ಸದ್ಯದಲ್ಲೇ ತೆರೆದುಕೊಳ್ಳಲಿದೆ ಜೊತೆ ಜೊತೆಯಲಿ ರಾಜನಂದಿನಿಯ ‘ರಾಜ ರಹಸ್ಯ’!


ಜೊತೆ ಜೊತೆಯಲಿ..ಈ ಹಿಂದೆ ಈ ಲೈನ್​ ಕೇಳಿದ್ರೇ ನಮ್ಮ ಶಂಕರ್​ನಾಗ್​ ಹಾಗೂ ಅರುಂಧತಿ ನಾಗ್​ ಅವರ ಅಭಿನಯದ ಎವರ್​ಗ್ರೀನ್​ ಹಾಡು ಜೊತೆಯಲಿ ಜೊತೆ ಜೊತೆಯಲಿ…ಗೀತೆ ಕಿವಿಯಲ್ಲಿ ಗುಯ್​ ಗುಡುತ್ತಿತ್ತು…ಈ ಹಾಡನ್ನ ಮೀರಿಸೊಕೆ ಸಾಧ್ಯವಿಲ್ಲ ಬಿಡಿ. ಆದ್ರೇ ಇಷ್ಟೇ ಯಶಸ್ಸು ಕಂಡಿದ್ದು ನಮ್ಮ ಕಿರುತೆರೆ ಸೆನ್ಸ್​ಷನ್ ಜೊತೆ ಜೊತೆಯಲಿ ಧಾರಾವಾಹಿ..​

ವಿಭಿನ್ನ ಕತಾ ಹಂದರದ ಧಾರಾವಾಹಿ ಇಲ್ಲಿಯವರೆಗೂ ಸಾಕಷ್ಟು ಎಪಿಸೋಡ್​ಗಳನ್ನು ಕಂಪ್ಲೀಟ್​ ಮಾಡಿ ಯಶಸ್ವಿಯಾಗಿ ಮುನ್ನುಗ್ತಾಯಿದೆ…ಟೈಟಲ್​ ಟ್ರ್ಯಾಕ್​ನಿಂದಲೇ ಸದ್ದು ಮಾಡಿದ ಈ ಧಾರಾವಾಹಿ ಹೊಸ ಟ್ವಿಸ್ಟ್​ಗಳೊಂದಿಗೆ ಪ್ರೇಕ್ಷಕರಿಗೆ ಎಲ್ಲಿಯೂ ಬೋರ್​ ಹೊಡೆಸದಂತೆ ಭರ್ಜರಿಯಾಗಿ ಸಾಗ್ತಾಯಿದೆ.

 

ಅನು ಹಾಗೂ ಆರ್ಯವರ್ಧನ್​ ಅವರ ಪ್ರೇಮಾನುರಾಗಕ್ಕೆ ಮನಸೋತಿರುವ ಪ್ರೇಕ್ಷಕರು, ಧಾರಾವಾಹಿ ಪ್ರಾರಂಭವಾಗಿ ಬರೊಬ್ಬರಿ 3 ವರ್ಷಗಳಾದ್ರೂ ಇಂದಿಗೂ ಅದೇ ಕುತೂಹಲವನ್ನ ಉಳಿಸಿಕೊಂಡು ಬೆಳಸಿಕೊಂಡು ಬಂದಿದೆ. ಸಾಕಷ್ಟು ವಿಶೇಷತೆಗಳಿಂದ ಕೂಡಿರುವ ಧಾರಾವಾಹಿ ಅದ್ಧೂರಿ ಮೇಕಿಂಗ್​ನಿಂದಲೇ ವೀಕ್ಷಕರನ್ನ ಹಿಡಿದಿಟ್ಟಿದೆ..

45 ವರ್ಷದ ಶ್ರೀಮಂತ ಆರ್ಯವರ್ಧನ್​ ಹಾಗೂ 20 ವರ್ಷದ ಮಧ್ಯಮ ಕುಟುಂಬದ ಹುಡುಗಿ ನಡುವೆ ನಡೆಯುವಂತಹ ಪ್ರೀತಿ ಕತೆಯನ್ನು ಮುಖ್ಯ ಎಳೆಯಾಗಿಟ್ಟುಕೊಂಡು ಆರಂಭವಾಗಿದ್ದ ಸೀರಿಯಲ್​ನಲ್ಲಿ ಸದ್ಯ ಅನು-ಆರ್ಯ ಸಖತ್​ ಗ್ರಾಂಡ್​ ಆಗಿ ಸಪ್ತಪದಿ ತುಳಿದಿದ್ದಾರೆ..ಆರ್ಯನ ಜೀವನದ ಕಥೆಗಳು ಕುತೂಹಲದಿಂದ ಕೂಡಿದ್ದು, ಅವನ ಗತಕಾಲದ ಒಂದಿಷ್ಟು ರಹಸ್ಯಗಳು ಅನುಗೆ ಗೊತ್ತಾಗಿದೆ.
ಇನ್ನೂ ಆರ್ಯವರ್ಧನನ ಮೊದಲ ಪತ್ನಿ ರಾಜನಂದಿನಿಯ ಕಥೆ ಸಧ್ಯದಲ್ಲಿಯೇ ತೆರೆದುಕೊಳ್ಳುತ್ತಿದ್ದು, ತಂಡ ಪಾತ್ರಕ್ಕೆ ಒಪ್ಪುವಂತ ಕಲಾವಿದೆಯ ಹುಡುಕಾಟದಲ್ಲಿತ್ತು. ಈ ಬಗ್ಗೆ ನಾವು ಕೂಡ ಮಾಹಿತಿ ನೀಡಿದ್ವಿ. ​ ಡೇ ಒನ್​ನಿಂದ ರಾಜನಂದಿನಿ ಎಂಬ ಹೆಸರಿನ ಸುತ್ತ ಇರುವ ರಹಸ್ಯಗಳನ್ನ ಒಂದೊಂದಾಗಿ ರಿವೀಲ್​ ಮಾಡುತ್ತಾ ಬರುತ್ತಿದ್ದು, ಮುಂದೆ ಏನಾಗುತ್ತದೆ ಎಂಬ ರೋಚಕತೆಯನ್ನ ಪ್ರೇಕ್ಷಕರಿಗೆ ನೀಡುತ್ತಾ ಬಂದಿದೆ.

ಇದೀಗ ಆರ್ಯವರ್ಧನ್​ ಕುಟುಂಬ 20 ವರ್ಷದ ನಂತರ ರಹಸ್ಯಗಳ ಗೂಡಾದ ಸಂಪಿಗೆಪುರದ ಬಂಗಲೆಯತ್ತ ಹೆಜ್ಜೆ ಹಾಕಿದ್ದು, ಆರ್ಯನ ಸುತ್ತ ಅನುಮಾನಗಳ ತೂಗು ಕತ್ತಿ ಸುತ್ತುತ್ತಿದೆ. ಇತ್ತ ಅನುಳನ್ನ ಹಂತ ಹಂತವಾಗಿ ರಾಜನಂದಿನಿ ಆವರಿಸಿಕೊಳ್ಳುತ್ತಿದ್ದು, ಅವಳ ಗತಕಾಲದ ಕತೆ ತೆರೆದುಕೊಂಡಿದೆ.

ಇನ್ನೂ ಕತೆಯಲ್ಲಿ ಆರ್ಯವರ್ಧನ್​ ಅವರ ಪಾತ್ರ ನೆಗೆಟೀವ್​ ಶೇಡ್​ ರೀತಿಯಲ್ಲಿ ತೆರೆದುಕೊಳ್ಳುತ್ತಿದ್ದು, ಇದಕ್ಕೆ ಪುಷ್ಟಿ ಕೊಡುವಂತೆ ಝೆಂಡೆ ಹಾಗೂ ಆರ್ಯ ಸಂಭಾಷಣೆ ನಡೆದಿದೆ. ಒಂದು ಹಂತದಲ್ಲಿ ಕತೆ ಸಿನಿಮಾ ರೀತಿಯಲ್ಲಿ ಮೂಡಿಬರುತ್ತಿದ್ದು, ನಿರ್ದೇಶಕ ಆರೂರು ಜಗದೀಶ್​ ಅವರು ಕತೆಯ ಬಗ್ಗೆ ವೀಕ್ಷಕರು ಎಲ್ಲಿಯೂ ಲೆಕ್ಕಾಚಾರ ಹಾಕದಂತೆ ಸಖತ್​ ಇಂಟ್ರಸ್ಟಿಂಗ್​ ಆಗಿ ತೆಗೆದುಕೊಂಡು ಹೋಗುತ್ತಿದ್ದಾರೆ.
ಇನ್ನೂ ಇಡೀ ಧಾರಾವಾಹಿಯ ಜೀವಾಳವಾಗಿರುವ ರಾಜನಂದನಿಯ ಪಾತ್ರವನ್ನ ಯಾರು ನಿರ್ವಹಿಸಲಿದ್ದಾರೆ ಎಂಬ ಪ್ರಶ್ನೆಗೆ ಸದ್ಯದಲ್ಲಿಯೇ ಉತ್ತರ ಸಿಗಲಿದೆ.

News First Live Kannada


Leave a Reply

Your email address will not be published. Required fields are marked *