನೀಡಿದೆ. ಕೋವಿಡ್​ ಎರಡನೇ ಅಲೆ ಸಂದರ್ಭದಲ್ಲಿ ವರ್ಕ್​​ಫ್ರಮ್​ ಹೋಂ ಮುಂದುವರೆಸಿ ಎಂದು ಪಾಲಿಕೆ ಆದೇಶಿಸಿತ್ತು. ಇಂದಿಗೂ ಬಹಳಷ್ಟು ಕಂಪನಿಗಳು ವರ್ಕ್​​ಫ್ರಮ್​​ ಹೋಂ ಮುಂದುವರೆಸಿವೆ. ಇನ್ನು ಯಾರಿಗೂ ವರ್ಕ್ ​ಫ್ರಂ ಹೋಮ್​ ಕಡ್ಡಾಯವಲ್ಲ ಎಂದ ಪಾಲಿಕೆ, ಅದರ ಸಂಪೂರ್ಣ ಜವಾಬ್ದಾರಿ ಆಯಾ ಕಂಪನಿಗಳಿಗೆ ಬಿಟ್ಟಿದ್ದು ಎಂದಿದೆ.

ತಾಂತ್ರಿಕ ಸಲಹಾ ಸಮಿತಿ ಸಲಹೆ ಮೇರೆಗೆ ಈ ಅನುಮತಿ ನೀಡಿದ್ದು ಕೋವಿಡ್​ ಮಾರ್ಗಸೂಚಿಗಳನ್ನ ಕೈಗೊಂಡು ಕಾರ್ಯ ನಿರ್ವಹಿಸಲು ಸೂಚಿಸಿದೆ. ಸದ್ಯ ಶಾಲಾ ಕಾಲೇಜುಗಳನ್ನ ಪೂರ್ಣ ಪ್ರಮಾಣದಲ್ಲಿ ಓಪನ್​ ಮಾಡಲು ಸರ್ಕಾರ ಆದೇಶಿಸಿದ ಬೆನ್ನಲ್ಲೇ ಈ ನಿರ್ಧಾರಕ್ಕೆ ಬರಲಾಗಿದೆ.