ವಿಶ್ವದ ಮೊದಲ ಒಟಿಟಿ ನ್ಯೂಸ್​ ಪ್ಲಾಟ್​ಫಾರ್ಮ್​ ಆದ ನ್ಯೂಸ್ 9 ಪ್ಲಸ್ ಶೀಘ್ರದಲ್ಲೇ ಟಿವಿ9 ನೆಟ್‌ವರ್ಕ್​ನಿಂದ ಪ್ರಾರಂಭ! | TV9 Network To Soon Launch News9 Plus Which Is Possibly World’s First OTT News Service Platform


ವಿಶ್ವದ ಮೊದಲ ಒಟಿಟಿ ನ್ಯೂಸ್​ ಪ್ಲಾಟ್​ಫಾರ್ಮ್​ ಆದ ನ್ಯೂಸ್ 9 ಪ್ಲಸ್ ಶೀಘ್ರದಲ್ಲೇ ಟಿವಿ9 ನೆಟ್‌ವರ್ಕ್​ನಿಂದ ಪ್ರಾರಂಭ!

ಟಿವಿ9 ನೆಟ್​ವರ್ಕ್​ನ ಸಿಇಒ ಬರುನ್​ ದಾಸ್ (ಸಂಗ್ರಹ ಚಿತ್ರ)

2020ರಲ್ಲಿ ಡಿಜಿಟಲ್​ ನ್ಯೂಸ್​ ಡೊಮೇನ್​ಗೆ ಚೇತೋಹಾರಿಯಾದಂಥ ಪ್ರವೇಶ ಮಾಡಿದ ಭಾರತದ ಅತಿ ದೊಡ್ಡ ಟಿವಿ ನ್ಯೂಸ್​ ನೆಟ್​ವರ್ಕ್​ ಟಿವಿ9, ಭವಿಷ್ಯದ ಮತ್ತೊಂದು ದೊಡ್ಡ ಹೆಜ್ಜೆ ಇರಿಸುತ್ತಿದೆ. ತನ್ನ ಮಾಧ್ಯಮದ ರೆಕ್ಕೆಗಳನ್ನು ಹಿಗ್ಗಿಸಿದ, ಬಹು ಭಾಷೆಯ ರಾಷ್ಟ್ರೀಯ ಮಾಧ್ಯಮ ದೈತ್ಯ ಕಂಪೆನಿ ಇದೀಗ News9 Plus (ನ್ಯೂಸ್9 ಪ್ಲಸ್) ಆರಂಭಿಸುತ್ತಿದೆ. ಇದು ಇಂಗ್ಲಿಷ್ ವಿಡಿಯೋ ಮ್ಯಾಗಝೈನ್​ ಒಟಿಟಿ (Over The Top) ಫಾರ್ಮಾಟ್​ ಆಗಿದ್ದು, ವಿಶ್ವದಲ್ಲೇ ಈ ಥರದ ಮತ್ತೊಂದಿಲ್ಲ. ನ್ಯೂಸ್​9ನ ಡಿಜಿಟಲ್ ಸಾಲಿನ ಮುಂದುವರಿದ ಭಾಗವಾಗಿ ಈ ನ್ಯೂಸ್​9 ಪ್ಲಸ್ ನಿಲ್ಲುತ್ತದೆ. ಅಂದಹಾಗೆ ನ್ಯೂಸ್​9 ಈ ಹಿಂದೆ ಬೆಂಗಳೂರಿನ ಹೊರಭಾಗದಲ್ಲಿ ನೆಟ್​ವರ್ಕ್​ನ ಜನಪ್ರಿಯ ಇಂಗ್ಲಿಷ್ ನ್ಯೂಸ್ ಚಾನೆಲ್ ಆಗಿತ್ತು. ನ್ಯೂಸ್​9 ಪ್ಲಸ್​ನ ಬೇಟಾ ವರ್ಷನ್​ ಈ ತಿಂಗಳು ಆರಂಭವಾಗಲಿದೆ. ಮತ್ತು ಪೂರ್ಣ ಪ್ರಮಾಣದಲ್ಲಿ ಮಾರ್ಚ್ ಕೊನೆ ಹೊತ್ತಿಗೆ ಕಾರ್ಯಾಚರಣೆ ಆರಂಭಿಸಲಿದೆ. ಇದು ವಿಶ್ವದ ಮೊದಲ ಶುದ್ಧಾನುಶುದ್ಧ ಸಬ್​ಸ್ಕ್ರಿಪ್ಷನ್​ನಿಂದ ನಡೆಯುವ, ಬೇಡಿಕೆ ಮೇಲಿನ ಸುದ್ದಿ ಪ್ರಾಡಕ್ಟ್ ಆಗಿದೆ. ಒಟಿಟಿ ಪ್ಲಾಟ್​ಫಾರ್ಮ್​​ಗಳಲ್ಲಿ ಕಥೆ ಹೇಳುವುದಕ್ಕೆ ಬಳಸುವ ತಂತ್ರಗಾರಿಕೆ, ಪ್ರೊಡಕ್ಷನ್ ಗುಣಮಟ್ಟದೊಂದಿಗೆ ಆಕರ್ಷಣೀಯವಾಗಿ ಇದು ಸುದ್ದಿ, ಚರ್ಚೆ, ವ್ಯಾಖ್ಯಾನವನ್ನು ಮತ್ತು ಸುದ್ದಿ ನಿಯತಕಾಲಿಕಗಳ ರೀತಿ ಆಳವಾದ ವಿವರಣೆಯನ್ನು ತೋರಿಸುತ್ತದೆ.

ಇಂಥದ್ದೊಂದು ಹೊಸ ದಿಟ್ಟ ಉಪಕ್ರಮದ ಹಿಂದಿನ ಆಲೋಚನೆಯನ್ನು ಟಿವಿ9 ನೆಟ್​ವರ್ಕ್​ ಸಿಇಒ ಬರುನ್ ದಾಸ್ ಅವರು ವಿವರಿಸುವುದು ಹೀಗೆ: “ಐತಿಹಾಸಿಕವಾಗಿ ಭಾರತೀಯ ಸುದ್ದಿ ಪ್ರಕಾರವು ತಾನೇ ಮಾಡಿಕೊಂಡ ದೊಡ್ಡ ನ್ಯೂನತೆಯೊಂದಿಗೆ ದುರ್ಬಲಗೊಳಿಸಿಕೊಂಡಿದೆ. ಇದು ಎಂದಿಗೂ ಭಾರತದ ಪ್ರಮುಖ ಶಕ್ತಿಯನ್ನು – ಅದರ ದೊಡ್ಡ ಗ್ರಾಹಕರ ನೆಲೆಯನ್ನು ಒಂದು ಕಡೆಗೆ ತಂದಿಲ್ಲ. ಪತ್ರಿಕೆಗಳು ಯಾವಾಗಲೂ ಓದುಗರಿಗೆ ಸಬ್ಸಿಡಿ ನೀಡುತ್ತವೆ ಮತ್ತು ಟಿವಿ ಸುದ್ದಿ ಚಾನೆಲ್‌ಗಳು ಹೆಚ್ಚಾಗಿ ಪ್ರಸಾರ ಮಾಡುವುದು ಉಚಿತವಾಗಿದೆ. ಆದ್ದರಿಂದ ನಾವು ಜಾಹೀರಾತು ಆದಾಯದ ಮೇಲೆ ಭಾರೀ ಒತ್ತಡದಿಂದ ಬದುಕಿದ್ದೇವೆ. ಮತ್ತೊಂದೆಡೆ, ಗ್ರಾಹಕರು ಡಿಜಿಟಲ್ ಸುದ್ದಿಗಾಗಿ ಪಾವತಿಸಲು ಪ್ರಾರಂಭಿಸಿದ್ದಾರೆ. ಆದರೂ ಡಿಜಿಟಲ್ ಸುದ್ದಿಗಾಗಿ ಪಾವತಿಸುವ ಈ ಪ್ರವೃತ್ತಿಯು ಡಿಜಿಟಲ್ ಸುದ್ದಿ ವೇದಿಕೆಗಳು ಗ್ರಾಹಕರಿಗೆ ‘ಅವರು ಏನನ್ನು ಬಯಸುತ್ತಾರೆ, ಅವರು ಯಾವಾಗ ಬಯಸುತ್ತಾರೆ’ ಎಂಬುದರ ಮೇಲೆ ಎಷ್ಟು ಪರಿಣಾಮಕಾರಿಯಾಗಿ ಸೇವೆ ಸಲ್ಲಿಸಬಹುದು ಎಂದು ಅವಲಂಬಿತವಾಗಿರುತ್ತದೆ.”

“ಇಂಗ್ಲಿಷ್ ಸುದ್ದಿ ಟೆಲಿವಿಷನ್ ಕ್ಷೇತ್ರದಲ್ಲಿ ಕಳೆದ ಕೆಲವು ವರ್ಷಗಳಿಂದ ವೀಕ್ಷಕರ ಸಂಖ್ಯೆ ಮತ್ತು ಆದಾಯದಲ್ಲಿ ನಾಟಕೀಯವಾಗಿ ಕುಗ್ಗಿದೆ. ಆದ್ದರಿಂದ ಈ ಇಂಗ್ಲಿಷ್ ಮಾತನಾಡುವ ಪ್ರೇಕ್ಷಕರು – ಆಗಾಗ ಆರಂಭಿಕವಾಗಿ ಹೊಂದಾಣಿಕೆ ಆಗುವವರು – ಅಂದರೆ ಒಟಿಟಿ ಸುದ್ದಿ ಸೇವೆಗಾಗಿ ಕಾಯುತ್ತಿದ್ದಾರೆ ಎಂಬುದು ನಮಗೆ ಸ್ಪಷ್ಟವಾಗಿ ತೋರುತ್ತಿದೆ. ಲೀನಿಯರ್ ಸುದ್ದಿ ಟೆಲಿವಿಷನ್ ಸದ್ಯದಲ್ಲಿಯೇ ಒಟಿಟಿ ಸುದ್ದಿ ಸೇವೆಗೆ ದಾರಿ ಮಾಡಿಕೊಡುತ್ತದೆ ಎಂದು ನನ್ನ ಮನಸ್ಸಿಗೆ ತೋರುತ್ತದೆ. ಹಿಂದಿ ಮತ್ತು ಪ್ರಾದೇಶಿಕ ಭಾಷೆಯ ಮಾರುಕಟ್ಟೆಗಳು ಸದ್ಯಕ್ಕೆ ಲೀನಿಯರ್ ಟಿವಿ ಮೋಡ್‌ನಲ್ಲಿ ಇನ್ನೂ ಸ್ವಲ್ಪ ಸಮಯದವರೆಗೆ ಮುಂದುವರಿಯಬಹುದು. ಆದರೆ ಇದು ಖಂಡಿತವಾಗಿಯೂ ಇಂಗ್ಲಿಷ್‌ನಲ್ಲಿ ಅತ್ಯಾಧುನಿಕ ಒಟಿಟಿ ಸುದ್ದಿ ಆಫರ್​ ಸಮಯವಾಗಿದೆ. ಇದು UI/UX ತಂತ್ರಜ್ಞಾನ ಜತೆ ಸೇರಿ, ಆಳವಾದ, ಬುದ್ಧಿಮತ್ತೆಯೊಂದಿಗೆ ಮತ್ತು ಎಂಗೇಜಿಂಗ್​ ಆದ ವಿಷಯದ ಜತೆ ನೀಡಬಹುದಾಗಿದೆ. ಅಂದಹಾಗೆ ನ್ಯೂಸ್​9 ಪ್ಲಸ್ ಆ ಎಲ್ಲದರ ನಿಖರವಾದ ಮಿಶ್ರಣವಾಗಲು ಶ್ರಮಿಸುತ್ತದೆ.”

“ಪ್ರತಿ ನ್ಯಾನೊ-ಸೆಕೆಂಡ್‌ನಲ್ಲೂ ಆಗಿಂದಾಗಲೇ ಸಂಭವಿಸುವ ಸುದ್ದಿಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಬ್ರೇಕ್​ ಮಾಡುವುದು (ಮೊದಲಿಗೆ ತಿಳಿಸುವುದು) ಇನ್ನು ಮುಂದೆ ಇರುವುದಿಲ್ಲ. ಈಗ ‘GenFlix’ ಅಥವಾ ಜನರೇಷನ್ ನೆಟ್‌ಫ್ಲಿಕ್ಸ್‌ಗೆ ಒಗ್ಗಿಕೊಂಡಿರುವ ಹೊಸ, ನಿಖರವಾದ ವಿಷಯ ಮಾನದಂಡಗಳಿಗೆ ಹೊಂದಿಕೊಳ್ಳಬೇಕು. ಡಿಜಿಟಲ್ ಯುಗದಲ್ಲಿ ನ್ಯೂಸ್ ನಿಯತಕಾಲಿಕೆಗಳ ಕ್ಷೀಣಿಸುತ್ತಿರುವ ಹೆಜ್ಜೆಗುರುತುಗಳಿಂದ ಸೃಷ್ಟಿಯಾದ ಶೂನ್ಯವನ್ನು ನ್ಯೂಸ್9 ಪ್ಲಸ್ ತುಂಬುತ್ತದೆ. ಮತ್ತು ಡಿಜಿಟಲ್ ಸ್ಥಳೀಯರು ಕಾಳಜಿ ವಹಿಸುವ ಏಕೈಕ ಮಾಧ್ಯಮದಲ್ಲಿ ಇದನ್ನು ಮಾಡುತ್ತದೆ: ಅದು ವಿಡಿಯೋ ಮೂಲಕ.”

ಆದರೆ, ಬರುನ್ ಅವರು ಸುದ್ದಿ ಮಾಧ್ಯಮದ ಉದ್ಯಮಕ್ಕೆ ಎಚ್ಚರಿಕೆಯ ಟಿಪ್ಪಣಿಯನ್ನೂ ಹೇಳಿದ್ದು: “ಭಾರತದಲ್ಲಿ ಮಾತ್ರವಲ್ಲದೆ ಪ್ರಪಂಚದಲ್ಲೇ ಮೊದಲ ಒಟಿಟಿ ಸುದ್ದಿ ಸೇವೆಯಾಗಲು ನಾವು ಹೆಮ್ಮೆ ಪಡುತ್ತೇವೆ. ಒಟಿಟಿ ಸುದ್ದಿ ಸೇವೆಯು ಇಡೀ ಭಾರತದಲ್ಲಿ ದೊರಕಿದಾಗ, ನಾನು ಪ್ರಾಮಾಣಿಕವಾಗಿ ಭಾವಿಸುತ್ತೇನೆ; ಚಂದಾದಾರಿಕೆ ಬೆಲೆಯ ಸಮರಗಳನ್ನು ಹೊಂದಿಸುವ ಮೂಲಕ ಮತ್ತು ವ್ಯವಹಾರವನ್ನು ಕಾರ್ಯಸಾಧ್ಯವಾಗದಂತೆ ಮಾಡುವ ಮೂಲಕ ತನ್ನದೇ ಆದ ಸಾವಿನ ಬಲೆಯನ್ನು ಸೃಷ್ಟಿಸುವಂಥ ಹಿಂದಿನ ಪ್ರಮಾದಗಳನ್ನು ಪುನರಾವರ್ತಿಸುವುದಿಲ್ಲ. ಈ ಹೊಸ ಮಾದರಿಯು SVOD (ಸಬ್‌ಸ್ಕ್ರಿಪ್ಷನ್-ವಿಡಿಯೋ ಆನ್ ಡಿಮ್ಯಾಂಡ್) ಮಾದರಿ ಮತ್ತು ಜಾಹೀರಾತು ಆದಾಯವಾಗಿದೆ ಎಂದು ನನಗೆ ಖಾತ್ರಿಯಿದೆ. ಯಾವುದಾದರೂ ಒಂದು ಸಣ್ಣ ಕೊಡುಗೆಯನ್ನು ಮಾತ್ರ ನೀಡುತ್ತದೆ.”

ಸುದ್ದಿ ವಾಹಿನಿಗಳು ವೀಕ್ಷಕರ ಮೇಲೆ ಹೇರಿದ ಸ್ಕ್ರೀನ್ ಗೊಂದಲವನ್ನು ನ್ಯೂಸ್9 ಪ್ಲಸ್ ಮುರಿಯುತ್ತದೆ. ಇದು 24 ಗಂಟೆಗಳ ಲೈವ್ ನ್ಯೂಸ್ ಕಾಮೆಂಟರಿಯಿಂದ ದೂರವಾಗುತ್ತದೆ. ಬದಲಿಗೆ, ಕಾಲಾತೀತವಾಗಿಯೂ ನಿಲ್ಲುವ ಮತ್ತು ವೈವಿಧ್ಯಮಯ ಪ್ರೇಕ್ಷಕರ ಆದ್ಯತೆಗಳನ್ನು ಪೂರೈಸುವ ಗಮನಾರ್ಹ ಸಂಖ್ಯೆಯ ವಿಶೇಷ ವಿಡಿಯೋಗಳು ಅದರ ಮಾರುಕಟ್ಟೆ ಸ್ಥಿತಿಯನ್ನು ವ್ಯಾಖ್ಯಾನಿಸುತ್ತವೆ.

ಮೊದ ಮೊದಲಿಗೆ, ನ್ಯೂಸ್9 ಪ್ಲಸ್ ವಿವಿಧ ‘ವಿಸ್ತೃತ ಆಯ್ಕೆಗಳನ್ನು’ ಆಯೋಜನೆ ಮಾಡುತ್ತದೆ, ಅದು ಅಪ್ಲಿಕೇಷನ್ ಅನ್ನು ವ್ಯಾಖ್ಯಾನಿಸುವ ವ್ಯಾಪಕ ಪ್ರೋಗ್ರಾಮಿಂಗ್‌ಗೆ ಸಂದರ್ಭವನ್ನು ಒದಗಿಸುವ ಉದ್ದೇಶಕ್ಕಾಗಿ ದಿನದ ಸುದ್ದಿಯನ್ನು ಪೂರೈಸುತ್ತದೆ. ಇದು ಸಂಪಾದಕೀಯವಾಗಿ ಶ್ರೀಮಂತ, ದೀರ್ಘಾವಧಿಯ ಶೆಲ್ಫ್-ಲೈಫ್ ವಿಷಯವನ್ನು ಪ್ರದರ್ಶಿಸುತ್ತದೆ. ಅಷ್ಟೇ ಅಲ್ಲದೆ ಆ ತಕ್ಷಣಕ್ಕೆ ಎಂಬ ಆಲೋಚನೆಗೆ ಮೀರಿದ ಪ್ರಸ್ತುತತೆ ಹೊಂದಿರುತ್ತದೆ.

ಟಿವಿ9 ನೆಟ್‌ವರ್ಕ್‌ನ ಗ್ರೂಪ್ ಎಡಿಟರ್ ಬಿ.ವಿ. ರಾವ್ ಅವರ ಪ್ರಕಾರ, ನ್ಯೂಸ್ 9 ಪ್ಲಸ್ ನೆಟ್‌ವರ್ಕ್ ಎಂಬುದು ಇನ್ನೂ ತೆರೆದುಕೊಳ್ಳದಿರುವ ಭವಿಷ್ಯದ ಅಗತ್ಯವನ್ನು ಈಗಲೇ ಪೂರೈಸುವುದು. ವಿವೇಚನಾಶೀಲ ಇಂಗ್ಲಿಷ್ ಸುದ್ದಿ ವೀಕ್ಷಕರು ಎಲ್ಲಿಗೆ ಹೋಗುತ್ತಿದ್ದಾರೆ ಮತ್ತು ಏಕೆ ಎಂದು ಟಿವಿ9 ನೆಟ್‌ವರ್ಕ್‌ನಲ್ಲಿ ನಮಗೆ ಸ್ಪಷ್ಟವಾಗಿದೆ. ‘GenFlix’ ಇಂಗ್ಲಿಷ್ ಸುದ್ದಿ ವೀಕ್ಷಕರು ಸುದ್ದಿಯಿಂದ ಓಡಿಹೋಗುತ್ತಿಲ್ಲ. ದೂರದರ್ಶನದ ಸುದ್ದಿ ಪ್ರತಿನಿಧಿಸುವ ಕಿವಿಗಡಚಿಕ್ಕುವ ಕೆಟ್ಟ ಧ್ವನಿಯಿಂದ ಅವರು ಓಡಿಹೋಗುತ್ತಿದ್ದಾರೆ. ಒಟಿಟಿಯಲ್ಲಿನ ಅತ್ಯುತ್ತಮದಲ್ಲೇ ಅತ್ಯುತ್ತಮವಾದ ಜಾಗತಿಕ ಕಂಟೆಂಟ್‌ಗೆ ಅವರು ತೆರೆದುಕೊಂಡಿದ್ದಾರೆ. ಟೆಲಿವಿಷನ್​ನಲ್ಲಿ ಆಳವಾಗಿ ಬೇರುಗಳನ್ನು ವ್ಯಾಪಿಸಿರುವ ‘ನೀನು ನನ್ನನ್ನು ಕಚ್ಚು, ನಾನು ನಿಮ್ಮನ್ನು ಕಚ್ಚುತ್ತೇನೆ’ ಎಂಬಂಥ ಪತ್ರಿಕೋದ್ಯಮಕ್ಕೆ ಈ ವಿವೇಚನಾಶೀಲ ಸುದ್ದಿ ವೀಕ್ಷಕರು ಸಂಬಂಧಿಸಿಲ್ಲ. ‘GenFlix’ ಅಂತಹ ವಿಷಯಕ್ಕಾಗಿ ಯಾವುದೇ ಹಸಿವನ್ನು ಸಹ ಹೊಂದಿಲ್ಲ. ಆದ್ದರಿಂದ ಭವಿಷ್ಯದ ಸುದ್ದಿ ವ್ಯವಹಾರದ ಕದನವನ್ನು ಒಟಿಟಿ ಪರಿಸರದಲ್ಲಿ ಹೋರಾಡಬೇಕಾಗುತ್ತದೆ. ನಮಗೆ ಆ ಭವಿಷ್ಯ ಈಗಲೇ ಮತ್ತು ನಾವು ಅದನ್ನು ನ್ಯೂಸ್ 9 ಪ್ಲಸ್ ಎಂದು ಕರೆಯುತ್ತೇವೆ.

ಒಟಿಟಿ ಪ್ಲಾಟ್‌ಫಾರ್ಮ್‌ಗಳು ನೀಡುವಂತೆಯೇ ನ್ಯೂಸ್ 9 ಪ್ಲಸ್‌ನಲ್ಲಿ ವಿಶಿಷ್ಟ ಸರಣಿಗಳು, ಸೀಸನ್‌ಗಳು ಮತ್ತು ಸಂಚಿಕೆಗಳನ್ನು ಚಂದಾದಾರರು ಕಾಣಬಹುದು. ಆದರೆ ಇಲ್ಲಿ ಭಿನ್ನವಾದ ಅಭಿಪ್ರಾಯವು ಸಂಪಾದಕೀಯ ಸೂಕ್ಷ್ಮ ವ್ಯತ್ಯಾಸ ಮತ್ತು ಪತ್ರಿಕೋದ್ಯಮ ಕಠೋರವಾಗಿಯೇ ಮುಂದಿಡಲಾಗುತ್ತದೆ. ಅದು ವಾಸ್ತವಿಕ ವಿಷಯವನ್ನು ಆಧರಿಸಿರುತ್ತದೆ, ವಿಶ್ವಾಸಾರ್ಹವಾಗಿ ನಿರೂಪಿಸಲಾಗಿರುತ್ತದೆ ಮತ್ತು ಆಕರ್ಷಕವಾಗಿ ನಿರ್ಮಿಸಲಾಗುತ್ತದೆ. ಒಟಿಟಿ ಯುಗದಲ್ಲಿ ಹೆಚ್ಚಿನ ಸುದ್ದಿಯೇತರ ಆಯ್ಕೆಗಳಿಗಾಗಿ ಎದುರು ನೋಡುವವರಿಗಾಗಿ ಅನುಭವವನ್ನು ಸೃಷ್ಟಿಸಲು ನ್ಯೂಸ್9 ಪ್ಲಸ್ ಬಯಸುತ್ತಿದೆ.

TV9 Kannada


Leave a Reply

Your email address will not be published.