2ನೇ ಟೆಸ್ಟ್​ನಲ್ಲಿ ಕಿವೀಸ್ ಕಿವಿ ಹಿಂಡಿದ ಟೀಂ ಇಂಡಿಯಾದ ರೋಚಕ ಕ್ಷಣಗಳು ಹೇಗಿದ್ದವು..?


ಅಂತಿಮ ಟೆಸ್ಟ್​​​​​​ನ 2ನೇ ದಿನದಾಟದಲ್ಲಿ ಟೀಮ್​​ ಇಂಡಿಯಾ, ಪ್ರವಾಸಿ ನ್ಯೂಜಿಲೆಂಡ್​ ವಿರುದ್ಧ ಭರ್ಜರಿ ಮುನ್ನಡೆ ಸಾಧಿಸಿದೆ. ನಾಲ್ಕು ವಿಕೆಟ್​​ ನಷ್ಟಕ್ಕೆ 221 ರನ್​​ಗಳೊಂದಿಗೆ ದಿನದಾಟದ​ ಆರಂಭಿಸಿದ ಭಾರತವನ್ನ ಕಿವೀಸ್, 325 ರನ್​​​​​​ಗಳಿಗೆ ಕಟ್ಟಿಹಾಕಿತು. ​ಆದರೆ 2ನೇ ಇನ್ನಿಂಗ್ಸ್​​​​ನಲ್ಲಿ ಭಯಾನಕ ಬೌಲಿಂಗ್​​ ಮೂಲಕ ಕಿವೀಸ್ ಕಿವಿ ಹಿಂಡಿದ ಭಾರತ, ಕೇವಲ 62 ರನ್​​​ಗಳಿಗೆ ಆಲೌಟ್ ಮಾಡಿತು. ಆ ಮೂಲಕ 2ನೇ ಟೆಸ್ಟ್​​​​​​​ ಅನ್ನ ಟೀಮ್​ ಇಂಡಿಯಾ, ಸಂಪೂರ್ಣ ತನ್ನ ಹಿಡಿತಕ್ಕೆ ತೆಗೆದುಕೊಂಡಿತು.

ಕನ್ನಡಿಗ ಮಯಾಂಕ್ ಅಗರ್​ವಾಲ್​​​​ ಮನಮೋಹಕ 150 ರನ್
2ನೇ ದಿನವೂ ಅತ್ಯುತ್ತಮ ಬ್ಯಾಟಿಂಗ್‌ ಮುಂದುವರಿಸಿದ ಮಯಾಂಕ್‌ ಅಗರ್ವಾಲ್‌, ಕಿವೀಸ್‌ ಸ್ಪಿನ್ ದಾಳಿಯನ್ನ ಸಮರ್ಥವಾಗಿ ಎದುರಿಸಿದರು. ಈ ಹಿನ್ನೆಲೆ ಮನಮೋಹಕ 150 ರನ್​ಗಳಿಸಿ ಸಂಭ್ರಮಿಸಿದ ಮಯಾಂಕ್​, ತಂಡದ ಮೊತ್ತವನ್ನ 300ರ ಗಡಿ ದಾಟಿಸಲು ನೆರವಾದರು. ಎದುರಿಸಿದ 311 ಎಸೆತಗಳಲ್ಲಿ 4 ಸಿಕ್ಸರ್‌, 17 ಬೌಂಡರಿ ಸಿಡಿಸಿದ ಬೆಂಗಳೂರು ಹುಡುಗ​​, 150 ರನ್​​ ಗಳಿಸಿದ ಬೆನ್ನಲ್ಲೇ ವಿಕೆಟ್ ಒಪ್ಪಿಸಿ ನಿರ್ಗಮಿಸಿದರು.

ಇನ್ನಿಂಗ್ಸ್​​​ವೊಂದರಲ್ಲಿ 10 ವಿಕೆಟ್​ ಪಡೆದು ದಾಖಲೆ ಬರೆದ ಅಜಾಜ್​
ಟೆಸ್ಟ್ ಕ್ರಿಕೆಟ್‌ನ ಇನ್ನಿಂಗ್ಸ್‌ನಲ್ಲಿ ಎಲ್ಲಾ 10 ವಿಕೆಟ್‌ಗಳನ್ನು ಪಡೆದ ವಿಶ್ವದ 3ನೇ ಬೌಲರ್ ಎಂಬ ಹೆಗ್ಗಳಿಕೆಗೆ ಅಜಾಜ್​ ಪಟೇಲ್​​​ ಪಾತ್ರರಾಗಿದ್ದಾರೆ. ಈ ಹಿಂದೆ ಇಂಗ್ಲೆಂಡ್ ಬೌಲರ್ ಜಿಮ್ ಲೇಕರ್, ಕನ್ನಡಿಗ ಅನಿಲ್ ಕುಂಬ್ಳೆ ಈ ದಾಖಲೆ ಬರೆದಿದ್ದರು. ಭಾರತದ ಮೊದಲ ದಿನದಾಟದಲ್ಲಿ​​ 4 ವಿಕೆಟ್​ ಪಡೆದಿದ್ದ ಅಜಾಜ್,​ 2ನೇ ದಿನದ ಮೊದಲ ಸೆಷನ್​​​ನಲ್ಲೇ 6 ಉಳಿದ ವಿಕೆಟ್​ ಕಬಳಿಸಿ ಪಟೇಲ್ ಇತಿಹಾಸ ನಿರ್ಮಿಸಿದ್ದಾರೆ.

ಅಕ್ಷರ್​ ಪಟೇಲ್​ ಟೆಸ್ಟ್ ಕ್ರಿಕೆಟ್​ನಲ್ಲಿ ಚೊಚ್ಚಲ ಅರ್ಧಶತಕ
ಎದುರಾಳಿ ಬೌಲರ್​​​​​​ಗಳನ್ನ ಸಮರ್ಥವಾಗಿ ಎದುರಿಸುತ್ತಿದ್ದ ಮಯಾಂಕ್​​ಗೆ, ಅದ್ಭುತವಾಗಿ ಸಾಥ್​ ನೀಡಿದ ಅಕ್ಷರ್​ ಪಟೇಲ್​​, ಮೊದಲ ಅರ್ಧಶತಕವನ್ನ ಸಿಡಿಸಿದರು. 128 ಎಸೆತಗಳನ್ನ ಎದುರಿಸಿದ ಅಕ್ಷರ್​​ 5 ಬೌಂಡರಿ, 1 ಸಿಕ್ಸರ್​ ನೆರವಿನಿಂದ 52 ರನ್​​​ ಸಿಡಿಸಿ ತಂಡಕ್ಕೆ ಅತ್ಯುತ್ತಮ ಕೊಡುಗೆ ನೀಡಿದರು.

ಆರ್.ಅಶ್ವಿನ್ ಸ್ಪಿನ್​ ದಾಳಿಗೆ ತತ್ತರಿಸಿದ ಕಿವೀಸ್
ಭಾರತದ 325 ರನ್​​​​ಗಳಿಗೆ ಉತ್ತರಿಸಲಾಗದ ಕಿವೀಸ್, ಮೊದಲ ಇನ್ನಿಂಗ್ಸ್​​​ನಲ್ಲಿ 62 ರನ್​​ ಗಳಿಗೇ ಆಲ್​​ಔಟಾಯ್ತು. ಅದ್ರಲ್ಲೂ ಟೀಮ್​ ಇಂಡಿಯಾ ಬೌಲರ್​​​​ಗಳ, ಸಂಘಟಿತ ಬೌಲಿಂಗ್​ ದಾಳಿಗೆ ಪ್ರವಾಸಿ ತಂಡ ನಿರುತ್ತರವಾಯ್ತು. ಮೊಹಮ್ಮದ್​​ ಸಿರಾಜ್ 3 ವಿಕೆಟ್​​​​​​​​​​​​ ಪಡೆದರೆ, 4 ವಿಕೆಟ್​ ಕಬಳಿಸಿದ ಅಶ್ವಿನ್​ ಮಾರಕ ಸ್ಪಿನ್​​​​ ತಂತ್ರಕ್ಕೆ ಕಿವೀಸ್​ ಮಕಾಡೆ ಮಲಗಿತು. ಪರಿಣಾಮ 62 ರನ್​​ಗಳಿಗೆ ಕುಸಿದ ನ್ಯೂಜಿಲೆಂಡ್, ಭಾರೀ 263 ರನ್​​​ಗಳ ಹಿನ್ನಡೆ ಅನುಭವಿಸ್ತು.

2ನೇ ದಿನದಾಟ ಮುಕ್ತಾಯ- ಭಾರೀ ಮುನ್ನಡೆಯಲ್ಲಿ ಭಾರತ..!
263 ರನ್​​​​​ಗಳ ಮುನ್ನಡೆ ಪಡೆದ ಭಾರತ, ಎದುರಾಳಿಗೆ ಫಾಲೋ ಆನ್​ಹೇರದೆ, ಬ್ಯಾಟಿಂಗ್​ ಆರಂಭಿಸ್ತು. 2ನೇ ಇನ್ನಿಂಗ್ಸ್​​​​ನಲ್ಲೂ ಭರ್ಜರಿ ಆರಂಭ ಪಡೆದ ಟೀಮ್​ ಇಂಡಿಯಾ, 2ನೇ ದಿನದಾಟದ ಅಂತ್ಯಕ್ಕೆ ವಿಕೆಟ್​ ನಷ್ಟವಿಲ್ಲದೆ 69 ರನ್​ ಗಳಿಸಿದೆ. ಪೂಜಾರ ಅಜೇಯ 29 ಮತ್ತು ಮಯಾಂಕ್​ ಅಜೇಯ 38 ರನ್​ಗಳಿಸಿ, ಇಂದಿಗೆ ಕ್ರೀಸ್​ ಕಾಯ್ದುಕೊಂಡಿದ್ದಾರೆ. ಸದ್ಯ ಭಾರತ 332 ರನ್​​ಗಳ ಭಾರೀ​​ ಮುನ್ನಡೆ ಪಡೆದುಕೊಂಡಿದ್ದು, ಕಿವೀಸ್​​ಗೆ ಬೃಹತ್​ ಟಾರ್ಗೆಟ್​ ನೀಡುವ ಪ್ಲಾನ್​ ಹಾಕಿಕೊಂಡಿದೆ.

News First Live Kannada


Leave a Reply

Your email address will not be published. Required fields are marked *