ಹೀಗೊಂದು ಔಟ್: ಮೊಬೈಲ್ ಜೇಬಿನಲ್ಲಿಟ್ಟುಕೊಂಡು ಔಟಾದ ಬ್ಯಾಟರ್ | Batsman given hit wicket after mobile phone falls on stumps


ಹೀಗೊಂದು ಔಟ್: ಮೊಬೈಲ್ ಜೇಬಿನಲ್ಲಿಟ್ಟುಕೊಂಡು ಔಟಾದ ಬ್ಯಾಟರ್

ಸಾಂದರ್ಭಿಕ ಚಿತ್ರ

ಕ್ರಿಕೆಟ್‌ನಲ್ಲಿ ಔಟಾಗುವ ನಿಯಮಗಳು ಬಹುತೇಕ ಎಲ್ಲರಿಗೂ ತಿಳಿದಿವೆ. ಬ್ಯಾಟರ್​ ಬೌಲ್ಡ್, ಕ್ಯಾಚ್ ಅಥವಾ ಎಲ್​ಬಿಡಬ್ಲ್ಯೂ, ರನೌಟ್ ಅಥವಾ ಹಿಟ್ ವಿಕೆಟ್ ವಿಧಾನದಿಂದ ಔಟ್ ಆಗುತ್ತಾರೆ. ಆದರೆ ಇಲ್ಲೊಬ್ಬ ಆಟಗಾರ ಮೊಬೈಲ್ ಔಟಾಗಿದ್ದಾರೆ ಎಂದರೆ ನಂಬಲೇಬೇಕು. ಅಂತಹದೊಂದು ವಿಚಿತ್ರ ಘಟನೆ ನಡೆದಿರುವುದು ಆಸ್ಟ್ರೇಲಿಯಾದಲ್ಲಿ. ಆಸ್ಟ್ರೇಲಿಯಾದ ಅಂಡರ್-16 ಪಂದ್ಯಾವಳಿಯಲ್ಲಿ (ಗ್ರಾಂಪಿಯನ್ಸ್ ಕ್ರಿಕೆಟ್ ಅಸೋಸಿಯೇಷನ್ ​​ಜೂನಿಯರ್ಸ್ ಅಂಡರ್-16 ಪಂದ್ಯಾವಳಿ) ಮಾರ್ಕಸ್ ಎಲಿಯಟ್ ಎಂಬ ಕಿರಿಯ ಕ್ರಿಕೆಟಿಗ ವಿಚಿತ್ರವಾಗಿ ಔಟ್ ಆಗಿ ಸುದ್ದಿಯಾಗಿದ್ದಾನೆ.

ಪೊಮೊನಾಲ್ ಹಾಗೂ ಯೂತ್ ಕ್ಲಬ್ ನಡುವಣ ಈ ಪಂದ್ಯದಲ್ಲಿ ಮಾರ್ಕಸ್ ಮೊಬೈಲ್​ನಿಂದಾಗಿ ಔಟಾದರು. ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಯೂತ್​ ಕ್ಲಬ್​ ತಂಡವು ಆರಂಭದಲ್ಲೇ ಮೂರು ವಿಕೆಟ್ ಕಳೆದುಕೊಂಡು ಆರಂಭಿಕ ಆಘಾತಕ್ಕೆ ಸಿಲುಕಿತ್ತು. ಇದೇ ವೇಳೆ ಮಾರ್ಕಸ್ ಎಲಿಯಟ್ ಕಣಕ್ಕಿಳಿದಿದ್ದರು. ಆದರೆ ಡ್ರೆಸಿಂಗ್​ ರೂಮ್​ನಲ್ಲಿದ್ದ ಮಾರ್ಕಸ್ ಮೊಬೈಲ್ ಅನ್ನು ಜೇಬಿನಲ್ಲಿಟ್ಟುಕೊಂಡಿರುವುದು ಮರೆತಿದ್ದ. ಇತ್ತ ವಿಕೆಟ್ ಬೀಳುತ್ತಿದ್ದಂತೆ ಕ್ರೀಸ್​ಗೆ ಆಗಮಿಸಿದ್ದ.

ಅದರಂತೆ ಬ್ಯಾಟ್ ಮಾಡುವ ವೇಳೆ ಜೇಬಿನಲ್ಲಿದ್ದ ಮೊಬೈಲ್ ವಿಕೆಟ್​ ಮೇಲೆ ಬಿದ್ದಿದೆ. ಅತ್ತ ಬೇಲ್ಸ್ ಬೀಳುತ್ತಿದ್ದಂತೆ ಪೊಮೊನಾಲ್ ವಿಕೆಟ್ ಕೀಪರ್ ಅಪೀಲ್ ಮಾಡಿದ್ದಾರೆ. ಇದಾದ ಬಳಿಕ ಅಂಪೈರ್ ನಿಯಮದ ಪ್ರಕಾರ ಹಿಟ್ ವಿಕೆಟ್ ನೀಡಿದರು. ಅದರಂತೆ ಮೊಬೈಲ್ ಮೂಲಕ ಹಿಟ್​ ವಿಕೆಟ್ ಆದ ಮೊದಲ ಆಟಗಾರ ಎಂಬ ದಾಖಲೆ ಮಾರ್ಕಸ್ ಎಲಿಯಟ್ ಪಾಲಾಯಿತು.

ಇನ್ನು ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಯೂತ್ ಕ್ಲಬ್ 35 ಓವರ್‌ಗಳಲ್ಲಿ 5 ವಿಕೆಟ್‌ ನಷ್ಟಕ್ಕೆ 195 ರನ್ ಗಳಿಸಿತ್ತು. ಇದಕ್ಕೆ ಉತ್ತರವಾಗಿ ಆತಿಥೇಯ ಪೊಮೊನಾಲ್ ತಂಡ 5 ವಿಕೆಟ್‌ಗೆ 139 ರನ್ ಗಳಿಸಲಷ್ಟೇ ಶಕ್ತವಾಯಿತು. ಈ ಮೂಲಕ ಯೂತ್​ ಕ್ಲಬ್ ಈ ಪಂದ್ಯವನ್ನು ಇನಿಂಗ್ಸ್ ಮುನ್ನಡೆಯ ಆಧಾರದ ಮೇಲೆ ಗೆದ್ದುಕೊಂಡಿತು. ಆದರೆ ಈ ಪಂದ್ಯವು ಮಾರ್ಕಸ್ ಅವರ ಹಿಟ್ ವಿಕೆಟ್ ನಿಂದಾಗಿ ಇತಿಹಾಸದ ಪುಟಗಳಲ್ಲಿ ದಾಖಲಾಗಿರುವುದು ವಿಶೇಷ.

TV9 Kannada


Leave a Reply

Your email address will not be published. Required fields are marked *