ಸರ್ಕಾರಿ ಶಾಲೆಗೆ ‘ಕನ್ನಡತಿ’ ಸೀರಿಯಲ್​ ನಟ ಕಿರಣ್​ ರಾಜ್​ ನೆರವಿನ ಹಸ್ತದಿಂದ ಬಂತು ಹೊಸ ಮೆರುಗು | Kannadathi serial actor Kiran Raj helps for Government school painting and renovation


ಸರ್ಕಾರಿ ಶಾಲೆಗೆ ‘ಕನ್ನಡತಿ’ ಸೀರಿಯಲ್​ ನಟ ಕಿರಣ್​ ರಾಜ್​ ನೆರವಿನ ಹಸ್ತದಿಂದ ಬಂತು ಹೊಸ ಮೆರುಗು

ಕಿರಣ್ ರಾಜ್

Kannadathi Serial | Kiran Raj: ಕಿರಣ್ ರಾಜ್ ಫೌಂಡೇಶನ್ ಮೂಲಕ ಶಾಲೆಯನ್ನು ದುರಸ್ತಿ ಮಾಡಿ, ಸುಣ್ಣಬಣ್ಣದಿಂದ ಅಲಂಕರಿಸಿ ಕೊಡಲಾಗಿದೆ. ಇದರಿಂದ ಈ ಶಾಲೆಗೆ ಹೊಸ ಮೆರುಗು ಬಂದಂತಾಗಿದೆ.

ಸೀರಿಯಲ್​ ಮತ್ತು ಸಿನಿಮಾ ಎರಡೂ ಕ್ಷೇತ್ರದಲ್ಲಿ ಬ್ಯುಸಿ ಆಗಿದ್ದಾರೆ ನಟ ಕಿರಣ್​ ರಾಜ್​. ‘ಕನ್ನಡತಿ’ ಧಾರಾವಾಹಿಯಿಂದ (Kannadathi Serial) ಅವರ ಖ್ಯಾತಿ ಹೆಚ್ಚಿದೆ. ಕಿರುತೆರೆಯಲ್ಲಿ ಬಹುಬೇಡಿಕೆಯ ನಟನಾಗಿ ಅವರು ಗುರುತಿಸಿಕೊಂಡಿದ್ದಾರೆ. ಹಾಗಂತ ಅವರು ತಾವಾಯ್ತು ತಮ್ಮ ಕೆಲಸ ಆಯ್ತು ಅಂತ ಸುಮ್ಮನೆ ಕುಳಿತಿಲ್ಲ. ಸಮಾಜಕ್ಕೆ ತಮ್ಮ ಕೈಲಾದಷ್ಟು ಸಹಾಯಕ ಮಾಡುವ ಮೂಲಕವೂ ಕಿರಣ್​ ರಾಜ್​ (Kiran Raj) ಮಾದರಿ ಆಗಿದ್ದಾರೆ. ಸಮಾಜಮುಖಿ ಕಾರ್ಯಗಳನ್ನು ಮಾಡುವ ಸಲುವಾಗಿಯೇ ಕಿರಣ್​ ರಾಜ್​ ಅವರು ತಮ್ಮದೇ ಹೆಸರಿನಲ್ಲಿ ಫೌಂಡೇಶನ್​ ಹೊಂದಿದ್ದಾರೆ. ಆ ಮೂಲಕ ಹಲವು ಕೆಲಸಗಳು ಆಗುತ್ತಿವೆ. ತಮ್ಮ ದುಡಿಮೆಯ ಹಣವನ್ನು ಅವರು ಈ ಉದ್ದೇಶಕ್ಕೆ ಬಳಸುತ್ತಾರೆ. ಈಗ ಕಿರಣ್ ರಾಜ್​ ಫೌಂಡೇಶನ್​ (Kiran Raj Foundation) ಮೂಲಕ ಶಾಲೆಯೊಂದರ ದುರಸ್ಥಿ ಮಾಡಲಾಗಿದೆ. ಹೊಸದಾಗಿ ಪೇಂಟಿಂಗ್​ ಮಾಡಿಸಿ ಸರ್ಕಾರಿ ಶಾಲೆಯನ್ನು ಅಂದಗೊಳಿಸಲಾಗಿದೆ. ಅವರು ಮಾಡಿರುವ ಈ ಕೆಲಸ ಎಲ್ಲರಿಗೂ ಮಾದರಿ ಆಗಿದೆ.

ಈ ಮೊದಲು ಕೂಡ ಕಿರಣ್​ ರಾಜ್​ ಅವರು ಹಲವು ಜನಪರ ಕಾರ್ಯಗಳಿಂದ ಗಮನ ಸೆಳೆದಿದ್ದರು. ಕೊರೊನಾದಿಂದ ಲಾಕ್​ಡೌನ್​ ಆದಾಗ ಅವರು ಮಂಗಳಮುಖಿಯರಿಗೆ ಸಹಾಯ ಮಾಡಿದ್ದರು. ಅವರ ನೆರವನ್ನು ನೆನೆದು ಮಂಗಳಮುಖಿಯರು ಎಮೋಷನಲ್​ ಆಗಿದ್ದರು. ಕಿರಣ್ ರಾಜ್ ಫೌಂಡೇಶನ್ ವತಿಯಿಂದ ಮಾಡುವ ಸಾಮಾಜಿಕ ಕೆಲಸಗಳನ್ನು ಗಮನಿಸಿರುವ ಬೆಂಗಳೂರಿನ ರಾಮಸಂದ್ರದ ಹಿರಿಯ ಪ್ರಾಥಮಿಕ ಪಾಠಶಾಲೆ ಮಕ್ಕಳು, ಶೀತಲಗೊಂಡಿದ್ದ ತಮ್ಮ ಶಾಲೆಯನ್ನು ದುರಸ್ತಿ ಮಾಡಿಸಿಕೊಡುವಂತೆ ಕಿರಣ್​ ರಾಜ್​ಗೆ ಮನವಿ ಮಾಡಿಕೊಂಡಿದ್ದರು. ಮಕ್ಕಳ ಮನವಿಗೆ ಅವರು​ ಸ್ಪಂದಿಸಿದ್ದಾರೆ.

TV9 Kannada


Leave a Reply

Your email address will not be published. Required fields are marked *