ಹಿಮ ಪರ್ವತ ಏರಿ ನಿಂತ ಸಮಂತಾ..ಅರೇ ಇದೇನು ಹೊಸ ಅವತಾರ ಎಂದ ಫ್ಯಾನ್ಸ್​​..!


ಟಾಲಿವುಡ್​ ಸ್ಟಾರ್​ ಹೀರೋಯಿನ್​ ಸಮಂತಾ ಈಗ ಏನು ಮಾಡಿದರೂ ಅದು ದೊಡ್ಡ ಸುದ್ದಿಯಾಗುತ್ತಲೇ ಇದೆ. ನಾಗಚೈತನ್ಯ ಜೊತೆ ಡಿವೋರ್ಸ್​ ಆದ ನಂತರ ಸ್ಯಾಮ್​ ತುಂಬಾ ಆ್ಯಕ್ಟಿವ್​ ಆಗಿದ್ದಾರೆ. ‘ಪುಷ್ಪ’ ಸಿನಿಮಾದ ‘ಹೂ ಅಂತಿಯಾ’ ಸಾಂಗ್​ನಲ್ಲಿ ಮೈ ಚಳಿ ಬಿಟ್ಟು ಕುಣಿದು,ತಮ್ಮ ಸಿನಿ ಕೆರಿಯರ್​ನ ಸೆಕೆಂಡ್​ ಇನ್ನಿಂಗ್ಸ್​ನ್ನು ಭರ್ಜರಿಯಾಗಿ ಪ್ರಾರಂಭ ಮಾಡಿದ್ದಾರೆ. ಈ ಹಾಡಿನಲ್ಲಿ ಅಲ್ಲು ಅರ್ಜುನ್​ ಜೊತೆ ಸಖತ್​ ಹಾಟ್​ ಆಗಿ ಕಾಣಿಸಿಕೊಂಡಿದ್ದ ಸಮಂತಾರ ಮೇಲೆ, ಪಾಸಿಟಿವ್​ ಮತ್ತು ನೆಗೆಟಿವ್​ ಕಮೆಂಟ್​ಗಳ ಸುರಿಮಳೆಯಾಗಿತ್ತು. ಇದರ ಮಧ್ಯೆಯೂ ‘ಹೂ ಅಂತಿಯಾ’ ಹಾಡು ಸಖತ್​ ಹಿಟ್​ ಆಗಿತ್ತು.

ಸದ್ಯ ಸಮಂತಾ ತಮ್ಮ ಸ್ನೇಹಿತರೊಂದಿಗೆ ಸ್ವಿಟ್ಜರ್​ಲ್ಯಾಂಡ್​ ನಲ್ಲಿ ಬೀಡು ಬಿಟ್ಟಿದ್ದಾರೆ.ಸಮಂತಾ ತಮ್ಮ ಆತ್ಮೀಯ ಗೆಳತಿಯಾರಾದ ಸ್ನೇಹಾ ರೆಡ್ಡಿ ಮತ್ತು ಇತರರೊಂದಿಗೆ ಸ್ವಿಜರ್​ಲ್ಯಾಂಡಿನ ಸುಂದರ ವಾತಾವರಣದಲ್ಲಿ ಕಾಲ ಕಳೆಯುತ್ತಿದ್ದಾರೆ. ಸ್ವಿಟ್ಜರ್​ಲ್ಯಾಂಡ್​ಲ್ಲಿ ಎಂಜಾಯ್​ ಮಾಡುತ್ತಿರುವ ಸಮಂತಾ, ದಟ್ಟ ಹಿಮ ಗುಡ್ಡಗಳ ನಡುವೆ ಸ್ಕೇಯಿಂಗ್​ ಕಲಿಯುತ್ತಿದ್ದಾರೆ. ಹಿಮಗಳ ಮಧ್ಯೆ ಸ್ಕೇಯಿಂಗ್​ ಕಲಿಯಲು ಸಮಂತಾ ರೆಡಿಯಾಗಿರುವ ಫೋಟೋವನ್ನು ಸಾಮಾಜಿಕ ಜಾಲ ತಾಣದಲ್ಲಿ ಶೇರ್​ ಮಾಡಿದ್ದಾರೆ.ಯಾರೂ ಏನೇ ಅಂದ್ರು, ಯಾರು ಏನೇ ಮಾತಾಡಿದ್ರು, ಸಮಂತಾ ಮಾತ್ರ ತಮ್ಮ ಕೆಲಸಗಳನ್ನು ಮಾಡಿಕೊಂಡು,ಎಂಜಾಯ್​ ಮಾಡ್ತಿದ್ದಾರೆ.

ಸದ್ಯ ಸಮಂತಾ ಕೈಯಲ್ಲಿ ಸಾಲು ಸಾಲು ಸಿನಿಮಾಗಳ ಪಟ್ಟಿಯೇ ಇದೆ. ಶಾಕುಂತಲಾ, ಯಶೋಧ, ಸೇರಿ ಬಾಲಿವುಡ್​ನಲ್ಲಿ 2 ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.ಇದರ ಜೊತೆ ಹಾಲಿವುಡ್​ಗೂ ಹಾರಲು ಸಕಲ ಸಿದ್ಧತೆಗಳನ್ನು ಮಾಡಿಕೊಂಡಿದ್ದಾರೆ ಸಮಂತಾ.

News First Live Kannada


Leave a Reply

Your email address will not be published. Required fields are marked *