ನೂತನ ನಾಯಕ ಕೆ.ಎಲ್.ರಾಹುಲ್​ಗೆ ದೊಡ್ಡ ಸವಾಲು ಎದುರಾಗಲಿದೆ. ಆ ಸವಾಲನ್ನ ಗೆದ್ರೆ ಮಾತ್ರ ರಾಹುಲ್, ಟೀಮ್ ಇಂಡಿಯಾದ ಬಿಗ್​ಬಾಸ್​​ಗಳ ಮನ ಗೆಲ್ಲಲು ಸಾಧ್ಯ. ಅಷ್ಟಕ್ಕೂ ರಾಹುಲ್​ಗೆ ಎದುರಾಗಲಿರೋ ಸವಾಲುಗಳೇನು..? ಆ ಸವಾಲನ್ನ ಗೆಲ್ಲಲು ಕನ್ನಡಿಗ ಏನೆಲ್ಲಾ ಮಾಡ್ಬೇಕು..? ಅನ್ನೋದ್ರ ವಿವರ ಇಲ್ಲಿದೆ.

ದಕ್ಷಿಣ ಆಫ್ರಿಕಾ ಏಕದಿನ ಸರಣಿ, ಕೆ.ಎಲ್​​.ರಾಹುಲ್​ ಪಾಲಿಗೆ, ಅತ್ಯಂತ ಮಹತ್ವದ ಸರಣಿ. ನಾಯಕನಾಗಿ ಇದೇ ಮೊದಲ ಬಾರಿ ಏಕದಿನ ತಂಡವನ್ನ ಮುನ್ನಡೆಸಲಿರುವ ರಾಹುಲ್​​ ಮೇಲೆ, ಭಾರಿ ನಿರೀಕ್ಷೆ ಇದೆ. ಹೌದು. ಕೊಹ್ಲಿ ಅನುಪಸ್ಥಿತಿಯಲ್ಲಿ ಜೊಹಾನ್ಸ್​ಬರ್ಗ್​ ಟೆಸ್ಟ್​ ಪಂದ್ಯದಲ್ಲಿ ಟೀಮ್ ಇಂಡಿಯಾವನ್ನ ಮುನ್ನಡೆಸಿದ ರಾಹುಲ್, ನಾಯಕನಾಗಿ ಮೊದಲ ಪ್ರಯತ್ನದಲ್ಲೇ ಸೋಲು ಕಂಡರು. ಆದ್ರೀಗ ರೋಹಿತ್ ಶರ್ಮಾ ಅಲಭ್ಯತೆಯಲ್ಲಿ ತಂಡದ ಸಾರಥ್ಯವಹಿಸಿರುವ ರಾಹುಲ್, ಆಫ್ರಿಕನ್ನರ ಬೇಟೆಗೆ ಸಜ್ಜಾಗಬೇಕಿದೆ.

ನಾಯಕರಾಗಿ ಕೆ.ಎಲ್​.ರಾಹುಲ್​ಗೆ ಅಗ್ನಿ ಪರೀಕ್ಷೆ
ಟೆಸ್ಟ್ ಸರಣಿಯನ್ನ ಸೋತಿರುವ ಟೀಮ್ ಇಂಡಿಯಾ, ಏಕದಿನ ಸರಣಿಯನ್ನ ಗೆಲ್ಲಲು ಪಣತೊಟ್ಟಿದೆ. ಸೇಡಿನ ಸಮರ ಅಂತಾನೇ ಕರೆಸಿಕೊಂಡಿರುವ ಏಕದಿನ ಸರಣಿಯಲ್ಲಿ, ನೂತನ ನಾಯಕ ಕೆ.ಎಲ್.ರಾಹುಲ್​ಗೆ ಅಗ್ನಿ ಪರೀಕ್ಷೆ ಎದುರಾಗಲಿದೆ. ಅದ್ರಲ್ಲೂ ನಾಯಕತ್ವದ ಪರೀಕ್ಷೆಯಲ್ಲಿ, ರಾಹುಲ್ ಪಾಸಾಗಲೇಬೇಕು​.

ಒತ್ತಡದಿಂದ ಹೊರಬರಲು ಪ್ಲಾನ್ ಮಾಡಿಕೊಳ್ಳಬೇಕು
ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿ, ಹೈವೋಲ್ಟೇಜ್​ನಿಂದ ಕೂಡಿರುತ್ತದೆ. ಹೀಗಿರುವಾಗ ನೂತನ ಸಾರಥಿ ಕೆ.ಎಲ್.ರಾಹುಲ್ ಮೇಲೆ, ಒತ್ತಡ ಸಹಜ. ನಾಯಕನಾಗಿ ಹಾಗೇ ಬ್ಯಾಟ್ಸ್​ಮನ್ ಆಗಿ ರಾಹುಲ್, ಆ ಒತ್ತಡವನ್ನ ಸಮರ್ಥವಾಗಿ ಎದುರಸಬೇಕಿದೆ. ಒಂದು ವೇಳೆ ರಾಹುಲ್ ಒತ್ತಡಕ್ಕೆ ಸಿಲುಕಿದ್ರೆ, ಸರಣಿ ಸೋಲು ಖಚಿತ.

ಪ್ಲೇಯಿಂಗ್ ಇಲೆವೆನ್ ಆಯ್ಕೆ ಬಿಗ್ ಚಾಲೆಂಜ್
ಕನ್ನಡಿಗ ಕೆ.ಎಲ್.ರಾಹುಲ್ ಮುಂದಿರೋ ಮತ್ತೊಂದು ಸವಾಲು, ಪ್ಲೇಯಿಂಗ್ ಇಲೆವೆನ್ ಆಯ್ಕೆ. ಪದೇ ಪದೇ ಎದುರಾಗೋ ಈ ಗೊಂದಲವನ್ನ, ರಾಹುಲ್ ಹೇಗೆ ಸಾಲ್ವ್​ ಮಾಡ್ತಾರೆ? ಬೆಸ್ಟ್ ಪ್ಲೇಯಿಂಗ್ ಇಲೆವೆನ್​ ಹೇಗೆ ಪಿಕ್ ಮಾಡ್ತಾರೆ ಅನ್ನೋ ಕುತೂಹಲ, ಸಹಜವಾಗೇ ಎಲ್ಲರನ್ನೂ ಕಾಡಲಿದೆ.

ಸರಣಿ ಗೆಲ್ಲಲು ತಂತ್ರ-ಪ್ರತಿತಂತ್ರಗಳನ್ನ ರೂಪಿಸಬೇಕು
ಕೇವಲ ನಾಯಕನಾಗಿ ತಂಡವನ್ನ ಮುನ್ನಡೆಸೋದಲ್ಲ. ಕ್ಯಾಪ್ಟನ್ ಆಗಿ ರಾಹುಲ್, ಉತ್ತಮ ಗೇಮ್​ಪ್ಲಾನ್, ಸ್ಟ್ರಾಟಜಿ, ಟ್ಯಾಕ್ಟಿಕ್ಸ್​ ಮಾಡಬೇಕು. ಎದುರಾಳಿಗಳು ರೂಪಿಸೋ ತಂತ್ರಗಳಿಗೆ, ಪ್ರತಿತಂತ್ರಗಳನ್ನ ರೂಪಿಸಿ ಅವರ ಪ್ಲಾನ್ ಉಲ್ಟಾ ಮಾಡಬೇಕು. ಈ ಟಫ್ ಟಾಸ್ಕ್​ ಅನ್ನ ರಾಹುಲ್, ನಿಭಾಯಿಸಬೇಕಿದೆ.

ಕೋಚ್, ಆಯ್ಕೆ ಸಮಿತಿಯ ವಿಶ್ವಾಸ ಉಳಿಸಿಕೊಳ್ಳಬೇಕು
ಲೀಡರ್​​ಶಿಪ್ ರೋಲ್​ನಲ್ಲಿ ಕೆ.ಎಲ್.ರಾಹುಲ್ ಇರೋದ್ರಿಂದ, ಸಹಜವಾಗೇ ಇವರ ಮೇಲೆ Expectations ಜಾಸ್ತಿ ಇರುತ್ತೆ..! ಜೊತೆಗೆ ಟೀಮ್ ಇಂಡಿಯಾ ಕೋಚ್ ಮತ್ತು ಸೆಲೆಕ್ಟರ್ಸ್​​ಗೆ ರಾಹುಲ್ ನಾಯಕತ್ವದ ಮೇಲೆ ಹೆಚ್ಚು ನಂಬಿಕೆ ಇರೋದ್ರಿಂದ, ರಾಹುಲ್ ಆ ನಂಬಿಕೆಯನ್ನ ಉಳಿಸಿಕೊಳ್ಳಬೇಕಿದೆ.