ನವದೆಹಲಿ: ವಿದೇಶಗಳಲ್ಲಿದ್ದ ಭಾರತೀಯರ ಪೈಕಿ 4 ಸಾವಿರದ 48 ಮಂದಿ ಕೊರೊನಾ ಮಹಾಮಾರಿಗೆ ಮೃತಪಟ್ಟಿದ್ದಾರೆ ಎಂಬ ಆಘಾತಕಾರಿ ಮಾಹಿತಿಯನ್ನ ಕೇಂದ್ರ ಸರ್ಕಾರ ಸಂಸತ್ತಿಗೆ ನೀಡಿದೆ.

ಸೌದಿ ಅರೇಬಿಯಾದಲ್ಲಿ ಅತಿಹೆಚ್ಚು, ಅಂದ್ರೆ ಸಾವಿರದ 154 ಭಾರತೀಯರು ಕೊರೊನಾದಿಂದ ಪ್ರಾಣತೆತ್ತಿದ್ದಾರೆ. ಇನ್ನು ಯುಎಇಯಲ್ಲಿ 894 ಭಾರತೀಯರು, ಕುವೈತ್​ನಲ್ಲಿ 668 ಹಾಗೂ ಒಮಾನ್ ದೇಶದಲ್ಲಿ 551 ಭಾರತೀಯರು ಕೊರೊನಾದಿಂದ ಮೃತಪಟ್ಟಿದ್ದಾರೆ ಅಂತಾ ಮಾಹಿತಿ ನೀಡಲಾಗಿದೆ.

ಇನ್ನು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಲೋಕಸಭೆಗೆ ಒದಗಿಸಿದ ಅಧಿಕೃತ ಮಾಹಿತಿ ಪ್ರಕಾರ, 75 ದೇಶಗಳಲ್ಲಿ ಭಾರತೀಯರು ಮೃತಪಟ್ಟಿದ್ದಾರೆ.