ರಾಯಚೂರು: ಸಾವಿನಲ್ಲೂ ಅಕ್ಕ-ತಮ್ಮ ಒಂದಾದ ಘಟನೆ ಮಾನ್ವಿ ತಾಲೂಕಿನ ಸಂಗಾಪುರ ಗ್ರಾಮದಲ್ಲಿ ನಡೆದಿದೆ. ಇಂದು ಬೆಳಗ್ಗೆ ತಮ್ಮ ನಿಧನರಾಗಿದ್ದರು. ತಮ್ಮನ ಸಾವಿನ ಸುದ್ದಿ ಕೇಳಿದ್ದೇ ತಡ ದಿಢೀರ್​​ ಹೃದಯಾಘಾತವಾಗಿ ಅಕ್ಕ ಸಾವನ್ನಪ್ಪಿದರು.

ತಮ್ಮ ಸುಂಕಪ್ಪ (75), ಅಕ್ಕ ಮಾರಮ್ಮ (80) ಮೃತ ದುರ್ದೈವಿಗಳು. ತಮ್ಮನ ಸಾವಿನ ಸುದ್ದಿ ಕೇಳಿ ಅಕ್ಕ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ. ಈ ಮೂಲಕ ಸಾವಿನಲ್ಲೂ ಅಕ್ಕ-ತಮ್ಮ ಒಂದಾಗಿದ್ದಾರೆ. ಕುಟುಂಬಸ್ಥರ ಆಕ್ರಂದನ ಮುಗಿಲುಮುಟ್ಟಿದೆ.