8 Years Of Modi Government: ಆರೋಗ್ಯ ವರ್ಧನೆಗೆ ಮೋದಿ ಬಿಟ್ಟ ಇಂದ್ರಧನುಷ್ ಎಂಬ ಬಾಣದ ಸುತ್ತ | 8 Years of Modi Government Indradhanush Scheme introduced by PM Modi led NDA Government; Know the Scheme, benefits and how to apply online


Mission Indradhanush: ಪ್ರಧಾನಿ ನರೇಂದ್ರ ಮೋದಿ( Narendra Modi) ನೇತೃತ್ವದ ಕೇಂದ್ರ ಸರ್ಕಾರವು ಇದೇ ಮೇ 26 ರಂದು 8 ವರ್ಷಗಳನ್ನು ಪೂರೈಸಲಿದೆ. ಎನ್​ಡಿಎ ಸರ್ಕಾರವು ಈ 8 ಷರ್ವಗಳ ಅವಧಿಯನ್ನು ವಿಜ್ಞಾನ, ಶಿಕ್ಷಣ, ಆರೋಗ್ಯ, ಕೃಷಿ, ವಿದೇಶ ವ್ಯವಹಾರ, ಸಾಮಾಜಿಕ ನ್ಯಾಯ ಮತ್ತು ಸಾಮಾಜಿಕ ಭದ್ರತೆಗೆ ಮೀಸಲಿಡಲಾಗಿದೆ.

ಪ್ರಧಾನಿ ನರೇಂದ್ರ ಮೋದಿ( Narendra Modi) ನೇತೃತ್ವದ ಕೇಂದ್ರ ಸರ್ಕಾರವು ಇದೇ ಮೇ 26 ರಂದು 8 ವರ್ಷಗಳನ್ನು ಪೂರೈಸಲಿದೆ. ಎನ್​ಡಿಎ ಸರ್ಕಾರವು ಈ 8 ಷರ್ವಗಳ ಅವಧಿಯನ್ನು ವಿಜ್ಞಾನ, ಶಿಕ್ಷಣ, ಆರೋಗ್ಯ, ಕೃಷಿ, ವಿದೇಶ ವ್ಯವಹಾರ, ಸಾಮಾಜಿಕ ನ್ಯಾಯ ಮತ್ತು ಸಾಮಾಜಿಕ ಭದ್ರತೆಗೆ ಮೀಸಲಿಡಲಾಗಿದೆ.

ಅದರಲ್ಲಿ ಮಿಷನ್ ಇಂದ್ರಧನುಷ್( Mission Indradhanush) ಯೋಜನೆ ಕೂಡ ಒಂದಾಗಿದ್ದು, ಆರ್ಥಿಕ, ಆರೋಗ್ಯ ಮತ್ತು ಸಾಮಾಜಿಕ ಭದ್ರತೆಯ ವಿಷಯದಲ್ಲಿ ಸಮಾಜದ ಎಲ್ಲಾ ವರ್ಗಗಳಿಗೂ ನೇರವಾಗಿ ಪ್ರಯೋಜನವಾಗಲು ಹಲವಾರು ಯೋಜನೆಗಳನ್ನು ಯಶಸ್ವಿಯಾಗಿ ಅವರ ಬಳಿ ತಲುಪಿಸಿದೆ.
ಇಂದ್ರಧನುಷ್ ಯೋಜನೆ ಎಂದರೇನು?, ಅದರ ಪ್ರಯೋಜನಗಳೇನು? ಎಂಬುದನ್ನು ನೋಡೋಣ..
ಪ್ರ

ಧಾನ ಮಂತ್ರಿ ಮಿಷನ್ ಇಂದ್ರಧನುಷ್ ಅಭಿಯಾನವನ್ನು 2014ರ ಡಿಸೆಂಬರ್‌ 25 ರಂದು ಆರಂಭಿಸಲಾಯಿತು. ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಈ ಯೋಜನೆಯನ್ನು ಅನುಷ್ಠಾನಕ್ಕೆ ತಂದಿತ್ತು. ಲಸಿಕೆ ಹಾಕದ ಮಕ್ಕಳಿಗೆ ಲಸಿಕೆ ಹಾಕುವುದು ಮತ್ತು 2022ರ ಅಂತ್ಯದೊಳಗೆ ಈ ಯೋಜನೆಯನ್ನು ಪೂರ್ಣಗೊಳಿಸುವುದು ಮಿಷನ್ ಇಂದ್ರಧನುಷ್‌ನ ಮುಖ್ಯ ಉದ್ದೇಶವಾಗಿದೆ.

ರೋಗ ನಿರೋಧಕ ಶಕ್ತಿ ಹೆಚ್ಚಳ
2019 ರಿಂದ 2021ರವರೆಗೆ 12 ರಿಂದ 23 ವರ್ಷದೊಳಗಿನವರಲ್ಲಿ ಶೇ.76.4ರಷ್ಟು ರೋಗ ನಿರೋಧಕ ಶಕ್ತಿ ಹೆಚ್ಚಿಸಲಾಗಿದೆ. ಏಪ್ರಿಲ್ 2021 ರಿಂದ ಫೆಬ್ರವರಿ 2022ರವರೆಗೆ 30 ಲಕ್ಷ ಮಕ್ಕಳಿಗೆ ಲಸಿಕೆ ನಿಡಲಾಗಿದೆ. ಒಟ್ಟು ಐದು ಹಂತದವರೆಗೆ ಸುಮಾರು 4 ಲಕ್ಷ ಮಕ್ಕಳು ಹಾಗೂ ಸುಮಾರು 1 ಕೋಟಿ ಗರ್ಭಿಣಿಯರಿಗೆ ಲಸಿಕೆ ನೀಡಲಾಗಿದೆ.

2020ರಲ್ಲಿ 5 ವರ್ಷದೊಳಗಿನ ಮಕ್ಕಳು ಸಾವನ್ನಪ್ಪುವ ಪ್ರಮಾಣ ಶೇ.33ರಷ್ಟು ಕುಸಿದಿದೆ. ದೇಶದಲ್ಲಿ ಒಟ್ಟು 700 ಜಿಲ್ಲೆಗಳಿದ್ದು, ಇಂದ್ರ ಧನುಷ್ ಯೋಜನೆಯು 10 ಹಂತಗಳನ್ನು ಪೂರೈಸಿದೆ. ಹಾಗೂ ಈ ಯೋಜನೆಯು ಪ್ರತಿ ವರ್ಷ 3 ಕೋಟಿ ಗರ್ಭಿಣಿಯರು ಹಾಗೂ 2.6 ನವಜಾತ ಶಿಶುಗಳನ್ನು ತಲುಪುವ ಗುರಿ ಹೊಂದಿದೆ.

ಕಾಮನಬಿಲ್ಲಿನ ಬಣ್ಣಗಳು ಏಳು ರೋಗಗಳನ್ನು ಪ್ರತಿನಿಧಿಸುತ್ತೆ
ಇಂದ್ರಧನುಷ್‌ ಎಂದರೆ ಇದು ಕಾಮನಬಿಲ್ಲಿನ ಏಳು ಬಣ್ಣಗಳನ್ನು ಪ್ರತಿನಿಧಿಸುತ್ತದೆ. ಅಂದರೆ, ಮಕ್ಕಳಲ್ಲಿ ಕಾಣಿಸುವ ಅಪಾಯಕಾರಿ ಏಳು ರೋಗಗಳನ್ನು ಈ ಏಳು ಬಣ್ಣಗಳು ಪ್ರತಿನಿಧಿಸುತ್ತವೆ. ಭಾರತದಲ್ಲಿ 2009 ಮತ್ತು 2013 ರ ನಡುವೆ, ವ್ಯಾಕ್ಸಿನೇಷನ್ ಪ್ರಮಾಣ ಶೇ. 61 ರಿಂದ ಶೇ.65ಕ್ಕೆ ಏರಿಕೆಯಾಗಿದೆ. ಕಳೆದ ಏಳು ವರ್ಷಗಳಲ್ಲಿ ಪ್ರತಿ ವರ್ಷ ಶೇ.1ರಷ್ಟು ಮಾತ್ರವೇ ಏರಿಕೆಯಾಗುತ್ತಿದೆ.

ಲಸಿಕೆ ಪ್ರಮಾಣ ಕಡಿಮೆ
ಜನಸಂಖ್ಯೆ ಹೆಚ್ಚಳಕ್ಕೆ ಹೋಲಿಸಿದರೆ, ವ್ಯಾಕ್ಸಿನೇಷನ್ ಹೆಚ್ಚಳದ ಪ್ರಮಾಣ ತುಂಬಾ ಕಡಿಮೆ ಇದೆ. ಹೀಗಾಗಿ ಮಾರಕ ರೋಗಗಳು ಮಕ್ಕಳ ಸಾವಿಗೆ ಕಾರಣವಾಗುತ್ತಿದೆ. ಈ ಸಮಸ್ಯೆಯನ್ನು ವ್ಯಾಕ್ಸಿನೇಷನ್ ಮೂಲಕ ಮಾತ್ರವೇ ತಡೆ ಹಿಡಿಯಬಹುದು. ಈ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ಲಸಿಕೆ ಅಭಿವೃದ್ಧಿಯನ್ನು ವೇಗಗೊಳಿಸಲು ಈ ಯೋಜನೆಯನ್ನು ಪರಿಚಯಿಸಿದೆ. ಪ್ರಧಾನ ಮಂತ್ರಿ ಮಿಷನ್ ಇಂದ್ರಧನುಷ್ ಅಭಿಯಾನವು ಈ ಏಳು ರೋಗಗಳಿಗೆ ಲಸಿಕೆಯನ್ನು ಪಡೆಯುವ ಅಭಿಯಾನವನ್ನು ಹೊಂದಿದೆ. ಈ 7 ರೋಗಗಳನ್ನು ಲಸಿಕೆಯಿಂದ ಮಾತ್ರವೇ ತಡೆಯಬಹುದಾಗಿದೆ.

  • ಏಳು ರೋಗಗಳು
  • ಒಣ ಕೆಮ್ಮು
  • ದಡಾರ
  • ಪೋಲಿಯೋ
  • ಡಿಫ್ತೀರಿಯಾ
  • ಹೆಪಟೈಟಿಸ್ ಬಿ
  • ಧನುರ್ವಾಯು
  • ಕ್ಷಯ ರೋಗ

ಪ್ರಧಾನ ಮಂತ್ರಿ ರೇನ್‌ಬೋ (ಇಂದ್ರ ಧನುಷ್‌) ಮಿಷನ್ ಅಭಿಯಾನ
ಇಂದ್ರಧನುಷ್ ಮಿಷನ್ ಅಭಿಯಾನದಲ್ಲಿ ಕೆಲವು ಆಯ್ದ ರಾಜ್ಯಗಳಲ್ಲಿ ಹಿಮೋಫಿಲಸ್ ಇನ್‌ಫ್ಲುಯೆಂಜಾ ಟೈಪ್ B (HIB) ಮತ್ತು ಜಪಾನೀಸ್ ಎನ್ಸೆಫಾಲಿಟಿಸ್ (JE) ಗಾಗಿ ಲಸಿಕೆಗಳನ್ನು ನೀಡಲಾಗಿದೆ. ಪ್ರಧಾನಮಂತ್ರಿ ಮಿಷನ್ ಇಂದ್ರಧನುಷ್ ಅಭಿಯಾನ ಯೋಜನೆಯನ್ನು ಮೂರು ಹಂತಗಳಲ್ಲಿ ಜಾರಿಗೊಳಿಸಲಾಗಿದೆ. ಮೂರು ಹಂತಗಳ ವಿವರವಾದ ಮಾಹಿತಿಯು ಈ ಕೆಳಗಿನಂತಿದೆ:

ಮೊದಲ ಹಂತ: ಇಂದ್ರಧನುಷ್ ಯೋಜನೆಯನ್ನು 2015ರ ಏಪ್ರಿಲ್‌ 7 ರಂದು ಮಿಷನ್ ಇಂದ್ರಧನುಷ್‌ನ ಮೊದಲ ಹಂತದವನ್ನು ಆರಂಭಿಸಲಾಯಿತು. ಈ ಯೋಜನೆಯಡಿ ಭಾರತದಾದ್ಯಂತ 28 ರಾಜ್ಯಗಳ 201 ಜಿಲ್ಲೆಗಳಲ್ಲಿ ಲಸಿಕೆ ಹಾಕಿಸದ ಮಕ್ಕಳನ್ನು ಗುರುತಿಸಲಾಯಿತು. ವಿಶೇಷವಾಗಿ ಇಂತಹ ಮಕ್ಕಳಿಗೆ ಲಸಿಕೆ ಹಾಕಲಾಯಿತು.

ಮಿಷನ್ ಇಂದ್ರಧನುಷ್ ಯೋಜನೆಯ ಈ ಹಂತವನ್ನು 4 ಭಾಗಗಳಾಗಿ ವಿಂಗಡಿಸಲಾಗಿದೆ, ಇದರಲ್ಲಿ ಮೊದಲನೆಯದನ್ನು ಏಪ್ರಿಲ್ 7 ರಂದು ಪ್ರಾರಂಭಿಸಲಾಯಿತು, ನಂತರ ಎರಡು, ಮೂರು ಮತ್ತು ನಾಲ್ಕನೇ ಹಂತಗಳನ್ನು ಕ್ರಮವಾಗಿ ಮೇ 7, ಜೂನ್ 1, ಜುಲೈ 1ರಂದು ಆರಂಭಿಸಲಾಯಿತು. ಪ್ರತಿ ಹಂತದಲ್ಲಿಯೂ ಒಂದು ವಾರ ಅಭಿಯಾನ ಹಮ್ಮಿಕೊಳ್ಳಲಾಯಿತು.

ಇಂದ್ರಧನುಷ್ ಮಿಷನ್ ಯೋಜನೆಯ ಮೊದಲ ಹಂತದ ಕಾರ್ಯಗಳು
ಪ್ರಧಾನಮಂತ್ರಿ ಕಾಮನಬಿಲ್ಲು ಮಿಷನ್ ಯೋಜನೆಯಡಿ ಎಲ್ಲಾ ಮಕ್ಕಳಿಗೆ ಅತಿಸಾರದಂತಹ ಕಾಯಿಲೆಗಳಿಂದ ರಕ್ಷಿಸಲು 16 ಲಕ್ಷಕ್ಕೂ ಹೆಚ್ಚು ಒಆರ್‌ಎಸ್ ಪ್ಯಾಕೆಟ್‌ಗಳು ಮತ್ತು 57 ಲಕ್ಷಕ್ಕೂ ಹೆಚ್ಚು ಜಿಂಕ್ ಮಾತ್ರೆಗಳನ್ನು ಉಚಿತವಾಗಿ ವಿತರಿಸಲಾಯಿತು.

ಈ ಯೋಜನೆಯಡಿ, ಈ ಎಲ್ಲಾ ನಾಲ್ಕು ಭಾಗಗಳ ಜೋಡಣೆಯನ್ನು ಆಯೋಜಿಸಲು ಸುಮಾರು 9 ಲಕ್ಷಗಳನ್ನು ಖರ್ಚು ಮಾಡಲಾಗಿದೆ.
ಇಂದ್ರಧನುಷ್ ಮಿಷನ್ ಸಮಯದಲ್ಲಿ, 20 ಲಕ್ಷಕ್ಕೂ ಹೆಚ್ಚು ಟೆಟನಸ್ ಲಸಿಕೆಗಳನ್ನು ಗರ್ಭಿಣಿಯರಿಗೆ ನೀಡಲಾಯಿತು ಮತ್ತು ಅದರ ನಂತರ 75 ಲಕ್ಷ ಮಕ್ಕಳಿಗೆ ಲಸಿಕೆ ನೀಡಲಾಯಿತು, ಇದರ ಅಡಿಯಲ್ಲಿ 20 ಲಕ್ಷ ಮಕ್ಕಳಿಗೆ ಸಂಪೂರ್ಣ ಲಸಿಕೆಯನ್ನು ನೀಡಲಾಗಿದೆ.

ಮಿಷನ್ ಇಂದ್ರಧನುಷ್ ಯೋಜನೆಯ 2ನೇ ಹಂತ
ಪ್ರಧಾನಮಂತ್ರಿ ಪ್ರಧಾನ ಮಂತ್ರಿ ಇಂದ್ರಧನುಷ್ ಅಭಿಯಾನ ಯೋಜನೆಯ 2ನೇ ಹಂತವನ್ನು ಕೂಡ ನಾಲ್ಕು ಭಾಗಗಳಾಗಿ ವಿಂಗಡಿಸಲಾಗಿದೆ, ಅದರ ಮೊದಲ ಭಾಗವನ್ನು 2015ರ ಅಕ್ಟೋಬರ್‌ 7 ರಂದು ಪ್ರಾರಂಭಿಸಲಾಯಿತು. ಎರಡನೇ ಭಾಗವನ್ನು ಅದೇ ವರ್ಷ ನವೆಂಬರ್‌ 7 ಪ್ರಾರಂಭಿಸಲಾಯಿತು, ಮೂರನೇ ಭಾಗವನ್ನು ಡಿಸೆಂಬರ್ 7ರಂದು ಪ್ರಾರಂಭಿಸಲಾಯಿತು. ಮತ್ತು ಅಂತಿಮ ಮತ್ತು ನಾಲ್ಕನೇ ಭಾಗವನ್ನು 2016ರ ಜನವರಿ7 ರಂದು ಪ್ರಾರಂಭಿಸಲಾಯಿತು. 2ನೇ ಹಂತದಲ್ಲಿ ದೇಶಾದ್ಯಂತ 352 ಜಿಲ್ಲೆಗಳನ್ನು ಆಯ್ಕೆ ಮಾಡಿದೆ. 279 ಮಧ್ಯಮ ಗಮನ ಜಿಲ್ಲೆಗಳು, 73 ಉಳಿದ ಜಿಲ್ಲೆಗಳು ಮೊದಲ ಹಂತದ ಹೆಚ್ಚಿನ ಆದ್ಯತೆಯ ಜಿಲ್ಲೆಗಳಾಗಿದ್ದವು.

ಇಂದ್ರಧನುಷ್ ಮಿಷನ್‌ನ 3ನೇ ಹಂತ
ಮೊದಲ ಮತ್ತು ಎರಡನೇ ಹಂತಗಳು ಯಶಸ್ವಿಯಾದ ನಂತರ ಮಿಷನ್ ಇಂದ್ರಧನುಷ್‌ನ ಮೂರನೇ ಹಂತವನ್ನು ಕೇಂದ್ರ ಆರೋಗ್ಯ ಸಚಿವಾಲಯ 2016ರ ಏಪ್ರಿಲ್‌ 7ರಂದು ಆರಂಭಿಸಿತು. ಹಲವು ರಾಜ್ಯಗಳಿಂದ ಒಟ್ಟು 216 ಜಿಲ್ಲೆಗಳು ಅಭಿಯಾನಕ್ಕೆ ಒಳಪಟ್ಟಿವೆ. ಈ ರಾಜ್ಯಗಳೆಂದರೆ,

ಉತ್ತರ ಪ್ರದೇಶ

ಬಿಹಾರ

ಪಶ್ಚಿಮ ಬಂಗಾಳ

ಮಹಾರಾಷ್ಟ್ರ

ಅರುಣಾಚಲ ಪ್ರದೇಶ

ಉತ್ತರಾಖಂಡ

ಮಧ್ಯಪ್ರದೇಶ

ರಾಜಸ್ಥಾನ

ಅಸ್ಸಾಂ

ಎರಡು ವರ್ಷ ವಯಸ್ಸಿನ ಮಕ್ಕಳು ಮತ್ತು ಗರ್ಭಿಣಿಯರಿಗೆ ಲಸಿಕೆ ಖಾತರಿ
ಮಿಷನ್ ಇಂದ್ರಧನುಷ್ ಯೋಜನೆಯಡಿ ಎರಡು ವರ್ಷ ವಯಸ್ಸಿನ ಮಕ್ಕಳು ಮತ್ತು ಗರ್ಭಿಣಿಯರಿಗೆ ಲಭ್ಯವಿರುವ ಎಲ್ಲಾ ಲಸಿಕೆಗಳನ್ನು ಖಚಿತಪಡಿಸಿಕೊಳ್ಳಲು ಗುರಿಯನ್ನು ಹೊಂದಿದೆ. ಸರ್ಕಾರವು ದೇಶದ ಎಲ್ಲಾ ರಾಜ್ಯಗಳಲ್ಲಿ 201 ಹೈ ಫೋಕಸ್ ಜಿಲ್ಲೆಗಳನ್ನು ಗುರುತಿಸಿದ್ದು, ಹೆಚ್ಚಿನ ಸಂಖ್ಯೆಯ ಭಾಗಶಃ ಪ್ರತಿರಕ್ಷಣೆ ಮತ್ತು ಲಸಿಕೆ ರಹಿತ ಮಕ್ಕಳನ್ನು ಹೊಂದಿದೆ.

ಈ ಮೊದಲು ಸಂಪೂರ್ಣ ಪ್ರತಿರಕ್ಷಣೆ ವ್ಯಾಪ್ತಿಯ ಹೆಚ್ಚಳವು ವರ್ಷಕ್ಕೆ 1% ಆಗಿದ್ದು, ಮಿಷನ್ ಇಂದ್ರಧನುಷ್‌ನ ಮೊದಲ ಎರಡು ಹಂತಗಳ ಮೂಲಕ ವಾರ್ಷಿಕ 6.7% ಕ್ಕೆ ಏರಿಕೆಯಾಗಿದೆ. ಮಿಷನ್ ಇಂದ್ರಧನುಷ್‌ನ ನಾಲ್ಕು ಹಂತಗಳನ್ನು ಆಗಸ್ಟ್ 2017 ರವರೆಗೆ ಆಯೋಜಿಸಲಾಗಿತ್ತು. ಇಲ್ಲಿಯವರೆಗೆ 10 ಹತ್ತು ಹಂತಗಳನ್ನು ಪೂರೈಸಿದೆ.

ದೇಶದ ಇತರೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

TV9 Kannada


Leave a Reply

Your email address will not be published. Required fields are marked *