ಮುಂಬೈ: ಬಾಲಿವುಡ್​ ಸ್ಟಾರ್​​ ವಿಕ್ಕಿ ಕೌಶಲ್​​​, ಕತ್ರಿನಾ ಕೈಫ್​​ ಮದುವೆ ಸಮಾರಂಭಕ್ಕೆ ಭರ್ಜರಿ ತಯಾರಿ ನಡೆದಿದೆ. ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿರೋ ಸಿಕ್ಸ್ ಸೆನ್ಸ್ ಫೋರ್ಟ್ ಬರ್ವಾರಾದಲ್ಲಿ ಮದುವೆ ನಡೆಯಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

ಸ್ಟಾರ್​ಗಳ ಮದುವೆ ಸಮಾರಂಭವನ್ನು ಡೆಕೊ ಇವೇಂಟ್ಸ್​ ಸಂಸ್ಥೆ ನಿರ್ವಹಿಸುತ್ತಿದ್ದು, ಇಬ್ಬರಿಗೂ ಐಶಾರಾಮಿ ಸೂಟ್​​​ಗಳನ್ನು ಬುಕ್​ ಮಾಡಲಾಗಿದೆ. ಐದು ದಿನಗಳ ಕಾಲ ವಿಕ್ಕಿ, ಕತ್ರಿನಾ ಜೋಡಿ ಹೋಟೆಲ್​​​ನಲ್ಲಿ ಕಾಲ ಕಳೆಯಲಿದೆ.

ಹೋಟೆಲ್​​​ನಲ್ಲಿರೋ ರಾಜಾಮಾನ್​​ ಸಿಂಗ್​​ ಸೂಟ್​​ಅನ್ನು ನವ ದಂಪತಿಗಾಗಿ ಬುಕ್​​ ಮಾಡಲಾಗಿದ್ದು, ಈ ಸೂಟ್​ ಬೆಲೆ ಒಂದು ರಾತ್ರಿಗೆ 7 ಲಕ್ಷ ರೂಪಾಯಿ ಆಗಲಿದೆ. ಸಿಕ್ಸ್ ಸೆನ್ಸ್ ಫೋರ್ಟ್ ಹೋಟೆಲ್​​ನಲ್ಲಿ ಒಟ್ಟು 15 ಸೂಟ್​​​​ಗಳಿದ್ದು, ಈ ರೂಮ್​​​ಗಳ ಬೆಲೆ ಒಂದು ದಿನಕ್ಕೆ 4 ಲಕ್ಷ ರೂಪಾಯಿಯಿಂದ ಆರಂಭವಾಗಲಿದೆ.

ಸದ್ಯ ವಿಕ್ಕಿ ಕೌಶಲ್​​​ ಹಾಗೂ ಕತ್ರಿನಾ ಕೈಫ್​​ ಬುಕ್​ ಮಾಡಿಕೊಂಡಿರೋ ಸೂಟ್​​ನಲ್ಲಿ ಖಾಸಗಿ ಗಾರ್ಡನ್​, ಸ್ವಿಮ್ಮಿಂಗ್​ ಪೂಲ್ ಕೂಡ ಇದ್ದು, ಈ ಸೂಟ್​​ನಿಂದ ರಾಜಸ್ಥಾನದ ಅರಾವಳಿ ಪರ್ವತ ಶ್ರೇಣಿಗಳನ್ನು ವೀಕ್ಷಣೆ ಮಾಡಬಹುದಾಗಿದೆ. ಈ ರೂಮ್​​ಗಳನ್ನು ಮದುವೆಗಾಗಿ ಬುಕ್​ ಮಾಡಿದ ಬಳಿಕ ಯಾರನ್ನು ಹೋಟೆಲ್​ ಒಳಗೆ ಪ್ರವೇಶ ಮಾಡದಂತೆ ಭದ್ರತೆ ನೀಡಿ, ಸಿದ್ಧತೆಗಳನ್ನು ಮಾಡಲಾಗುತ್ತಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

ಡಿಸೆಂಬರ್​ 06ರಂದು ವಿಕ್ಕಿ, ಕತ್ರಿನಾ ಜೋಡಿ ಹೋಟೆಲ್​​ಗೆ ಆಗಮಿಸಲಿದ್ದು, ಡಿಸೆಂಬರ್​ 09 ರಂದು ವಿವಾಹ ಕಾರ್ಯಕ್ರಮ ಜರುಗಲಿದೆ. ಉಳಿದಂತೆ ಡಿ.07ಕ್ಕೆ ಸಂಗೀತ ಕಾರ್ಯಕ್ರಮ, ಡಿ.08ಕ್ಕೆ ಮೆಹಂದಿ ಕಾರ್ಯಕ್ರಮ, ಡಿ.10 ರಿಸೆಪ್ಷನ್ ನಡೆಯಲಿದೆ. ಕಾರ್ಯಕ್ರಮಕ್ಕೆ ಭದ್ರತೆಗಾಗಿ 100 ಬೌನ್ಸರ್ಸ್ ಹಾಗೂ ರಾಜಸ್ಥಾನ ಪೊಲೀಸರನ್ನು ನಿಯೋಜನೆ ಮಾಡಲಾಗುತ್ತದೆ ಎನ್ನಲಾಗಿದೆ.