2021 ರಲ್ಲಿ ಸಾಲು ಸಾಲು ಸಿನಿಮಾಗಳ ಮೂಲಕ ಚಿತ್ರ ಪ್ರೇಮಿಗಳನ್ನು ರಂಜಿಸಿದ್ದ ಡಾಲಿ ಧನಂಜಯ್ ಈಗ, ಮತ್ತೆ ತಮ್ಮ ಸಿನಿ ಜೀವನಕ್ಕೆ ಇನ್ನಷ್ಟು ವೇಗ ನೀಡಿದ್ದಾರೆ. ಸಾಕಷ್ಟು ಸಿನಿಮಾಗಳಲ್ಲಿ ಈಗಾಲೇ ಧನಂಜಯ್ ಕಮೀಟ್ ಆಗಿದ್ದು ಈ ನಡುವೆ ಸಂಕ್ರಾಂತಿ ಹಬ್ಬದ ಪ್ರಯುಕ್ತ ತಮ್ಮ ಹೊಸ ಸಿನಿಮಾದ ಪೋಸ್ಟರ್ ಅನ್ನು ರಿಲೀಸ್ ಮಾಡಿದ್ದಾರೆ.
ಸಿನಿಮಾದ ಹೆಸರು ‘ಹೊಯ್ಸಳ’. ಸಂಕ್ರಾಂತಿ ಹಬ್ಬದಂದು ಚಿತ್ರ ಪ್ರೇಮಿಗಳಿಗೆ ಕಿಚ್ಚು ಹಚ್ಚುವಂತ ಟೈಟಲ್ನೊಂದಿಗೆ ಹಬ್ಬದ ಶುಭಾಶಯವನ್ನು ತಿಳಿಸಿದ್ದಾರೆ. ಇನ್ನು ‘ಹೊಯ್ಸಳ’ ಸಿನಿಮಾವನ್ನು ಅರ್ಪಿಸುತ್ತಿರುವುದು ಕನ್ನಡದ ದೊಡ್ಡ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲಂಸ್ನ ವಿಜಯ್ ಕಿರಗಂದೂರು ಅವರು. ಹೊಯ್ಸಳ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿರುವುದು ವಿಜಯ್ ಎನ್. ಹೊಯ್ಸಳ ಸಿನಿಮಾಗೆ ಬಂಡವಾಳ ಹೂಡಿರುವುದು, ಕಾರ್ತಿಕ್, ಯೋಗಿ. ಜಿ. ರಾಜ್. ಸಿನಿಮಾಗೆ ಟಾಲಿವುಡ್ನ ಖ್ಯಾತ ಮ್ಯೂಸಿಕ್ ಡೈರೆಕ್ಟರ್ ಥಮನ್.ಎಸ್. ಸಂಗೀತ ಸಂಯೋಜನೆ ಮಾಡಲಿದ್ದಾರೆ.
𝐀𝐧 𝐢𝐧𝐭𝐫𝐮𝐬𝐢𝐯𝐞 𝐚𝐥𝐞𝐫𝐭!!🚨
ನನ್ನ ’25ನೇ ಚಿತ್ರ’ #Hoysala 🚔ರಾಜ್ಯೋತ್ಸವ 2022ಗೆ #Daali25
ಸಮಸ್ತ ಕನ್ನಡ ಜನತೆಗೆ ಮಕರ ಸಂಕ್ರಾಂತಿಯ ಶುಭಾಶಯಗಳು@Karthik_krg @Yogigraj @KRGstudios @Vijay_cinephilia @MusicThaman pic.twitter.com/UJmd50UfC9
— Dhananjaya (@Dhananjayaka) January 14, 2022
ಹೊಯ್ಸಳ ಸಿನಿಮಾದ ಮತ್ತೊಂದು ವಿಶೇಷ ಏನಂದ್ರೆ, ಇದು ಡಾಲಿ ಧನಂಜಯ್ ಸಿನಿಮಾ ಜೀವನದ ’25’ ನೇ ಚಿತ್ರ. ಹಾಗಾಗಿ ಡಾಲಿ ಧನಂಜಯ್ಗೆ ಹೊಯ್ಸಳ ಸಿನಿಮಾದ ಮೇಲೆ ಬಹಳಷ್ಟು ನಿರೀಕ್ಷೆ ಇದೆ. ಪೋಸ್ಟರ್ ಅನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಈ ಚಿತ್ರದಲ್ಲಿ ಡಾಲಿ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.