65 ವರ್ಷಗಳ ಬಳಿಕ ಆಸ್ಟ್ರೇಲಿಯಾ ತಂಡಕ್ಕೆ ಫಾಸ್ಟ್​ ಬೌಲರ್ ಕ್ಯಾಪ್ಟನ್​​​


ಆ್ಯಷಸ್​ ಟೆಸ್ಟ್​ ಸರಣಿಗೂ ಮುನ್ನ ಆಸ್ಟ್ರೇಲಿಯಾ ನೂತನ ನಾಯಕ ಮತ್ತು ಉಪ ನಾಯಕನನ್ನ ನೇಮಿಸಿದೆ. ಟೆಸ್ಟ್​​​​​ ತಂಡದ ನೂತನ ನಾಯಕನಾಗಿ ವೇಗಿ ಪ್ಯಾಟ್ ಕಮಿನ್ಸ್ ನೇಮಕಗೊಂಡಿದ್ದರೆ, ಉಪನಾಯಕನಾಗಿ ಸ್ಟೀವ್ ಸ್ಮಿತ್​ ಆಯ್ಕೆಯಾಗಿದ್ದಾರೆ. ಹಾಗೇ 47ನೇ ಟೆಸ್ಟ್​​ ನಾಯಕನಾಗಿ ಆಯ್ಕೆಯಾಗುವ ಮೂಲಕ ಕಮಿನ್ಸ್​​​​ ಸಾಧನೆಯೊಂದನ್ನೂ ಮಾಡಿದ್ದಾರೆ.

65 ವರ್ಷಗಳ ನಂತರ ವೇಗಿಯೊಬ್ಬ ಟೆಸ್ಟ್​ ತಂಡವನ್ನ ಮುನ್ನಡೆಸುವ ಜವಾಬ್ದಾರಿ ವಹಿಸಿಕೊಂಡಿದ್ದು, ವೇಗಿ ರಿಚಿ ಬೆನಾಡ್ ನಂತರ ಟೆಸ್ಟ್​​​​​​​​ ಮುನ್ನಡೆಸಿದ ಮೊದಲ ಬೌಲರ್ ಆಗಿದ್ದಾರೆ. ಲೈಂಗಿಕ ಹಗರಣದ ನಂತರ ಟಿಮ್ ಪೈನ್ ಟೆಸ್ಟ್ ನಾಯಕತ್ವಕ್ಕೆ ರಾಜೀನಾಮೆ ನೀಡಿದ್ರು. ಹಾಗಾಗಿ ಸುಮಾರು ಎರಡು ವರ್ಷಗಳ ಕಾಲ ಉಪನಾಯಕನಾಗಿದ್ದ ಕಮಿನ್ಸ್, ಇದೀಗ ನಾಯಕನಾಗಿ ಬಡ್ತಿ ಪಡೆದಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಕಮಿನ್ಸ್​, ಮೊದಲಿಗೆ ಕ್ರಿಕೆಟ್​ ಆಸ್ಟ್ರೇಲಿಯಾಗೆ ಧನ್ಯವಾದ ಹೇಳಿದ್ದಾರೆ. ಈ ಜವಾಬ್ದಾರಿ ಆ್ಯಷಸ್​ ಸರಣಿಗೆ ಒಲಿದು ಬಂದಿರೋದು ಅತ್ಯಂತ ಸವಾಲಿನದ್ದು. ಅದಕ್ಕಾಗಿ ಸಾಕಷ್ಟು ತಯಾರಿ ಮಾಡಿಕೊಳ್ಳಬೇಕು ಎಂದು ಹೇಳಿದ್ದಾರೆ.

News First Live Kannada


Leave a Reply

Your email address will not be published. Required fields are marked *