T20 ವಿಶ್ವಕಪ್ ನಡುವೆಯೇ ಐಪಿಎಲ್ ಮೆಗಾ ಹರಾಜಿಗೆ ಬಿಸಿಸಿಐ, ರೆಡಿಯಾಗ್ತಿದೆ. ಫ್ರಾಂಚೈಸಿಗಳು ಕೂಡ ಯಾವೆಲ್ಲಾ ಆಟಗಾರರನ್ನ ತಮ್ಮ ಬುಟ್ಟಿಗೆ ಹಾಕಿಕೊಳ್ಳಬೇಕು ಅನ್ನೋ ಲೆಕ್ಕಾಚಾರ ನಡೆಸ್ತಿವೆ. ಅದರಲ್ಲೂ ಈ ಯಂಗ್ಸ್ಟರ್ಗಳ ಮೇಲಿನ ನಿರೀಕ್ಷೆಗಳು, ಈ ಬಾರಿ ಸ್ವಲ್ಪ ಜಾಸ್ತಿನೇ ಇದೆ.
ಐಪಿಎಲ್ ಸೀಸನ್-14 ಮುಕ್ತಾಯದ ಬೆನ್ನಲ್ಲೇ ಮುಂದಿನ ಐಪಿಎಲ್ಗಾಗಿ ಬಿಸಿಸಿಐ, ತೀವ್ರ ಸಿದ್ಧತೆ ಮಾಡಿಕೊಳ್ತಿದೆ. ನೂತನ ಫ್ರಾಂಚೈಸಿಗಳು ಕೂಡ ಸೇರ್ಪಡೆಗೊಂಡಿದ್ದು, ಆಟಗಾರರಿಗೆ ಡಿಮ್ಯಾಂಡ್ ಹೆಚ್ಚಾಗಿದೆ. ಈಗಾಗಲೇ ದೇಶಿ ಕ್ರಿಕೆಟ್ ಚಟುವಟಿಕೆಗಳು ಆರಂಭವಾಗಿವೆ. ಆಟಗಾರರು ಅದ್ಭುತ ಪರ್ಫಾಮೆನ್ಸ್ ನೀಡೋಕೆ ಮುಂದಾಗಿದ್ದಾರೆ. ಹೀಗಾಗಿ ಫ್ರಾಂಚೈಸಿಗಳಿಗೆ ಸೈಯದ್ ಮುಷ್ತಾಕ್ ಅಲಿ T20 ಟೂರ್ನಿ ಮೇಲೆ, ಕಣ್ಣು ಬಿದ್ದಿದೆ.
ಸಯ್ಯದ್ ಮುಷ್ತಾಕ್ ಅಲಿ T20 ಟೂರ್ನಿ ಮೇಲೆ ಫ್ರಾಂಚೈಸಿಗಳ ಕಣ್ಣು..!
ಸಯ್ಯದ್ ಮುಷ್ತಾಕ್ ಅಲಿ ಟೂರ್ನಿಯಲ್ಲಿ ಮುಂಬೈ ಪರ ಪೃಥ್ವಿ, ಮಹಾರಾಷ್ಟ್ರದ ಋತುರಾಜ್, ಕೇರಳದ ಪರ ಸ್ಯಾಮ್ಸನ್, ಮಧ್ಯಪ್ರದೇಶ ತಂಡದಲ್ಲಿ ವೆಂಕಟೇಶ್ ಅಯ್ಯರ್, ಹರ್ಯಾಣ ತಂಡದಲ್ಲಿ ಹರ್ಷಲ್ ಪಟೇಲ್ ಕಣಕ್ಕಿಳಿಯಲಿದ್ದಾರೆ. ಟೂರ್ನಿಯಲ್ಲಿ ಈ ಪಂಚ ಪಾಂಡವರು, IPLನಲ್ಲಿ ಅಬ್ಬರಿಸಿದಂತೆ ಅಬ್ಬರಿಸಿದ್ರೆ, ಐಪಿಎಲ್ ಮೆಗಾ ಹರಾಜಿನಲ್ಲಿ ಡಬಲ್ ಅಮೌಂಟ್ಗೆ ಸೇಲಾಗೋದು ಗ್ಯಾರಂಟಿ. ಹಾಗಾಗಿ ಈ ಯುವ ಆಟಗಾರರು, ಉತ್ತಮ ಪ್ರದರ್ಶನ ನೀಡುವ ಭರವಸೆಯಲ್ಲಿದ್ದಾರೆ.
ಯುವ ಆಟಗಾರರಿಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡ್..!
IPLನಲ್ಲಿ ಋತುರಾಜ್ ಅದ್ಭುತ ಪ್ರದರ್ಶನದೊಂದಿಗೆ ಹೆಚ್ಚು ರನ್ ಗಳಿಸಿ ಆರೆಂಜ್ ಕ್ಯಾಪ್ ಸ್ವಂತ ಮಾಡಿಕೊಂಡಿದ್ರು. ಹಾಗೇ ಹರ್ಷಲ್ ಪಟೇಲ್ ಅತಿ ಹೆಚ್ಚು ವಿಕೆಟ್ ಪಡೆದು ಪರ್ಪಲ್ ಕ್ಯಾಪ್ ತಮ್ಮದಾಗಿಸಿಕೊಂಡಿದ್ರು. ಹೀಗಾಗಿ ಈ ಇಬ್ಬರ ಮೇಲೆ ನಿರೀಕ್ಷೆ ಮತ್ತಷ್ಟು ಹೆಚ್ಚಾಗಿದೆ. ಸಂಜು ಸ್ಯಾಮ್ಸನ್, ರಾಜಸ್ಥಾನ್ ರಾಯಲ್ಸ್ ತಂಡದ ನಾಯಕತ್ವದ ವಹಿಸಿಕೊಂಡಿ ದಲ್ಲದೆ ಬ್ಯಾಟಿಂಗ್ನಲ್ಲೂ ಅದ್ಭುತ ಕೊಡುಗೆ ನೀಡಿದ್ರು. ಇದೀಗ ಕೇರಳ ತಂಡಕ್ಕೂ ಅವರೇ ನಾಯಕರಾಗಿರೋದು ಮತ್ತೊಂದು ವಿಶೇಷ.
ಕ್ವಾಲಿಫೈಯರ್ ಪ್ರವೇಶಿಸಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಪೃಥ್ವಿ ಶಾ ಓಪನಿಂಗ್ನಲ್ಲಿ ಅಬ್ಬರಿಸಿ ಗಮನ ಸೆಳೆದಿದ್ರು. ಅತ್ತ ಕೆಕೆಆರ್ ತಂಡದಲ್ಲಿ ವೆಂಕಟೇಶ್ ಅಯ್ಯರ್ ಆಡಿದ್ದು 9 ಪಂದ್ಯಗಳಾದ್ರೂ, ತಂಡವನ್ನ ಫೈನಲ್ವರೆಗೂ ಕೊಂಡೊಯ್ಯುವಲ್ಲಿ ಸಕ್ಸಸ್ ಕಂಡಿದ್ರು. ಈ ಐವರು ಆಟಗಾರರು ಸಯ್ಯದ್ ಮುಷ್ತಾಕ್ ಅಲಿ ಟೂರ್ನಿಯಲ್ಲಿ ಮತ್ತೆ ಅಬ್ಬರಿಸಿದ್ರೆ, ಮೆಗಾ ಹರಾಜಿನಲ್ಲಿ ಬೇಡಿಕೆ ಡಬಲ್ ಆಗೋದ್ರಲ್ಲಿ ಅನುಮಾನವೇ ಇಲ್ಲ.
14ನೇ ಆವೃತ್ತಿಯಲ್ಲಿ ಋತುರಾಜ್
- ಪಂದ್ಯ 16
- ರನ್ 635
- 50/100 04/01
- ಸರಾಸರಿ 45.35
14ನೇ ಆವೃತ್ತಿಯಲ್ಲಿ ವೆಂಕಟೇಶ್
- ಪಂದ್ಯ 10
- ರನ್ 370
- 50/100 04/00
- ಸರಾಸರಿ 41.11
14ನೇ ಆವೃತ್ತಿಯಲ್ಲಿ ಪೃಥ್ವಿ ಶಾ
- ಪಂದ್ಯ 15
- ರನ್ 479
- 50/100 04/00
- ಸರಾಸರಿ 31.93
14ನೇ ಆವೃತ್ತಿಯಲ್ಲಿ ಸ್ಯಾಮ್ಸನ್
- ಪಂದ್ಯ 14
- ರನ್ 484
- 50/100 02/01
- ಸರಾಸರಿ 40.33
14ನೇ ಆವೃತ್ತಿಯಲ್ಲಿ ಸ್ಯಾಮ್ಸನ್
- ಪಂದ್ಯ 15
- ವಿಕೆಟ್ 32
- ಬೆಸ್ಟ್ 5/27
- ಎಕಾನಮಿ 8.14