ಇಂಡೋ-ಕಿವೀಸ್​​​ ಮೊದಲ ಟೆಸ್ಟ್​ ಪಂದ್ಯ ಕುತೂಹಲ ಘಟ್ಟ ತಲುಪಿದೆ. ಆದ್ರೆ, 2ನೇ ಇನ್ನಿಂಗ್ಸ್​​​​ನಲ್ಲೂ ಭಾರತದ ಈ ಬ್ಯಾಟರ್​​ಗಳ ಕಳಪೆ ಪ್ರದರ್ಶನ, ತಂಡವನ್ನ ಒತ್ತಡಕ್ಕೆ ಸಿಲುಕಿಸಿದೆ. ಹೀಗಾಗಿ ಪಂದ್ಯ ಮುಕ್ತಾಯಕ್ಕೂ ಮೊದಲೇ 2ನೇ ಟೆಸ್ಟ್​​​ಗೆ ಆಯ್ಕೆ ಕುರಿತ ಚರ್ಚೆಗಳು ಎದ್ದಿದೆ.

ಕಾನ್ಪುರದಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯ ಮುಕ್ತಾಯದ ಹಂತ ತಲುಪಿದೆ. ಇದರೊಂದಿಗೆ 2ನೇ ಟೆಸ್ಟ್​​​​ ಪಂದ್ಯಕ್ಕೆ ತಯಾರಿ ಕೂಡ ನಡೀತಿದೆ. ಮುಂಬೈನಲ್ಲಿ ನಡೆಯುವ ಈ ಪಂದ್ಯಕ್ಕೆ ನಾಯಕ ವಿರಾಟ್​ ಕೊಹ್ಲಿ ಕಮ್​ಬ್ಯಾಕ್​ ಮಾಡಲಿದ್ದು, ಯಾರ ಜಾಗವನ್ನ ರಿಪ್ಲೇಸ್​ ಮಾಡಲಿದ್ದಾರೆ ಅನ್ನೋದು ಪ್ರಶ್ನೆಯಾಗಿದೆ. ಅಜಿಂಕ್ಯಾ ರಹಾನೆ, ಚೇತೇಶ್ವರ್​​​ ಪೂಜಾರ, ಶ್ರೇಯಸ್​ ಅಯ್ಯರ್​ ಈ ಮೂವರಲ್ಲಿ ಯಾರು ಬೆಂಚ್​​ಗೆ ಸೀಮಿತರಾಗ್ತಾರೆ ಅನ್ನೋದು ಹಾಟ್​ ಟಾಪಿಕ್​ ಆಗಿದೆ.

ಎರಡನೇ ಇನ್ನಿಂಗ್ಸ್​​​ನಲ್ಲೂ ಕೈಕೊಟ್ಟ ಪೂಜಾರ ಮತ್ತು ರಹಾನೆ..!
26 ಮತ್ತು 22, 35 ಮತ್ತು 4.. ಇದು ಕ್ರಮವಾಗಿ ಚೇತೇಶ್ವರ್​​ ಪೂಜಾರ ಮತ್ತು ಅಜಿಂಕ್ಯಾ ರಹಾನೆ ಮೊದಲ ಟೆಸ್ಟ್​​ನ 2 ಇನ್ನಿಂಗ್ಸ್​​​​ನಲ್ಲಿ ಗಳಿಸಿರೋ ರನ್​​​ಗಳು. ಫಸ್ಟ್​​​ ಇನ್ನಿಂಗ್ಸ್​​ನಲ್ಲಿ ಫೇಲ್​​ ಆದ್ರೂ, 2ನೇ ಇನ್ನಿಂಗ್ಸ್​​​​ನಲ್ಲಾದ್ರೂ ಇವರು ಮಿಂಚ್ತಾರೆ ಅನ್ನೋ ಭರವಸೆ ಇತ್ತು. ಆದ್ರೆ, ಅನುಭವಿಗಳಾಗಿ ತಂಡವನ್ನ ಲೀಡ್​ ಮಾಡಬೇಕಿದ್ದ ಪೂಜಾರ-ರಹಾನೆ, ಬೇಜವಾಬ್ದಾರಿ ಆಟವನ್ನ ಮುಂದುವರೆಸಿದ್ದಾರೆ. ಹೀಗಾಗಿ ಈ ಇಬ್ಬರಲ್ಲೇ ಒಬ್ಬರು 2ನೇ ಟೆಸ್ಟ್​​ನಲ್ಲಿ​ ಬೆಂಚ್​ ಕಾಯಲಿದ್ದಾರೆ ಅನ್ನೋದು ಕ್ರಿಕೆಟ್​ ಎಕ್ಸ್​ಪರ್ಟ್​ಗಳ ಅಭಿಪ್ರಾಯವಾಗಿದೆ.

ಸೆಂಚುರಿ ಹೀರೋ ಅಯ್ಯರ್​​ಗೆ 4ನೇ ಸ್ಲಾಟ್​ ಫಿಕ್ಸ್​..?
ಹೌದು.! ಮೊದಲ ಇನ್ನಿಂಗ್ಸ್​​​​​​​​ನಲ್ಲಿ ಶತಕ ಸಿಡಿಸಿ, ಭಾರತದ ಮುನ್ನಡೆಗೆ ಕಾರಣವಾಗಿದ್ದ ಶ್ರೇಯಸ್​ ಅಯ್ಯರ್, 2ನೇ ಇನ್ನಿಂಗ್ಸ್​ನಲ್ಲಿ ಅರ್ಧಶತಕದ ಕಾಣಿಕೆ ನೀಡಿದ್ದಾರೆ. ಡೆಬ್ಯೂ ಮ್ಯಾಚ್​ನಲ್ಲಿ ಭರವಸೆ ಮೂಡಿಸಿದ್ರೂ, ಕೊಹ್ಲಿ ಕಮ್​​ಬ್ಯಾಕ್​ ಮಾಡಿದ ಬಳಿಕ ಅಯ್ಯರ್​ಗೆ ಬೆಂಚ್​ ಕಾಯೋದು ಕನ್ಫರ್ಮ್​ ಎಂಬ ಮಾತಿತ್ತು. ಆದರೆ ರಹಾನೆ ಮತ್ತು ಪೂಜಾರ ವೈಫಲ್ಯ, ಅಯ್ಯರ್​​ ಸ್ಥಾನವನ್ನ ಭದ್ರಪಡಿಸಿದೆ.

ರಹಾನೆ-ಪೂಜಾರ ಜೋಡಿಯ ಕೆಟ್ಟ ಪ್ರದರ್ಶನ ತಂಡದ ಹಿನ್ನಡೆಗೆ ಕಾರಣವಾಗಿದೆ. ಆದರೆ ಉಪನಾಯಕ ಅನ್ನೋ ಕಾರಣಕ್ಕೆ ರಹಾನೆಗೆ ತಂಡದ ಸ್ಥಾನ ಸಿಗೋ ಸಾಧ್ಯತೆಯಿದೆ. ಹಾಗಂತ ಪೂಜಾರ ಅನುಭವವನ್ನೂ ಕಡೆಗಣಿಸೋದು ಮ್ಯಾನೇಜ್​ಮೆಂಟ್​ ಪಾಲಿಗೆ ಕಷ್ಟವಾಗಿದೆ. ಹೀಗಾಗಿ ರಹಾನೆ ಮತ್ತು ಪೂಜಾರರನ್ನ ಇಬ್ಬರನ್ನೂ ಬೆಂಚ್​ಗೆ ಸೀಮಿತಗೊಳಿಸಿ, ಕೊಹ್ಲಿ ಜೊತೆಗೆ ಸೂರ್ಯಕುಮಾರ್​ ತಂಡಕ್ಕೆ ಎಂಟ್ರಿಯಾಗೋ ಸಾಧ್ಯತೆಯನ್ನೂ ತಳ್ಳಿ ಹಾಕುವಂತಿಲ್ಲ.