ಆಲ್​ರೌಂಡರ್​ ಹಾರ್ದಿಕ್​ ಪಾಂಡ್ಯ, ಕರಿಯರ್​​​ ಮುಳುಗುವ ಹಡಗಿನ ಪರಿಸ್ಥಿತಿಯಲ್ಲಿದೆ. ಟೀಮ್​ ಇಂಡಿಯಾಗೆ ಕಮ್​ಬ್ಯಾಕ್​ ಮಾಡೋಕೆ ಹರಸಾಹಸಪಡ್ತಿದ್ದಾರೆ. ಆದರೆ ಹಾರ್ದಿಕ್​ ಎಂಟ್ರಿಗೆ ಈತ ಅಡ್ಡಗಾಲಾಗಿ ನಿಂತಿದ್ದಾರೆ. ಇದರಿಂದ ಹಾರ್ದಿಕ್​ ರಿ ಎಂಟ್ರಿ ಬಹುತೇಕ ಕಷ್ಟ ಎಂದೇ ಹೇಳಲಾಗ್ತಿದೆ.

ಸೀಮಿತ ಓವರ್​​​ಗಳ ಮ್ಯಾಚ್​​ ಫಿನಿಷರ್​ ಎನಿಸಿದ್ದ ಹಾರ್ದಿಕ್​ ಪಾಂಡ್ಯ, ಇದೀಗ ತಂಡಕ್ಕೆ ಬೇಡವಾಗಿದ್ದಾರೆ. ಫಿಟ್​ನೆಸ್​ ಸಮಸ್ಯೆಯಿಂದ ತಂಡಕ್ಕೆ ದೂರವಾಗಿರುವ ಹಾರ್ದಿಕ್​, ಮುಂದೆ ಸಂಪೂರ್ಣ ಫಿಟ್​ ಆದ್ರೂ, ರೀ ಎಂಟ್ರಿ ಕೊಡೋದು ಅಸಾಧ್ಯವೆಂದೇ ಪರಿಗಣಿಸಲಾಗಿದೆ. ಅದಕ್ಕೆ ಕಾರಣ ತಂಡಕ್ಕೆ ಹೊಸದಾಗಿ ಎಂಟ್ರಿ ಕೊಟ್ಟಿರುವ ವೆಂಕಟೇಶ್​​​ ಅಯ್ಯರ್​​..!

ಹೌದು. ಕಳೆದ ವರ್ಷ ನ್ಯೂಜಿಲೆಂಡ್​ ವಿರುದ್ಧ ಟಿ20 ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಅಯ್ಯರ್​​​​​​, ಇದೀಗ ಏಕದಿನಕ್ಕೂ ಕಾಲಿಟ್ಟಿದ್ದಾರೆ. ಅದರಲ್ಲೂ ಕಡಿಮೆ ಅವಧಿಯಲ್ಲೇ ಡೆಬ್ಯೂ ಮಾಡಿ ಯಶಸ್ಸು ಕೂಡ ಕಂಡಿದ್ದಾರೆ. IPL​​​​​​ ಬಳಿಕ ವಿಜಯ್​​ ಹಜಾರೆ ಟೂರ್ನಿಯಲ್ಲೂ ಮಿಂಚಿನ ಪ್ರದರ್ಶನದ ಮೂಲಕ ಗಮನ ಸೆಳೆದಿದ್ದಾರೆ. ಇದೇ ಕಾರಣಕ್ಕೆ ಹಾರ್ದಿಕ್​ ಹಾದಿ ಸಂಕಷ್ಟಕ್ಕೆ ಸಿಲುಕಿರೋದು.!

ಹಾರ್ದಿಕ್​​ ಫಿಟ್​ ಆದ್ರು ತಂಡಕ್ಕೆ ಎಂಟ್ರಿ ಕಷ್ಟ..!
ಯೆಸ್​.! ಹಾರ್ದಿಕ್​​ ಇಂಜುರಿಯಾಗಿದ್ರೂ, ಫಿಟ್​​ನೆಸ್​​ ಕಡೆ ಗಮನ ನೀಡದೇ ಬೇಜವಾಬ್ದಾರಿತನ ಪ್ರದರ್ಶಿಸಿದ್ರು. ಈ ಹಿನ್ನೆಲೆ ಆಯ್ಕೆ ಸಮಿತಿ ಯಾವುದೇ ಸರಣಿಗೆ ಆಯ್ಕೆ ಮಾಡಿಲ್ಲ. ಹಾಗಾಗಿ ತಂಡಕ್ಕೆ ರೀ ಎಂಟ್ರಿ ಪಡೆಯಲೇಬೇಕೆಂದು ಪಣತೊಟ್ಟಿರುವ ಹಾರ್ದಿಕ್​, ಪರ್ಸನಲ್​​ ಟ್ರೈನರ್​​​ನನ್ನ ಇಟ್ಟುಕೊಂಡು, ಫಿಟ್​​ನೆಸ್​​​​​​​ ಕಡೆ ಫೋಕಸ್​​ ಮಾಡಿದ್ದಾರೆ.

ಆದ್ರೆ ಫಿಟ್​​ ಆದರೂ ಹಾರ್ದಿಕ್​ IPL​​​​ನಲ್ಲಿ ತನ್ನ ಸಾಮರ್ಥ್ಯವನ್ನು ಸಾಬೀತುಪಡಿಸಬೇಕು. ಅಷ್ಟೆ ಅಲ್ಲ ದೇಶೀಯ ಕ್ರಿಕೆಟ್​​​​ನಲ್ಲೂ ಭರ್ಜರಿ ಪ್ರದರ್ಶನ ನೀಡಬೇಕು. ಆ ಮೂಲಕ ಆಯ್ಕೆ ಸಮಿತಿಯ ಗಮನ ಸೆಳೆಯಬೇಕು. ಆದ್ರೆ ಅಷ್ಟರೊಳಗೆ ವೆಂಕಟೇಶ್​​ ತಂಡದಲ್ಲಿ ಸ್ಥಾನವನ್ನ ಭದ್ರಪಡಿಸಿಕೊಂಡಿರುತ್ತಾರೆ. ಹೀಗಾಗಿ ಪಾಂಡ್ಯ​ ಕಮ್​ಬ್ಯಾಕ್​​​ ಬಹುತೇಕ ಕಷ್ಟ ಅನ್ನೋದ್ರಲ್ಲಿ ಅನುಮಾನವೇ ಇಲ್ಲ.

ಇನ್ನು ಹಾರ್ದಿಕ್​ ಸ್ಥಾನಕ್ಕೆ ವೆಂಕಟೇಶ್​ ಮಾತ್ರ ಕುತ್ತು ತಂದಿಲ್ಲ. ಶಾರ್ದೂಲ್​ ಠಾಕೂರ್ ಸಹ ಸ್ಪರ್ಧೆ ನಡೆಸ್ತಿದ್ದಾರೆ. ಈಗಾಗಲೇ ಮೂರು ಫಾರ್ಮೆಟ್​​​ನಲ್ಲೂ ಸಾಮರ್ಥ್ಯವನ್ನ ಪ್ರೂವ್​ ಮಾಡಿದ್ದು, ಶಾರ್ದೂಲ್​​ ತಂಡದ ಖಾಯಂ ಆಟಗಾರ ಆಗಿದ್ದಾರೆ. ಇದರಿಂದ ಹಾರ್ದಿಕ್​ ಕೇವಲ ಫಿಟ್​​​​ನೆಸ್​​​ನಲ್ಲಿ ಪಾಸಾದ್ರೆ ಸಾಲದು, ಮುಂದಿನ ದಿನಗಳಲ್ಲಿ ಅತ್ಯದ್ಭುತ ಪ್ರದರ್ಶನ ನೀಡಲೇಬೇಕು. ಆಗ ಮಾತ್ರ ತಂಡಕ್ಕೆ ಎಂಟ್ರಿ ಕೊಡೋಕೆ ಸಾಧ್ಯ. ಇಲ್ಲವಾದಲ್ಲಿ ಕ್ರಿಕೆಟ್​​ನಿಂದಲೇ ಗೇಟ್​​ಪಾಸ್​​​​ ಪಡೆಯೋದು ಪಕ್ಕಾ.