ಬೆಂಗಳೂರು: ಬಿಟ್ ಕಾಯಿನ್ ದಂಧೆ ಪ್ರಕರಣ ಭಾರೀ ಸದ್ದು ಮಾಡ್ತಿದೆ. ಬೊಮ್ಮಾಯಿ ಸರ್ಕಾರದ ಮೇಲೆ ಕಾಂಗ್ರೆಸ್ ನೇರ ದಾಳಿ ನಡೆಸ್ತಿದೆ. ಸವಾಲು ಮೆಟ್ಟೋದು ಹೇಗೆ ಅನ್ನೋ ಬಗ್ಗೆ ಸಚಿವರು ಆತಂಕಕ್ಕಿಡಾಗಿದ್ದಾರೆ. ಕಾಂಗ್ರೆಸ್ ಬಿಟ್ಟ ಹುಳದಿಂದ ಸಚಿವರು ತಲೆ ಕೆರೆದುಕೊಳ್ತಿದ್ದಾರೆ. ಬಿಟ್ ಕಾಯಿನ್ ಅಂದ್ರೆ ಏನು ಅಂತ ಗಲಿಬಿಲಿಗೊಂಡು ಚಡಪಡಿಸ್ತಿದ್ದಾರೆ.
ಬಿಟ್ ಕಾಯಿನ್ ಪ್ರಕರಣ ಬಗ್ಗೆ ಗೊಂದಲಕ್ಕೆ ಬಿದ್ದ ಸಚಿವರು
ಕೈ ‘ಬಿಟ್’ ಹುಳದಿಂದ ತಲೆ ಕೆರೆದುಕೊಳ್ಳುತ್ತಿರುವ ಸಚಿವರು
ರಾಜ್ಯದಲ್ಲಿ ಬಿಟ್ ಕಾಯಿನ್ ದಂಧೆ ಪ್ರಕರಣ ಭಾರೀ ಸದ್ದು ಮಾಡ್ತಿದ್ದು, ಈ ಕೇಸ್ ಬಗ್ಗೆ ಸಚಿವರು ಗೊಂದಲಕ್ಕೆ ಬಿದಿದ್ದಾರೆ. ಬಿಟ್ ಕಾಯಿನ್ ವಿಚಾರವಾಗಿ ಏನು ಮಾತನಾಡೋದು ಅಂತ ಕಾಂಗ್ರೆಸ್ ಆರೋಪಕ್ಕೆ ಗಲಿಬಿಲಿಗೊಂಡ ರಾಜ್ಯ ಸಚಿವರು ತೆಲೆಗೆ ಹುಳ ಬಿಟ್ಕೊಂಡಿದ್ದಾರೆ.
ಬಿಟ್ ಕಾಯಿನ್ ಗಲಿಬಿಲಿ!
ಬಿಟ್ ಕಾಯಿನ್ ದಂಧೆ ಪ್ರಕರಣ ಕುರಿತಂತೆ ಸಚಿವರು ಚರ್ಚೆಗೆ ಬಿದ್ದಿದ್ದಾರೆ. ಬೊಮ್ಮಾಯಿ ಸಂಪುಟ ಸಹದ್ಯೋಗಿಗಳಿಂದ ತೆರೆಮರೆಯ ಚರ್ಚೆ ನಡೀತಿದೆ. ಬಸವರಾಜ್ ಬೊಮ್ಮಾಯಿ ಸಂಪುಟದಲ್ಲಿರುವ 29 ಸಚಿವರಲ್ಲಿ ಹಲವು ಸಚಿವರು ಬಿಟ್ ಕಾಯಿನ್ ದಂಧೆ ಬಗ್ಗೆ ಕಾಂಗ್ರೆಸ್ ಮಾಡ್ತಿರುವ ಆರೋಪಕ್ಕೆ ಗಲಿಬಿಲಿಗೊಂಡಿದ್ದಾರೆ ಎನ್ನಲಾಗಿದೆ.
ಅಷ್ಟಕ್ಕೂ ಬಿಟ್ ಕಾಯಿನ್ ವಿಚಾರದಲ್ಲಿ ಈ ಮಟ್ಟಕ್ಕೆ ಸಚಿವರು ತಲೆಕೆಡಿಸಿಕೊಳ್ಳೋಕೆ ಕಾರಣ ಅವರು ಅದ್ರಲ್ಲಿ ತೊಡಗಿಸಿಕೊಂಡಿದ್ದಾರೆ ಅಂತ ಅಲ್ಲ. ಅಸಲಿಗೆ ಬಿಟ್ ಕಾಯಿನ್ ಅಂದ್ರೇನು? ಈ ಬಗ್ಗೆ ಏನ್ ಮಾತಾಡೋದು ಅನ್ನೋದೆ ಕೆಲವರಿಗೆ ಗೊತ್ತಿಲ್ವಂತೆ.
ಸಚಿವರ ತಲೆಗೆ ‘ಬಿಟ್’ ಹುಳ!
- ಚರ್ಚೆ 1 : ಸದ್ಯ ಸುದ್ದಿ ಆಗುತ್ತಿರುವ ಬಿಟ್ ಕಾಯಿನ್ ದಂಧೆ ಅಂದರೇನು?
- ಚರ್ಚೆ 2 : ಕಾಂಗ್ರೆಸ್ ನಾಯಕರ ಆರೋಪ ನೇರವಾಗಿ ನಮ್ಮ ಮೇಲೆ ಏಕೆ?
- ಚರ್ಚೆ 3 : ಬಿಜೆಪಿಯ ಯಾವ್ಯಾವ ನಾಯಕರ ಹೆಸರು ಈ ಪ್ರಕರಣದಲ್ಲಿದೆ?
- ಚರ್ಚೆ 4 : ಪಕ್ಷದ ನಾಯಕರು ಹೆಸರು ಬಂದ್ರೆ, ಹೈಕಮಾಂಡ್ ನಿಲುವೇನು?
- ಚರ್ಚೆ 5 : ಹೈಕಮಾಂಡ್ ನಾಯಕರು ಯಾವ ಕ್ರಮ ತೆಗೆದುಕೊಳ್ಳಬಹುದು?
- ಚರ್ಚೆ 6 : ಅಷ್ಟಕ್ಕೂ ಬಿಟ್ ಕಾಯಿನ್ ಯಾವಾಗಿನಿಂದ ಚಾಲ್ತಿಗೆ ಬಂದಿದೆ?
ಒಟ್ನಲ್ಲಿ ರಾಜ್ಯ ರಾಜಕಾರಣದಲ್ಲಿ ಸಂಚಲನ ಸೃಷ್ಟಿಸಿರುವ ಕಾಂಗ್ರೆಸ್ ಬಿಟ್ಟ ಬಿಟ್ ಕಾಯಿನ್ ಹುಳದಿಂದ ಸಚಿವರು ತಲೆ ಕೆರೆದುಕೊಳ್ತಿದ್ದಾರೆ. ಸಂಪುಟ ಸಹೋದ್ಯೋಗಿಗಳಿಂದ ಈ ಬಗ್ಗೆ ತೆರೆಮರೆಯಲ್ಲಿ ಭಾರೀ ಚರ್ಚೆಯಂತೂ ನಡೀತಿದೆ.
The post ಸಚಿವರ ತಲೆಗೆ ‘ಬಿಟ್’ ಹುಳ: ಗಲಿಬಿಲಿಗೊಂಡಿರುವ ಮಿನಿಸ್ಟರ್ಸ್ಗೆ ಕಾಡ್ತಿದ್ಯಂತೆ 6 ಗೊಂದಲ..! appeared first on News First Kannada.