ನಟ ರಾಘವೇಂದ್ರ ರಾಜಕುಮಾರ್​ ಆಗಾಗ ತಮ್ಮ ಸೋಶಿಯಲ್​ ಮೀಡಿಯಾದಲ್ಲಿ ಪುನೀತ್​ ರಾಜ್​ಕುಮಾರ್​ ಹಾಗೂ ತಮ್ಮ ಕುಟುಂಬದ ಪೋಟೋಗಳನ್ನು ಹಂಚಿಕೊಳ್ಳುತಿರುತ್ತಾರೆ. ಅದರಂತೇ ರಾಘಣ್ಣ ಈ ಬಾರಿ ಸುಮಾರು 14 ವರ್ಷಗಳ ಹಿಂದೆ ನಡೆದ ಶಿವಣ್ಣ ಅವರ ಮನೆ ಗೃಹಪ್ರವೇಶದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ಶಿವಣ್ಣ , ರಾಘಣ್ಣ ಅಥವಾ ಅಪ್ಪು ಅವರ ಮನೆಯಲ್ಲಿ ಯಾವುದೇ ಕಾರ್ಯಕ್ರಮ ನಡೆದರೂ ಇಡೀ ಕುಟುಂಬ ಒಟ್ಟಾಗಿ ಸೇರುತ್ತಿತ್ತು. 2007ರಲ್ಲಿ ಶಿವಣ್ಣ ಹೊಸ ಮನೆಯ ಗೃಹಪ್ರವೇಶ ಬಹಳ ಅದ್ಧೂರಿಯಾಗಿ ನೆರವೇರಿತ್ತು. ಈ ಸಮಾರಂಭಕ್ಕೆ ಇಡೀ ರಾಜ್​ ಕುಟುಂಬ ಸಾಕ್ಷಿಯಾಗಿತ್ತು. ಶಿವಣ್ಣ ಹಾಗೂ ಗೀತಕ್ಕ ದೇವರಿಗೆ ಪೂಜೆ ಸಲ್ಲಿಸುವಾಗ ರಾಘಣ್ಣ ಭಕ್ತಿಗೀತೆ ಹಾಡಿದ್ದರು.

ಇನ್ನು, ಅಪ್ಪು ಕೂಡ ಅವರ ಅಣ್ಣನ ಮನೆ ಗೃಹಪ್ರವೇಶ ಸಮಾರಂಭದಲ್ಲಿ ಸಂತೋಷದಿಂದ ಓಡಾಡಿಕೊಂಡಿದ್ದರು. ಕೊನೆಯಲ್ಲಿ ಪಾರ್ವತಮ್ಮ ಅವರು ತಮ್ಮ ಪುತ್ರಿಯರ ಜೊತೆ ಪೋಟೋಗೆ ಪೋಸ್​ ನೀಡುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ. ರಾಘಣ್ಣ ಈ ಅಪರೂಪದ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿದಕ್ಕಾಗಿ ಅಪ್ಪು ಅಭಿಮಾನಿಗಳು ಧನ್ಯವಾದ ತಿಳಿಸಿದ್ದಾರೆ.