ಟಿ20 ವಿಶ್ವಕಪ್​​ ಗೆಲುವಿನ ಕುರಿತು ಆಸ್ಟ್ರೇಲಿಯಾ ನಾಯಕ ಆ್ಯರೋನ್​​ ಫಿಂಚ್​ ಮಾತನಾಡಿದರು. ಈ ವೇಳೆ ತಮ್ಮ ಗೆಲುವಿನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪ್ರಭಾವ ಭಾರೀ ಬೀರಿತ್ತು ಎಂದರು.

ಚೆನ್ನೈ ಸೂಪರ್ ಕಿಂಗ್ಸ್​​​ನಲ್ಲಿ ಜೋಶ್ ಹೇಜಲ್‌ವುಡ್ ಆಡಿದ ಅನುಭವ ಬೌಲಿಂಗ್ ವಿಭಾಗಕ್ಕೆ ದೊಡ್ಡ ಮಟ್ಟದಲ್ಲಿ ಸಹಾಯ ಮಾಡಿತು. ಎಷ್ಟು ಅಂತರದಲ್ಲಿ ಚೆಂಡನ್ನು ಎಸೆಯಬೇಕು. ಅಂತಿಮ ಓವರ್‌ಗಳಲ್ಲಿ ಯಾವ ರೀತಿ ಬೌಲ್​​ ಮಾಡಬೇಕು ಎಂದು ಜೋಶ್ ಹೇಜಲ್‌ವುಡ್ ಸಿಎಸ್​​ಕೆಯಿಂದಲೇ ಕಲಿತಿದ್ದು ಎಂದು ಹೇಳಿದರು.

ವಿಶ್ವಕಪ್​​​​​ನ 7 ಪಂದ್ಯಗಳಲ್ಲಿ ಹೇಜಲ್‌ವುಡ್, 7.29 ಎಕಾನಮಿಯಲ್ಲಿ 11 ವಿಕೆಟ್ ಪಡೆದು ಮಿಂಚಿದ್ರು. ಅದರಲ್ಲೂ ಫೈನಲ್ ಪಂದ್ಯದಲ್ಲಿ 4 ಓವರ್ ಬೌಲಿಂಗ್ ಮಾಡಿದ ಜೋಶ್ ಹೇಜಲ್‌ವುಡ್ ಕೇವಲ 16 ರನ್ ನೀಡಿ ಪ್ರಮುಖ 3 ವಿಕೆಟ್ ಪಡೆದಿದ್ದರು.