ಎಸ್.ಎಸ್.ರಾಜಮೌಳಿ ಬತ್ತಳಿಕೆಯಿಂದ ಹೊರ ಬರುತ್ತಿರುವ ಮತ್ತೊಂದು ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಅಂದ್ರೆ ಅದು ಥ್ರಿಬಲ್ ಆರ್. ಈಗಾಗಲೇ ಸಾಕಷ್ಟು ಸದ್ದು ಮಾಡುತ್ತಾ ಬಿಡುಗಡೆ ಸಿದ್ದವಾಗ್ತಿದೆ.. ಈ ಗ್ಯಾಫ್ನಲ್ಲಿ ಥ್ರಿಬಲ್ ಆರ್ ಸಿನಿ ಬಳಗ ಚಿತ್ರದ ಪಮೋಷನ್ ಕೆಲಸಕ್ಕು ಸಹಿ ಹಾಕಿದೆ. ಚಿತ್ರದ ಹಾಡುಗಳ ಮೂಲಕ ಪ್ರೇಕ್ಷಕರಿಗೆ ಆಮಂತ್ರಣ ನೀಡ್ತಿರುವ ರಾಜ್ಮೌಳಿ ಚಿತ್ರದ ಟಪ್ಪಾಂಗುಚ್ಚಿ ಹಾಡೊಂದನ್ನ ಪ್ರೇಕ್ಷಕರ ಅಡ್ಡದಲ್ಲಿ ಹರಿಬಿಟ್ಟಿದ್ದಾರೆ.
ರಾಜಮೌಳಿ ಅಂದ್ರೇನೆ ಹಾಗೆ, ಅವರ ಸಿನಿಮಾಗಳು ಹಾಗೆ..ಸಾಕಷ್ಟು ವಿಚಾರವಾಗಿ ಸದಾ ಸುದ್ದಿಯಲ್ಲಿ ಇದ್ದೇ ಇರುತ್ತವೆ ರಾಜ್ ಮೌಳಿ ಸಿನಿಮಾಗಳು. ಬಾಹುಬಲಿ -1 ಮತ್ತು ಬಾಹುಬಲಿ -2 ಸಿನಿಮಾ ನಂತ್ರ ರಾಜ್ ಮೌಳಿ ಮೇಲೆ ಚಿತ್ರ ಪ್ರೇಮಿಗಳ ನಿರೀಕ್ಷೆ ಮತ್ತಷ್ಟು ಹೆಚ್ಚಾಗಿದೆ. ಆ ಕಾರಣಕ್ಕಾಗಿಯೇ ಥ್ರಿಬಲ್ ಆರ್ ಸಿನಿಮಾದ ಮೇಲೆ ಪ್ರೇಕ್ಷಕ ಪ್ರಭುಗಳಲ್ಲ್ಲಿ ಅರಮನೆಯನ್ನೇ ಕಟ್ಟಿದೆ..
ಈಗಾಗಲೇ ಥ್ರಿಬಲ್ ಆರ್ ಸಿನಿಮಾದ ಎನ್. ಟಿ. ಆರ್. ಮತ್ತು ರಾಮ್ ಚರಣ್ ಇಂಟ್ರೋ ಟೀಸರ್, ಮತ್ತು ಮೇಕಿಂಗ್ ಗ್ಲಿಂಪಸ್ಗಳನ್ನು ಬಿಟ್ಟು, ಪ್ರೇಕ್ಷಕರ ಕುತೂಹಲ ಕೆರಳಿಸಿದ್ದ ರಾಜ್ಮೌಳಿ, ಈಗ ಮತ್ತೊಂದು ಬ್ರೇಕಿಂಗ್ ಲಿರಿಕಲ್ ಡ್ಯಾನ್ಸ್ ವೀಡಿಯೋವೊಂದನ್ನು ಬಿಟ್ಟು ಮತ್ತೆ ಸಾಮಾಜಿಕ ಜಾಲತಾಣದ ಸಾಗರದಲ್ಲಿ ಸಖತ್ ಸೌಂಡ್ ಮಾಡುತ್ತಿದ್ದಾರೆ..ಮೊನ್ನೆಯಷ್ಟೆ ಥ್ರಿಬಲ್ ಆರ್ ಸಿನಿಮಾದ ನಾಟು ನಾಟು ಸಾಂಗ್ ರಿಲೀಸ್ ಮಾಡಿತ್ತು ಚಿತ್ರ ತಂಡ..ಈ ಹಾಡಿನಲ್ಲಿ ರಾಮ್ಚರಣ್ ಮತ್ತು ಎನ್ಟಿಆರ್ ಹಾಕಿರುವ ಸ್ಟೆಪ್ಸ್ ಗೆ ಚಿತ್ರ ಪ್ರೇಮಿಗಳು ಫಿದಾ ಆಗಿದ್ದಲ್ಲದೆ, ಫೇಸ್ ಬುಕ್ ಮತ್ತು ಇನ್ಸ್ಟಾ ಗ್ರಾಂ ರೀಲ್ಸ್ಗಳಲ್ಲಿ ನಾಟು ನಾಟು ಹಾಡಿನ ಹವಾ ಜೋರಾಗೇ ಇದೆ.
ಸೋಶಿಯಲ್ ಸಾಗರದಲ್ಲಿ ನಾಟು ಸಾಂಗ್ ಹವಾ ಜೋರು
ಎನ್ಟಿಆರ್ ರಾಮ್ಚರಣ್ ಡ್ಯಾನ್ಸ್ಗೆ ಫ್ಯಾನ್ಸ್ ಫಿದಾ
ನಾಟು ನಾಟು ಹಾಡಿನಲ್ಲಿ ರಾಮ್ ಚರಣ್ ಮತ್ತು ಜೂ.ಎನ್ಟಿಆರ್ ಮೈ ಚಳಿ ಬಿಟ್ಟು ಸಖತ್ ಸ್ಟೆಪ್ ಹಾಕಿದ್ದಾರೆ..ಎಮ್.ಎಮ್.ಕೀರವಾಣಿ ನೀಡಿರುವ ಸಂಗೀತಕ್ಕೆ ಪ್ಲಸ್ ಇಬ್ಬರೂ ನಟರ ಭರ್ಜರಿ ಕುಣಿತಕ್ಕೆ ಸೋಶಿಯಲ್ ಸಾಗರದಲ್ಲಿ ಸದ್ಯ ಹಲ್ ಚಲ್ ಸೃಷ್ಟಿಯಾಗಿದೆ. ನಾಟು ಹಾಡು 5 ಭಾಷೆಗಳಲ್ಲಿ ರಿಲೀಸ್ ಆಗಿದ್ದು ಚಿತ್ರ ಪ್ರೇಮಿಗಳ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಲ್ಲದೆ, ಅಭಿಮಾನಿಗಳು ನಾಟು ಹಾಡಿನಲ್ಲಿ ರಾಮ್ ಚರಣ್ ಮತ್ತು ಎನ್. ಟಿ. ಆರ್. ರೀತಿಯೇ ಸ್ಟೆಪ್ ಹಾಕಿರುವ ವೀಡಿಯೋಗಳು ಈಗ ಸಖತ್ ವೈರಲ್ ಆಗಿದೆ.
ಚಿತ್ರ ಸೆಟ್ಟೇರಿದಾಗಿನಿಂದಲೂ ಸಾಕಷ್ಟು ವಿಚಾರವಾಗಿ ಸದ್ದು ಗದ್ದಲ ಮಾಡುತಿರುವ ಥ್ರಿಬಲ್ ಆರ್ ಸಿನಿಮಾ, ಮುಂದಿನ ವರ್ಷ ಜನವರಿ 7 ನೇ ತಾರೀಖು 5 ಭಾಷೆಗಳಲ್ಲಿ ತರೆಗೆ ಅಪ್ಪಳಿಸಲು ಸಖಲ ಸಿದ್ದತೆಗಳನ್ನು ಮಾಡಿಕೊಂಡಿದೆ,ಬಿಡುಗಡೆಗೂ ಮುನ್ನವೇ ಇಷ್ಟು ಹವಾ ಸೃಷ್ಟಿಸಿರೋ ಥ್ರಿಬಲ್ ಆರ್ ಸಿನಿಮಾ, ಬಿಡುಗಡೆ ನಂತ್ರ ಯಾವೆಲ್ಲಾ ದಾಖಲೆಗಳನ್ನು ತನ್ನ ತೆಕ್ಕೆಗೆ ಹಾಕಿಕೊಳ್ಳಲಿದೆ ಅಂತ ಕಾದು ನೋಡಬೇಕಿದೆ.
The post ಹೃದಯಕ್ಕೆ ನಾಟಿದ RRR ’ನಾಟು’ ಸಾಂಗ್.. ಹುಚ್ಚೆದ್ದು ಕುಣಿಯುತ್ತಿದ್ದಾರೆ ಫ್ಯಾನ್ಸ್ appeared first on News First Kannada.