ವಿಚ್ಛೇದನ ಬೆನ್ನಲ್ಲೇ ಹಾಲಿವುಡ್​​​​ಗೆ ಹಾರಿದ ಸಮಂತಾ- ಶಾಕಿಂಗ್​ ಬೋಲ್ಡ್​​ ಅವತಾರ..!


ಟಾಲಿವುಡ್​​ ನಟ ಅಕ್ಕಿನೇನಿ ನಾಗ ಚೈನತ್ಯರೊಂದಿಗೆ ವಿಚ್ಛೇದನ ಪಡೆದುಕೊಂಡ ಬಳಿಕ ನಟಿ ಸಮಂತಾ ಸಂಪೂರ್ಣವಾಗಿ ತಮ್ಮ ದೃಷ್ಟಿಯನ್ನು ಸಿನಿಮಾ ಕಡೆ ಹರಿಸಿದ್ದಾರೆ. ಈಗಾಗಲೇ ಎರಡು ಸಿನಿಮಾಗಳಿಗೆ ಓಕೆ ಎಂದಿರೋ ಸಮಂತಾ, ಟಾಲಿವುಡ್​ ಐಕಾನ್​ ಸ್ಟಾರ್ ಅಲ್ಲು ಅರ್ಜುನ್​​​ರ ಪುಷ್ಪ ಸಿನಿಮಾದ ಹಾಡಿನಲ್ಲಿ ಸೊಂಟ ಬಳುಕಿಸಲಿದ್ದಾರೆ ಎಂಬ ಸುದ್ದಿಯೂ ಹೊರಬಿದ್ದಿದೆ. ಈ ನಡುವೆ ಹಾಲಿವುಡ್​​ ಸಿನಿಮಾಗೆ ಓಕೆ ಹೇಳಿರುವುದಾಗಿ ಸಮಂತಾ ಅಧಿಕೃತವಾಗಿ ಘೋಷಣೆ ಮಾಡಿದ್ದಾರೆ.

ಹಾಲಿವುಡ್​ ಸಿನಿಮಾ ನಿರ್ದೇಶಕ ಫಿಲಿಪ್​ ಜಾನ್​​​​ ನಿರ್ದೇಶನದಲ್ಲಿ ಮೂಡಿ ಬರುತ್ತಿರೋ ‘ದಿ ಅರೇಂಜ್​​​ ಮೆಂಟ್ಸ್ ಆಫ್​ ಲವ್​​’ ಸಿನಿಮಾದಲ್ಲಿ ನಟಿ ಸಮಂತಾ ನಟಿಸುತ್ತಿದ್ದಾರೆ. ಭಾರತ ಖ್ಯಾತ ಬರಹಗಾರ ಎನ್​​​.ಮುರಾರಿ ಅವರು ಇದೇ ಹೆಸರಿನಲ್ಲಿ ಬರೆದಿರುವ ಪುಸ್ತಕಕ್ಕೆ ಸಿನಿಮಾ ರೂಪ ನೀಡಲು ನಿರ್ದೇಶಕರು ಮುಂದಾಗಿದ್ದಾರೆ.

ಈ ಸಿನಿಮಾದಲ್ಲಿ ಸಮಂತಾ, ಬೈಸೆಕ್ಸುವಲ್​ ತಮಿಳು ಯುವತಿಯ ಪಾತ್ರದಲ್ಲಿ ನಟಿಸಲಿದ್ದಾರೆ. ಅಂದರೇ ಕೇವಲ ಪುರುಷರಿಗೆ ಮಾತ್ರವಲ್ಲದೇ ಸ್ತ್ರೀಯರ ಆಕರ್ಷಣೆಗೂ ಒಳಗಾಗುವ ಯುವತಿ ಪಾತ್ರ ಇದಾಗಿದೆ.

ಈಗಾಗಲೇ ಫ್ಯಾಮಿಲಿ ಮ್ಯಾನ್​-2ನಲ್ಲಿ ಸಮಂತಾ ನಟಿಸಿದ್ದ ರೆಬೆಲ್​ ತಮಿಳು ಯುವತಿಯ ಪಾತ್ರ ಸಾಕಷ್ಟು ವಿವಾದಕ್ಕೆ ಕಾರಣವಾಗಿತ್ತು. ಸದ್ಯ ಅದಕ್ಕೂ ಮೀರಿದ ವಿವಾದಿತ ಪಾತ್ರದಲ್ಲಿ ನಟಿಸಲು ಸಮಂತಾ ಮುಂದಾಗಿದ್ದಾರೆ. ಅದರಲ್ಲೂ ಈ ಸಿನಿಮಾ ಹಾಲಿವುಡ್​​​ನಲ್ಲಿ ನಿರ್ಮಾಣವಾಗುತ್ತಿದ್ದು, ತಮಿಳು, ಹಿಂದಿ ಸೇರಿದಂತೆ ಫ್ರೆಂಚ್​​ ಭಾಷೆಯಲ್ಲೂ ತೆರೆಗೆ ಬರಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

ಡ್ರಿಮ್​ ವಾರಿಯರ್​ ಬ್ಯಾನರ್​​​​ನಲ್ಲಿ ಎರಡು ಭಾಷೆಗಳಲ್ಲಿ ಮೂಡಿ ಬರುತ್ತಿರುವ ಸಿನಿಮಾದಲ್ಲಿ ನಟಿಸಲು ಸಮಂತಾ ಒಪ್ಪಿಗೆ ಸೂಚಿಸಿದ್ದು, ಇದೇ ವೇಳೆ ಶ್ರೀದೇವಿ ಬ್ಯಾನರ್​ ನಲ್ಲಿ ಶಿವಲೆಂಕ ಕೃಷ್ಣ ಪ್ರಸಾದ್​​ ನಿರ್ಮಾಣ ಮಾಡುತ್ತಿರುವ ಮತ್ತೊಂದು ಸಿನಿಮಾಗೆ ಓಕೆ ಅಂದಿದ್ದಾರೆ. ಪುಷ್ಪ ಸಿನಿಮಾದ ಸ್ಪೆಷಲ್​ ಸಾಂಗ್​ ಶೂಟಿಂಗ್​ ನಾಳೆಯಿಂದ ಪ್ರಾರಂಭ ಮಾಡಲಿದ್ದಾರೆ.

News First Live Kannada


Leave a Reply

Your email address will not be published. Required fields are marked *