ತಾಯ್ತನ ಅಂದ್ರೆನೇ ಅದ್ಭುತ. ಒಂದು ಅತ್ಯಮೂಲ್ಯವಾದ ಜೀವವನ್ನ ಧರಣಿಗೆ ಕೊಡುಗೆ ನೀಡಿದ ಕೀರ್ತಿ ಸಲ್ಲುವುದು ತಾಯಿಗೆ. ಹೆಣ್ಣಿಗೆ ಮರು ಜನ್ಮ ಪಡೆಯುವ ಆ ಕ್ಷಣ ಮರೆಯಲಾರದ ಅಮೃತ ಘಳಿಗೆ. ಈಗ ಅದೇ ಮಧುರ ಕ್ಷಣವನ್ನ ಮೇಲಕು ಹಾಕಿದ್ದಾರೆ ಜೊತೆ ಜೊತೆಯಲ್ಲಿ ಖ್ಯಾತಿಯ ನಟಿ ನಯನಾ…

ನಯನಾ ತಮ್ಮ ಇನ್​ಸ್ಟಾ ಪೇಜ್​ನಲ್ಲಿ ಪ್ರೇಗ್ನನ್ಸಿ ದಿನಗಳ ಬಗ್ಗೆ ಬರೆದುಕೊಂಡಿದ್ದು, ತಾಯಿಯಾಗುವ ಸಮಯದಲ್ಲಿ ಆಗುತ್ತಿದ್ದ ದೈಹಿಕ, ಮಾನಸಿಕ ಬದಲಾವಣೆಗಳನ್ನ ಮನಸಾರೆ ಎಂಜಾಯ್​ ಮಾಡುತ್ತಿದ್ದೆ. ಈಗ ಪ್ರಯಾಣ್​ 2 ವರ್ಷದವನಾಗಿದ್ದು, ತಾಯ್ತನದ ಪ್ರತಿಯೊಂದು ಕ್ಷಣಗಳನ್ನ ಆನಂದಿಸುತ್ತಿದ್ದಾರಂತೆ….

ಪ್ರೇಗ್ನೆನ್ಸಿ ಟೈಮ್​ ಎಲ್ಲರೂ ತುಂಬಾನೇ ಪ್ಯಾಂಪರ್​ ಮಾಡುತ್ತಿದ್ದರು. ಕಾಳಜಿಯಿಂದ ನೋಡಿಕೊಳ್ಳುತ್ತಿದ್ದರು. ಈಗ ಅದೆಲ್ಲವನ್ನು ಮಿಸ್​ ಮಾಡಿಕೊಳ್ಳುತ್ತಿದ್ದೇನೆ. ಈಗಲೂ ಪ್ರೀತಿ..ಕಾಳಜಿ ತೊರಿಸ್ತಾರೆ. ಆದ್ರೇ ಆ ಅನುಭವವೇ ಬೇರೆ ಎಂದು ಬರೆದಿದ್ದಾರೆ.

ಸೋಷಿಯಲ್​ ಮಿಡಿಯಾದಲ್ಲಿ ಆ್ಯಕ್ಟಿವ್​ ಆಗಿರುವ ನಟಿ, ಗರ್ಭಾವಸ್ಥೆಯಲ್ಲಿ ತುಂಬಾ ಆಕ್ಟಿವ್​ ಆಗಿದ್ದರು. ಅಭಿಮಾನಿಗಳಿಗೆ ತಮ್ಮ ದಿನಚರಿಯ ಬಗ್ಗೆ ಸದಾ ಅಪ್​ಡೆಟ್​ ನೀಡ್ತಾನೆ ಇರ್ತಾರೆ. ಲೇಬರ್ ವಾರ್ಡ್‌ಗೆ ಹೋಗುವ ಮುನ್ನ ಕೂಡ ಇನ್​ಸ್ಟಾದಲ್ಲಿ ಫೋಟೋ ಹಂಚಿಕೊಂಡಿದ್ದರು ನಯನಾ..

ಲೆಕ್ಚರರ್​ ಆಗಿದ್ದ ನಯನಾ ಅವರು ಕೆಲಾದೇವಿಗೆ ಶರಣಾಗಿ ನಟಿಯಾದರು. ಪುಟ್ಟ ಗೌರಿ ಮದುವೆ ಧಾರಾವಾಹಿ ಮೂಲಕ ಅಭಿನಯ ಪ್ರಾರಂಭಿಸಿದ ನಯನಾ ಆರಂಭದಲ್ಲಿ ಹಿಮಾ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಕಾರಣಾಂತರಗಳಿಂದ ಆ ಪಾತ್ರವನ್ನ ನಟಿ ನಮ್ರತಾ ಗೌಡ ನಿರ್ವಹಿಸಿದರು.

ನಂತರ ಅವರು ಸತ್ಯಂ ಶಿವಂ ಸುಂದರಂ, ಮನೆದೇವ್ರು, ಇಂತಿ ನಿಮ್ಮ ಆಶಾ ಸೇರಿದಂತೆ ಅನೇಕ ಸೀರಿಯಲ್​ಗಳಲ್ಲಿ ಕಾಣಿಸಿಕೊಂಡರು. ಸದ್ಯ ನಯನಾ ಜೊತೆ ಜೊತೆಯಲಿ ಸೀರಿಯಲ್​ನ ಮಾನ್ಸಿ ಪಾತ್ರವನ್ನ ನಿರ್ವಹಿಸುತ್ತಿದ್ದಾರೆ.

News First Live Kannada