ಹಿಟ್ಲರ್ ಕಲ್ಯಾಣ ಹೊಸ ವಿಲನ್​ ಎಂಟ್ರಿ; ಇವರು ಯಾರು ಅಂತಾ ಗೊತ್ತಾ?


ಈಗ ಎಲ್ಲಿ ನೋಡಿದ್ರೂ ಹಿಟ್ಲರ್ ಕಲ್ಯಾಣದ್ದೇ ಸದ್ದು. ಪ್ರೇಕ್ಷಕರ ಮನೆ ಪ್ರವೇಶಿಸಿದ ಕೆಲವೇ ತಿಂಗಳಲ್ಲಿ ಅವರ ಪ್ರೀತಿ ಹಾರೈಕೆಗೆ ಪಾತ್ರನಾಗಿದ್ದಾನೆ ಹಿಟ್ಲರ್​. ದಿನೇ ದಿನೇ ಕತೆ ಸಖತ್​ ಇಂಟ್ರಸ್ಟಿಂಗ್​ ಆಗಿ ಸಾಗುತ್ತಿದ್ದು, ಲೀಲಾ-ಎಜೆ ದಾಂಪತ್ಯ ಜೀವನದಲ್ಲಿ ಭಿನ್ನಾಭಿಪ್ರಾಯಗಳ ಸುರಿಮಳೆಯಾಗುತ್ತಿದೆ.

ಸದ್ಯ ಹಿಟ್ಲರ್​ ಕಲ್ಯಾಣ ತಂಡ ಮತ್ತೊಂದು ಹೊಸ ಸುದ್ದಿ ನೀಡಿದ್ದು, ಎಜೆ ಎದುರಾಳಿಯಾಗಿ ಖಡಕ್​ ವಿಲನ್​ ಒಬ್ಬರು ಸೀರಿಯಲ್​ಗೆ ಎಂಟ್ರಿ ಕೊಡುತ್ತಿದ್ದಾರೆ. ಇಷ್ಟು ದಿನ ಎಜೆಯ ಪ್ರತಿ ಹೆಜ್ಜೆಗೂ ಮುಳ್ಳಾಗಿ ನಿಂತಿದ್ದ ದೇವ್​. ಇವನನ್ನೇ ಮೀರಿಸುವಂತಹ ಮತ್ತೊಂದು ಪಾತ್ರ ಬರುತ್ತಿದ್ದು, ಆ ಪಾತ್ರವನ್ನ ಬ್ರಹ್ಮಗಂಟು ಖ್ಯಾತಿಯ ನಟ ದತ್ತು ಅಲಿಯಾಸ್​ ಹರ್ಷ ಅವರು ನಿರ್ವಹಿಸಲಿದ್ದಾರೆ.

ಬ್ರಹ್ಮಗಂಟು ಸೀರಿಯಲ್​ನಲ್ಲಿ ಪಾಸಿಟಿವ್​ ಪಾತ್ರದ ಮೂಲಕ ಮನೆಮಾತಾಗಿದ್ದ ಹರ್ಷ ಅವರು ಹಿಟ್ಲರ್​ನ ಸಾಮ್ರಾಜ್ಯಕ್ಕೆ ಎಂಟ್ರಿ ಕೊಡುತ್ತಿದ್ದಾರೆ.

ಸದ್ಯ ಹಿಟ್ಲರ್​ ಕಲ್ಯಾಣದಲ್ಲಿ ಲೀಲಾ ಮತ್ತೊಂದು ಎಡವಟ್ಟು ಮಾಡಿಕೊಂಡಿದ್ದಾಳೆ. ತನ್ನನ್ನ ಮದುವೆಯಾಗಲೂ ಎಜೆಯೇ ತನ್ನ ತಂಗಿಯನ್ನ ಕಿಡ್ನಾಪ್​ ಮಾಡಿಸಿ, ಹೆದರಿಸಿ ನನ್ನ ಮದುವೆಯಾಗಿದ್ದಾನೆ ಎಂದು ಲೀಲಾ ರಂಪಾಟ ಮಾಡಿಕೊಂಡು. ರಾತ್ರೋರಾತ್ರಿ ಮನೆ ಬಿಟ್ಟು ಹೋಗಿದ್ದಾಳೆ. ಈ ನಡುವೆ ಲೀಲಾಳನ್ನ ಅಪಹರಿಸಲಾಗಿದೆ.

ಹೀಗೇ ಸಾಗುತ್ತಿರುವ ಕತೆಯಲ್ಲಿ ಇನ್ನೇನೂ ಹರ್ಷವರು ಎಂಟ್ರಿ ಕೊಡುತ್ತಿದ್ದು, ಹಿಟ್ಲರ್​-ಲೀಲಾಳ ಬದುಕಿನಲ್ಲಿ ಇನ್ಯಾವ ರಹಸ್ಯಗಳು ತೆರೆದುಕೊಳ್ಳಲಿವೇ ಎಂಬುದನ್ನ ಕಾದು ನೋಡಬೇಕು.

News First Live Kannada


Leave a Reply

Your email address will not be published. Required fields are marked *