ಬಾಲಿವುಡ್​ ನಟ ಹೃತಿಕ್​ ರೋಷನ್ ನಟಿಯೊಬ್ಬರ ಜೊತೆ ಡೇಟಿಂಗ್​ ಮಾಡುತ್ತಿದ್ದಾರೆ ಎಂಬ ಸುದ್ದಿ ಬಿಟೌನ್​ ಅಂಗಳದಲ್ಲಿ ಹಬ್ಬಿದೆ. ಹೃತಿಕ್​ ರೋಷನ್​ 2000ರಲ್ಲಿ ನಟಿ ಸುಸೇನ್ ಖಾನ್ ಅವರನ್ನು ವಿವಾಹವಾಗಿದ್ದರು. ಇವರಿಗೆ ಇಬ್ಬರು ಮಕ್ಕಳು ಕೂಡ ಇದ್ದಾರೆ. ಆದರೆ ಕಾರಣಂತರಗಳಿಂದ 2014 ರಲ್ಲಿ ಈ ಜೋಡಿ ವಿಚ್ಛೇದನ ಪಡೆಯುವ ಮೂಲಕ ತಮ್ಮ 14 ವರ್ಷದ ಸಾಂಸಾರಿಕ ಜೀವನಕ್ಕೆ ಅಂತ್ಯ ಹಾಡಿದ್ದರು. ಡಿವೋರ್ಸ್​ ಬಳಿಕ ಈ ಜೋಡಿ ಅನೇಕ ಬಾರಿ ಒಟ್ಟಾಗಿ ಕಾಣಿಸಿಕೊಂಡಿದ್ದಾರೆ.

ಸದ್ಯ ಸಬಾ ಅಜಾದ್​ ಎಂಬ ನಟಿಯೊಂದಿಗೆ ಹೃತಿಕ್​ ಡೇಟಿಂಗ್​ ನಡೆಸುತ್ತಿದ್ದಾರೆ ಎಂದು ಎಲ್ಲೆಡೆ ಗುಲ್ಲೆದ್ದಿದೆ. ಇದಕ್ಕೆ ಸಾಕ್ಷಿ ಎಂಬತೆ ಈ ಜೋಡಿ ಇತ್ತೀಚಿಗೆ ಸಾರ್ವಜನಿಕವಾಗಿ ಒಟ್ಟಾರೆಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸದ್ಯ ಸಬಾ ಅಜಾದ್​ ಬಗ್ಗೆ ಹೃತಿಕ್​ ಮಾಜಿ ಪತ್ನಿ ಸುಸೇನ್ ಖಾನ್ ಮೆಚ್ಚುಗೆಯ ಮಾತುಗಳನ್ನಾಡಿ ಅಚ್ಚರಿ ಮೂಡಿಸಿದ್ದಾರೆ.

ಸಬಾ ಕಾರ್ಯಕ್ರಮವೊಂದರಲ್ಲಿ ಹಾಡಿದ ತುಣಕನ್ನು ಇನ್​​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿದ ಸುಸೇನ್ ಖಾನ್, ಅವರ ಹಾಡಿನ ಗಮ್ಮತಿಗೆ ಫಿದಾ ಆಗಿದ್ದಾರೆ. ಯೂ ಆರ್​ ಸೂಪರ್​ ಕೂಲ್, ನಿಮ್ಮ ಜೊತೆಗಿನ ಈ ಸಂಜೆ ಸುಂದರವಾಗಿದೆ ಎಂದು ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದಾರೆ. ಸುಸೇನ್​ ಖಾನ್​ ಪೋಸ್ಟ್​ಗೆ ಪ್ರತಿಕ್ರಿಯಿಸಿದ ಸಬಾ ನಿಮ್ಮ ಉಪಸ್ಥಿತಿಯಿಂದ ಈ ಸಂಜೆ ಇನ್ನಷ್ಟು ಮೆರಗಿನಿಂದ ಕೂಡಿತ್ತು ಎಂದಿದ್ದಾರೆ.