ನವದೆಹಲಿ: ಲಸಿಕೆ ಹಾಕಿಸಿಕೊಳ್ಳದ 18 ಸಾರ್ವಜನಿಕ ಸ್ಥಳಗಳ ಪ್ರವೇಶಕ್ಕೆ ಸ್ಥಳೀಯರಿಗೆ ಮತ್ತು ಪ್ರವಾಸಿಗರಿಗೆ ನಿಷೇಧ ಹೇರಲಾಗುತ್ತಿದೆ. ಡಿಸೆಂಬರ್ 12 ರಿಂದ ಈ ನಿಯಮ ಜಾರಿಯಾಗಲಿದೆ ಎಂದು ತಮಿಳುನಾಡಿನ ಮಧುರೈ ಜಿಲ್ಲಾಧಿಕಾರಿ ಡಾ. ಎಸ್​ ಅನೀಶ್ ಶೇಖರ್ ಹೇಳಿದ್ದಾರೆ.

ಯಾರೆಲ್ಲ ಲಸಿಕೆ ಹಾಕಿಸಿಕೊಂಡಿಲ್ಲವೋ ಅಂತವರಿಗೆ ಸಾರ್ವಜನಿಕ ಸ್ಥಳಗಳ ಪ್ರವೇಶಕ್ಕೆ ನಿಷೇಧ ಹೇರಲಾಗುತ್ತಿದೆ. ಅದರಂತೆ ಮಾರುಕಟ್ಟೆಗಳು, ಹೋಟೆಲ್ಸ್​, ಶಾಪಿಂಗ್ ಮಾಲ್ಸ್​, ಥಿಯೇಟರ್ಸ್​, ಮ್ಯಾರೇಜ್ ಹಾಲ್ಸ್​, ಪಿಡಿಎಸ್​ ಶಾಪ್ಸ್, TASMAC ಸೇರಿದಂತೆ 18 ಸಾರ್ವಜನಿಕ ಸ್ಥಳಗಳಿಗೆ ನಿಷೇಧ ಹೇರಿದೆ.

ದೇಶದಲ್ಲಿ ಒಮಿಕ್ರಾನ್ ಕೊರೊನಾ ಪತ್ತೆಯಾದ ಬೆನ್ನಲ್ಲೇ, ಜಿಲ್ಲಾಧಿಕಾರಿಗಳು ಈ ನಿರ್ಧಾರವನ್ನ ತೆಗೆದುಕೊಂಡಿದ್ದಾರೆ. ಇನ್ನೂ ಯಾರೆಲ್ಲಾ ಒಂದೂ ಡೋಸ್ ಲಸಿಕೆ ಪಡೆದುಕೊಂಡಿಲ್ಲವೋ, ಅವರಿಗೆ ಒಂದು ವಾರ ಅವಕಾಶ ನೀಡಲಾಗುತ್ತದೆ. ವಾರದೊಳಗೆ ಲಸಿಕೆಯನ್ನ ತೆಗೆದುಕೊಳ್ಳಬೇಕು. ಜಿಲ್ಲೆಯಲ್ಲಿ ವ್ಯಾಕ್ಸಿನ್ ಪಡೆದುಕೊಂಡವರ ಸಂಖ್ಯೆ ತುಂಬಾ ಕಡಿಮೆ ಇದೆ. ಇದುವರೆಗೆ 71 ಪರ್ಸೆಂಟ್​​​ನಷ್ಟು ಮೊದಲ ಡೋಸ್ ವ್ಯಾಕ್ಸಿನೇಷನ್ ಆಗಿದೆ. ಸೆಕೆಂಡ್ ವ್ಯಾಕ್ಸಿನೇಷನ್​ನಲ್ಲಿ ಶೇಕಡಾ 32 ರಷ್ಟು ಆಗಿದೆ. ಇನ್ನೂ ಮೂರು ಲಕ್ಷ ಮಂದಿ ಲಸಿಕೆಯನ್ನ ಪಡೆಯಬೇಕಾಗಿದೆ ಎಂದು ಜಿಲ್ಲಾಧಿಕಾರಿಗಳು ತಿಳಿಸಿದ್ದಾರೆ.