ಕಳೆದ ಐಪಿಎಲ್​​ ಸೀಸನ್​​ನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ್ದರು ಆಲ್​ರೌಂಡರ್ ವೆಂಕಟೇಶ್ ಅಯ್ಯರ್. ಇದರಿಂದಲೇ ನ್ಯೂಜಿಲೆಂಡ್​​​ ವಿರುದ್ಧ ಟಿ20 ಸರಣಿಗೆ ಟೀಮ್ ಇಂಡಿಯಾದಲ್ಲಿ ವೆಂಕಟೇಶ್ ಅಯ್ಯರ್​​ ಅವಕಾಶ ಗಿಟ್ಟಿಸಿಕೊಂಡಿದ್ದರು.

ಈಗ ಟೀಂ ಇಂಡಿಯಾ ಕೋಚ್​ ರಾಹುಲ್ ದ್ರಾವಿಡ್​ ಮತ್ತು ನಾಯಕ ರೋಹಿತ್ ಶರ್ಮಾ ತಮ್ಮನ್ನು ಸರಣಿಯುದ್ದಕ್ಕೂ ಬೆಂಬಲಿಸಿದರು ಎಂದು ವೆಂಕಟೇಶ್​​ ಅಯ್ಯರ್​ ಹೇಳಿದ್ದಾರೆ. ಈ ಸಂಬಂಧ ಮಾತಾಡಿದ ಅವರು, ದ್ರಾವಿಡ್ ಮತ್ತು ರೋಹಿತ್ ಶರ್ಮಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ನನ್ನ ಪಾಲಿಗೆ ಇದೊಂದು ಅವಿಸ್ಮರಣೀಯ ಸರಣಿ. ಭಾರತದ ಜರ್ಸಿ ತೊಡುವ ಕನಸು ಕೊನೆಗೂ ನನಸಾಗಿದೆ. ಅದರಲ್ಲೂ ಪದಾರ್ಪಣೆ ಸರಣಿಯನ್ನ ಕ್ಲೀನ್ ಸ್ವೀಪ್​ ಮೂಲಕ ಗೆದ್ದಿರುವುದು ತುಂಬಾ ಖುಷಿಯಾಗಿದೆ ಎಂದು ಹೇಳಿದರು.

ಸರಣಿ ಗೆದ್ದ ಬಳಿಕ ಸೆಲೆಬ್ರೇಷನ್ ವೇಳೆ ರೋಹಿತ್ ಭಾಯ್​ ಟ್ರೋಫಿಯನ್ನು ನನಗೆ ನೀಡಿ ಉತ್ತಮವಾಗಿ ಆಡಿದ್ದೀಯಾ ಎಂದರು. ನನಗೆ ತಂಡದಲ್ಲಿ ಹಿರಿಯ ಆಟಗಾರರಿಂದ ಸಾಕಷ್ಟು ಬೆಂಬಲ ಸಿಕ್ಕಿತು. ನಾಯಕ ರೋಹಿತ್ ಶರ್ಮಾ ಮತ್ತು ಕೋಚ್​ ದ್ರಾವಿಡ್​ ಸರ್​ ತುಂಬಾ ಪ್ರೋತ್ಸಾಹ ನೀಡಿದರು ಎಂದು ಆಲ್​ರೌಂಡರ್​ ಹೇಳಿಕೊಂಡಿದ್ದಾರೆ.

The post ಆಲ್​​ ರೌಂಡರ್​​ ವೆಂಕಟೇಶ್​​ ಅಯ್ಯರ್​​ ಬೆನ್ನು ತಟ್ಟಿದ ಕ್ಯಾಪ್ಟನ್​​ ರೋಹಿತ್​​, ಕೋಚ್​​ ದ್ರಾವಿಡ್​​ appeared first on News First Kannada.

News First Live Kannada