‘ಸರ್ಕಾರು ವಾರಿ ಪಾಟ’ ಪ್ಯಾನ್​ ಇಂಡಿಯಾ ಮಾಡೋದ್ಬೇಡಾ ಅಂದಿದ್ಯಾಕೆ ಮಹೇಶ್​ ಬಾಬು..?


ಟಾಲಿವುಡ್​ ಸೂಪರ್​ ಸ್ಟಾರ್​ ಮಹೇಶ್​ಬಾಬು ಅಭಿನಯದ ಮೋಸ್ಟ್​ ಎಕ್ಸ್​ಪೆಕ್ಟೆಡ್​ ಸಿನಿಮಾ ‘ಸರ್ಕಾರು ವಾರಿ ಪಾಟ’. ಈ ಸಿನಿಮಾವನ್ನ ಇದೇ ವರ್ಷ ಏಪ್ರಿಲ್​-1 ನೇ ತಾರೀಖು ಗ್ರ್ಯಾಂಡ್​ ರಿಲೀಸ್​​ ಮಾಡಲು ಚಿತ್ರತಂಡ ಸಕಲ ಸಿದ್ಧತೆಗಳನ್ನು ಮಾಡಿಕೊಂಡಿದೆ. ‘ಸರ್ಕಾರು ವಾರಿ ಪಾಟ’ ರಿಲೀಸ್​ ಆಗಲು ಇನ್ನು ಉಳಿದಿರೋದು ಕೇವಲ 2 ತಿಂಗಳು ಮಾತ್ರ. ಈ ಸಂದರ್ಭದಲ್ಲಿ ಸಿನಿಮಾದಿಂದ ಒಂದು ಬಿಗ್​ ಚೇಂಜಸ್​ ಆಗೋ ಲಕ್ಷಣಗಳು ಕಾಣ್ತಿದೆ.

ಅದೇನಂದ್ರೆ ‘ಸರ್ಕಾರು ವಾರಿ ಪಾಟ’ಸಿನಿಮಾವನ್ನು ಪ್ಯಾನ್​ ಇಂಡಿಯಾ ಸಿನಿಮಾ ಆಗಿ ರಿಲೀಸ್​ ಮಾಡಲು ಚಿಂತನೆ ನಡೆಸಿದ್ದಾರಂತೆ. ಮೊನ್ನೆ ತಾನೆ ರಿಲೀಸ್ ಆದ ‘ಪುಷ್ಪ’ ಸಿನಿಮಾ ಪ್ಯಾನ್​ ಇಂಡಿಯಾ ಸಿನಿಮಾ ಆಗಿ ಎಲ್ಲಾ ಭಾಷೆಯಲ್ಲೂ ಸಖತ್​ ಸೌಂಡ್​ ಮಾಡಿದೆ. ಅದರಲ್ಲೂ ಬಾಲಿವುಡ್​ನಲ್ಲಿ’ಪುಷ್ಪ’ ಸಿನಿಮಾ ಕಲೆಕ್ಷನ್​ ಜೋರಾಗೇ ಆಗಿದೆ.

‘ಸರ್ಕಾರು ವಾರಿ ಪಾಟ’ ಸಿನಿಮಾ ಟೀಂ, ‘ಪುಷ್ಪ’ ಸಿನಿಮಾವನ್ನು ಸ್ಫೂರ್ತಿಯಾಗಿ ತೆಗೆದುಕೊಂಡು ಪ್ಯಾನ್​ ಇಂಡಿಯಾ ಸಿನಿಮಾವನ್ನಾಗಿ ಮಾಡಲು ಚಿಂತನೆ ನಡೆಸಿದ್ದಾರಂತೆ. ‘ಪುಷ್ಪ’ ಸಿನಿಮಾ ರಿಲೀಸ್​ ಗೂ ಮುನ್ನ ತನ್ನ ಅದ್ಭುತ ಹಾಡುಗಳಿಂದ ಬಾಲಿವುಡ್​ನಲ್ಲಿ ಮೋಡಿ ಮಾಡಿತ್ತು. ಹಾಡುಗಳು ಸಿನಿಮಾದ ಅದ್ಭುತ ಗೆಲುವಿಗೆ ಪ್ರಮುಖ ಕಾರಣವಾಗಿತ್ತು. ಸದ್ಯ ಫಿಲ್ಮ್​ ಟೀಂ ಕೂಡ ಅದೇ ದಾರಿಯಲ್ಲಿ ಸಾಗಿದ್ದು, ಒಂದು ವೇಳೆ ‘ಸರ್ಕಾರು ವಾರಿ ಪಾಟ’ ಸಿನಿಮಾದ ಹಾಡುಗಳು ಬಾಲಿವುಡ್​ನಲ್ಲಿ ಹಿಟ್​ ಆದರೆ ಹಿಂದಿಯಲ್ಲಿ ರಿಲೀಸ್​ ಮಾಡುವುದು ಉತ್ತಮ ಎಂದು ಸಲಹೆ ನೀಡಿದ್ದಾರಂತೆ.

ಇದು ಒಂದು ಕಡೆ ಆದರೆ, ‘ಸರ್ಕಾರು ವಾರಿ ಪಾಟ’ಸಿನಿಮಾವನ್ನು ಪ್ಯಾನ್​ ಇಂಡಿಯಾ ಸಿನಿಮಾ ಮಾಡಲು ನಾಯಕ ​ ಮಹೇಶ್​ ಬಾಬು ಒಪ್ಪಿಗೆ ನೀಡಿಲ್ಲವಂತೆ. ಒಂದು ವೇಳೆ ಮಹೇಶ್​​ ಬಾಬು ಏನಾದ್ರೂ ಮನಸ್ಸು ಮಾಡಿ ಪ್ಯಾನ್​ ಇಂಡಿಯಾ ಆಗಿ ‘ಸರ್ಕಾರು ವಾರಿ ಪಾಟ’ಸಿನಿಮಾವನ್ನು ಮಾಡೋಣ ಅಂತ ಏನಾದ್ರು ಹೇಳಿದ್ರೆ ನಂತರ ನಿರ್ಧಾರ ಮಾಡ್ತೀವಿ ಅಂತ ಸಿನಿಮಾದ ನಿರ್ದೇ0ಶಕ ಪರಶುರಾಮ್ ಮಾಹಿತಿ ನೀಡಿದ್ದಾರೆ.

ಆದರೆ ‘ಸರ್ಕಾರು ವಾರಿ ಪಾಟ’ಪ್ಯಾನ್​ ಇಂಡಿಯಾ ಸಿನಿಮಾ ಆಗುವ ಅರ್ಹತೆ ಇದೆಯಾ ಎಂದು ಕೂಡ ನಿರ್ದೇಶಕರು ಯೋಚನೆ ಮಾಡಬೇಕಾಗುತ್ತದೆ. ‘ಸರ್ಕಾರು ವಾರಿ ಪಾಟ’ ಸಿನಿಮಾ ಪ್ಯಾನ್​ ಇಂಡಿಯಾ ಸಿನಿಮಾ ಆಗುತ್ತಾ ಅಥವಾ ಕೇವಲ ತೆಲುಗು ಭಾಷೆಯಲ್ಲಿ ರಿಲೀಸ್​ ಆಗುತ್ತಾ ಅಂತ ಏಪ್ರಿಲ್​-1 ರ ವರೆಗೆ ಕಾದು ನೋಡ ಬೇಕಿದೆ.

News First Live Kannada


Leave a Reply

Your email address will not be published. Required fields are marked *